Lahatsoratra farany an'i avylavitra tamin'ny Marsa, 2011
Jordaia: Tiako i Jordania Satria …
Rivotra niaina atao amin'ny tontolonìny Twitter Jordaniana ny fitiavana satria nivadika ho lisitra nivezivezy ilazan-dry zareo ny antony itiavany ny fireneny tamin'ny alalan'ny tenifototra #ILoveJordan. Betsy Fisher nifantina sasantsasany tamin'ireny fanehoan-kevitra ireny.
Kolombià: Mpianatra amin'ny Ambaratonga Ambony Miresaka Momba ny Fahasamihafàn'ny Lahy sy ny Vavy
Any Kolombià, ny governemantan'i Medellin dia nanomboka fanentanana iray ho fanairana ny rehetra amin'ny fahasamihafàn'ny lahy sy ny vavy any amin'ny sekoly ambaratonga ambony, ary ny ampahany amin'ny fanentanana dia ahitàna lahatsary ao amin'ny aterineto misy ireo mpianatra samihafa miresaka momba ny zavatra niainan-dry zareo.
Bahrain: Rehefa Manohitra Ireo Mpiondana Teknolojia
Tamin'ny Sabotsy nisy vondrona manampahaizana amin'ny Teknolojia nanao fihaonambe ho fanoherana ny governemanta ary nitondràna sorabaventy amin'ny fomba sy fitenin'ireo "mpiondana". Teny an-toerana ilay mpandefa bitsika, Jalal Al-Jazeeri @JTheIslander, izay sady mpiondana rahateo ihany koa ka nandefa tamin'ny alalan'ny bitsika an'ireto sary ireto izay maneho ny sasany amin'ireo asa famoronana tena mahaliana.
Serbia: Fanehoan-kevitra Momba ny Valan-dresak'i Gaddafi Tao Amin'ny Pink TV
Nanao resadresaka teo amin'ny 8 minitra teo tamin'ny telefaona ho an'ny fahitalavitra Serba TV Pink ny filoha Libiana Muammar Al Gaddafi tamin'ny 28 Febroary, nilazany fa i Libia dia tahaka ireny firenena "tena mandry fahalemana tanteraka" ireny. Ireo fanehoan-kevitry ny Serba eo anivon'ny aterineto sy tany anaty fampielezam-baovaom-pirenena ka ahitàna fanekena tanteraka sy fanohanana ny tantaran'i Gaddafi.
Bahrain: ‘Nanapoaka Sarom-bilany’ Hanohitra Ny Sekoly (Lahatsary)
Sekoly Ambaratonga (ambony) faharoa maromaro no 'nanapoaka sarom-bilany' hihetsika hanohitra ny governemanta manerana an'i Bahrain tamin'ny Talata 1 Martsa. Ho fanohanana ireo mpanao fihetsiketsehana milasy ao amin'ny Fihodinana ao Pearl (Lulu) dia nivoaka ny sekoliny daholo teny anelanelan'ny andro fianarana, na lahy, na vavy, ka nanao filaharana teny ivelan'ny sekolin-dry zareo tao an-tanànan'i Isa , Hamad ary Jidhafs.
Yemen: An'arivony ireo mihetsika amin'ny Androm-pahatezerana
An'arivony ireo mpanao fihetsiketsehana nilahatra tao Yemen androany, tao anatin'ilay Androm-Pahatezerana hanamelohana ireo fanafihana ny mpanao fihetsiketsehana tamin'ny Zoma tao Aden, ary hitakiana ny fampitsaharana ny fitondran'ny Ali Abdullah Saleh. Saleh mandritra izany dia niampanga an'i Israely sy Etazonia ho ao ambadiky ny onjam-panoherana misy any amin'ny faritra.
Iran: Fihetsiketsehana Ho Fanafahana Ireo Filohan'ny Mpanohitra (Lahatsary)
Nipoaka ny fihetsiketsehana tamin'ny Talata teo tany Iran, Shiraz, Isfahan, Tabriz, Mashhad sy tany aminà tanana maro noho ny faharenesana ny tatitra tamin'ity herinandro ity hoe nofonjaina ireo mpitarika ny mpanohitra Mir Hossein Moussavi sy Mehdi Karrubi, filazàna iray izay nolavin'ny manampahefana.
Iran: Mpitoraka Bilaogy Iray Nivavaka Mba Hahita Ireo Mpanao Fihetsiketsehana Ho Voadaroka
Taorian'ireo hetsika maro nihanaka tany Iran tamin'ny 14 Febroary, nofenoin'ireo Iraniana mafàna fo an-tserasera taminà lahatsary ny aterineto, ary sary sy bitska avy eny amin'ny fihetsiketsehana. Mandritra izany fotoana izany, misy fomba filaza iray hafa mikasika ny hetsika. Ireo Islamista mpitoraka bilaogy sy mpomba ny governemanta koa dia niroborobo rehefa tonga ny fotoana hizaràn'izy ireo ny fonba fiheviny teo amin'ny aterineto.