Lahatsoratra farany an'i avylavitra tamin'ny Janoary, 2013
Miaro Tena Amin'ireo Fiampangàn'i Esperanza Aguirre Ny Kiobàna
Nilaza ny filohan'ny antokom-bahoaka (Partido Popular-PP) ao Madrid, Esperanza Aguirre, fa tsy nankato "fitsaràna tao Kioba izy, na endrika ahoana na ahoana." Nantsoiny hoe "fampijaliana" ny fotoana lanin'i Ángel Carromero, Sekretera lefitry ny Sampana Tanora ao amin'ny Antokom-bahoaka tany am-ponja, taorian'ny nanamelohana higadra tao La Havane noho ny "famonoana olona tsy niniana," tanaty lozam-pifamoivoizana izay nahafaty an'ireo Kiobana mpanohitra, Oswaldo Payá sy Harold Cepero. Mihetsika ny tontlon'ny bilaogy Kiobàna.
Alaoita Mpanampy Mpitsabo Miasa Aminà Hopitaly Sionita Ao Syria
Tamin'ny dia namakivaky ny faritra fehezin'ny mpihoko tao amin'ny faritanin'i Latakia, any amin'ny faritra Jebel Turkman, nihaona tamin'i Umyara, 34 taona, izahay, vehivavy iray Alaoita mpanampy mpitsabo miasa eny amin'ny hopitaly ambanivohitra. Tao Latakia, toerana tena mpanohana ny Filoha Bashar al-Assad, efa an-jato taona ireo Sionita sy Alaoita no niara-niaina. Ankehitriny, miaraka amin'ny ady mangotraka ataon'ny fitondrana tarihan'ny Alaoita sy ny Tafika Malalaka Siriana tarihan'ny Sionita ny betsaka, betsaka no matahotra ny mety hiparitahan'ny fifankahalàna eny amin'ireo sivily amin'ny alàlan'ny fitsitokotokona ara-pinoana.
Ekoatora: Lahatsary Fanadihadiana “Zanaky Ny Jaguar” Nahazo Ny Loka National Geographic
"Children of the Jaguar" "Zanaky ny Jaguar" dia fanadihadiana velona manampy antsika hisaina mikasika ny zava-doza aterak'ireo orinasa maro rantsana erantany izay miezaka ny hitrandraka ny tahirin-tsolika ambanin'ny tany ao amin'ny Ala Amazona ao Ekoatora sy ny tolona tsy miato ataon'ireo mponina any an-toerana hiarovany ny tanin'izy ireo.
varotra Vehivavy Iraisampirenena : Foanana Sa Arindra Ny Fampanofàna Tena? – Ampahany voalohany-
ONG roanjato avy amin'ny faritr'i Eoropa manontolo no nihaona tao amin'ny Parlemanta Eoropeana tao Bruxelles ny 4 Desambra teo. Nandefa antso iray izy ireo hanafoanana ny fampanofàna tena sady nanolotra ireo faritra iasan'ny politika eoropeana iray ho fanafoanana. Ho an'ireo mpangataka fanafoanana, ny fanaovana ny fampanofàna tena ho toy ny heloka bevava no fanalahidy hanoherana ny famarotan'olona ho amin'ny fitrandrahana azy ireny amin'ny resaka filàna ara-nofo. Kanefa manerana an'i Eoropa sy izao tontolo izao, ireo matianina amin'ny resaka filan'ny nofo, frantsay na vahiny, dia maneho ny tsy fankasitrahan-dry zareo ny fametrahana ireo mpisehatra rehetra ao anatin'ity fampanofàna tena ity ho toy ny olona mpanao heloka bevava,takian-dry zareo ny zo ho afaka mandray fanapahan-kevitra samirery sy ny fanajàna ny zo fototr'izy ireo ary angatahany ny hametrahana sata iray matotra ho an'ny asany.
Bangladesh: Jibon Tari – Hopitaly Mitsingevana Ho An'ny Sahirana
Hopitaly mitsingevana mitety ireo faritra lavitra manerana ny firenena ny Jibon Tari - mitondra ireo tolotra ara-pitsaboana ho an'ireo olona any amin'ny faritra mahantra izay raha tsy misy ny toy izany dia sarotra ho azy ny hahazo tohana ara-pitsaboana mora foana.
Ekoatora: Mandà Tsy Hitokana Vala Famokarana Herinaratra Ahodin-drivotra Ny Filoha
Nisafidy ny tsy hanaisotra ny voalin'ilay vala famokarana herinaratra ahodin-drivotra ao Villonaco ny Filoha Ekoatoriana, izay heverina fa mbola tsy vita hatramin'ny farany. Manana ireo fanehoan-kevitry ny mponina ao Loja i Alison Martínez.
Manampy Ny Keniana Hampibaribary Ny Hosoka Amin'ny Maha-mpikambana Anaty Antoko Politika Ny Teknolojia
Satria miomana hiatrika fifidianana izay ho filoham-pirenena ry zareo Keniana ato anatin'ny 90 andro, noporofoin'ny teknolojia ny sady maha-namana no maha-fahavalo azy ho an'ireo maro mpanao politika: Nivoitra tamin'izany àry fa tao amin'ny tranonkalan'ny Kaomisiona Keniana Mahaleotena Momba ny Fifidianana Sy Ny Vakim-paritra dia marobe ankehitriny ireo antoko politika no nangalatra ny antsipirihany avy amin'ny Kara-panondrom-pirenen'ireo Keniana tsy misy ahiahy ary dia nanao hitsin-dàlana nanoratra azy ireny ho toy ny mpikambana ao anatin'ny antokon-dry zareo .
Tsy Nahalala, Nisotro Rano Voapoizina Nandritra Ny Andro Dimy Ny Tanànan'i Handan Any Shina
Nisotro, nandro sy nisasa taminà rano misy poizina nandritra ny dimy andro ny mponina tao amin'ny tanànan'i Handan any Shina. Voapoizin'ny loto indostrialy avy ao amin'ny faritanin'i Shanxi mpifanolo-bodirindrina anminy ilay tena loharanon-dranon'ny tanàna - ny reniranon'i Zhanghe - tamin'ny 31 Desambra 2012. Niteraka fanamelohana niparitaka ve tety anaty aterineto ny fanivànan'ny governemanta ao an-toerana ny vaovao sy ny tsy firaharahian-dry zareo ny fanitsakitsahana goavana atao amin'ny tontolo iainana.
Taiwan: Fanirian'ny Taona Vaovao Tsy Hisian'ny Nokleary
Tena hafakely mihitsy ny fankalazana ny taona vaovao tamin'ity taona ity satria niara-niasa hanolotra firenena iray lavitry ny nokleary ho toa ny firariantsoa iraisan'ny vahoaka Taiwanese ho an'ny taona 2013 [zh] ireo mpihira malaza, mpikatroka mafàna fo mpiaro tontolo iainana sy ireo tanora.
Mpanakiana Ny Tafika Toniziana Voasazy Higadra Taona Iray Sazy Mihantona
Nampitomboin'ny fitsarana miaramila iray ao Tunis ny sazy mihantona famonjàna ho an'i Ayoub Massoudi, raha 4 volana dia lasa taona iray. Voaheloka i Massoudi, mpanolotsaina fahiny ny Filoha Toniziana Moncef Marzouki, higadra efatra volana, sazy mihantona, noho ny fiampangàna azy ho "nanala-baràka" ny tafika sy "fanaovana tsinontsinona ireo mpitondra ambony ao amin'ny tafika", tamin'ireo fanambaràna [en] nataony tanaty fahitalavitra mikasika ny fandroahana hiala an'i Tonizia ho any Libia natao an'ilay Praiministr'i Muammar Gaddafi teo aloha, Baghdadi Mahmoudi Massoudi.