Lahatsoratra farany an'i avylavitra tamin'ny Janoary, 2013
Oganda Tamin'ny 2012: 50 Nahaleovan-tena Sy Solombavambahoaka Tanora Indrindra Ho An'i Afrika
Iray amin'ireo taom-pahasambarana teo amin'ny tantaran'i Oganda ny 2012. Fahatsiarovana mamy miainga avy any amin'ny nahalanian'ilay mpikambana tanora indrindra ao amin'ny Parlemantam-Pirenena tamin'ny fankalazana ny faha-50 taona nahaleovan'ny firenena tena.
F&V Miaraka Amin'i Michel Kilo: Fanantenana Kely Hisian'ny Vahaolana Ao Syria
Iray amin'ireo Siriana mpanohitra manana ny lazany i Michel Kilo, mpanohitra ara-politika ny Filoha Bashar Al Assad. Niakatra ho amin'ny toeram-boninahiny izy tao anatin'ilay Lohataonan'i Damaskaosy, famirapiratan'ny fahalalahana maneho hevitra sy ara-politika nandritra ny fotoana fohy tamin'ny 2000. Nandao an'i Syria valo volana i Kilo tao anatin'ilay revolisiona ary monina miaraka amin'ny fianakaviany any Parisy ankehitriny. Namaly ireo fanontanian'ny Syria Deeply tamin'ny alàlan'ny Skype izy.
Tsy Nisy Akony Ny Sarintsarim-pitsitsiana Nataon'ireo Shinoa Mpitarika
Nipongatra indray taonjato maro taty aoriana ilay fehezanteny filamatra hiadiana amin'ny kolikoly 'Lovia efatra, Lasopy iray' noforonina tany ampiandohany fony Amperoran'ny Fanjakana Ming tao Shina. reo fampahalalam-baovao an'ny fanjakana [zh] dia nampiasa ilay fomba fiteny mba hamaritana sakafo tsotra iray noraisin'ny Filohan'ny Antoko Kaominista Xi Jinping tany Hebei faritany any avaratr'i Shina. Saingy tsy taitra tamin'ity sarintsarim-pitsitsiana ity ireo mpisera anaty aterineto.
Saka, Basy Ary Famaboana Fanànana Any Amin'ny Faritra Ambanivohitr'i Idlib
Maaret Misreen, Syria–Omar, mpianatra iray momba ny fandraharahana ara-barotra fahiny tao aminà anjerimanontolo tsy miankina ao Damaskaosy, dia miaina fiainana izay tsy azony noeritreretina velively. Avy any Idlib no fiaviany, iray amin'ireo tanàna kely any Syria, afovoan'ny tanin'oliva any avaratra-andrefana. Ankehitriny izy dia monina any amin'ny faritry ny tsipika misy ny fifampitifirana amin'ny maha-mpikatroka mafàna fo azy amin'ny media, manadihady herisetra sy manao mpitaridia ireo vahiny mpanao gazety sy ireo mpiasa mpiaro zon'olombelona manerana ny tany Siriana.
TEDxSanaa: Mangetaheta Fanantenana Ny Ao Yemen
Na teo aza ny taona nisafotofoto niainan'i Yemen tamin'ny 2012, niasa mafy ny vondrona Yemenita iray mba hamaranana ny tana amin'ny fomba miabo. Nahavita nametraka sehatra iray, sambany ho an'i Yemen, hahafahana mamelom-panantenana ny tariky ny TEDxSanaa, dia ny hetsika TEDx ao Sanaa ny 31 Desambra teo ambanin'ny teny faneva "Mangetaheta Fanantenana."
Bangladesh: Ankizivavy Vazimba Teratany Iray Hafa Indray Voaolana Sy Novonoina
Nisy indray ankizivavy vazimba teratany iray novonoina rehefa avy naolana tamin'ny fomba mahatsiravina tany Bangladesh. Ilay tra-doza, Khomaching Marma (14 taona) dia mpianatra amin'ny kilasy taona faha-8. Ity fanolanana sy famonoana feno habibiana ity dia nanaparitaka indray ny hatezerana sy ny haromontana nanerana ny firenena. Nanao hetsi-panoherana koa ireo mpisera anaty aterineto.
Kanji-n'ny Taona 2012 ho an'i Japana
Ny Japan Kanji Aptitude Testing Foundation dia nanambara [ja] tamin'ny 12 Desambra 2012 fa ny kanji tamin'ny taona 2012 dia ny volamena (金). Ahoana no fahitàn'ireo mpisera anaty aterineto an'io fanambaràna io sy ny jeritodika nataon'izy ireo ny taona 2012?
Mankalaza Ny 2012 Miaraka Amin'ny Global Voices
Satria tonga tamin'ny farany ny taona, dia tianay indrindra ny haneho ny fankasitrahanay tamin'ireo asa mafy, famoronana sy fikarakaràna nataon'ny maro tato anatin'ny vondrom-piarahamonin'ny Global Voices. Taonan'ny firoboroboana nitalakotrokotroka sy fahombiazana ho an'ny GV ny 2012. Ireto ny sasany nisongadina
Ireo Tantara Be Mpamaky Indrindra Teto Amin'ny Global Voices Tamin'ny 2012
Samy hitantsika daholo tamin'ity taona ity (2012) na ny fahombiazana na ny tsy fahatanterahana ho an'ireo hetsika sosialy tety anaty aterineto, ny ady, ny tsy rariny ary ny loza mahatsiravina - saingy koa tsy tambo nisaina ireo tantara momba ny herimpon'olombelona sy ny fifikirana amin'ny aina izay manome antsika fanantenana avo dia avo ho an'ny hoavy.
