Lahatsoratra farany an'i avylavitra tamin'ny Janoary, 2012
Tontolo Arabo: Taona Iray An-ttsary – Ny Fantin'ireo Mpanoratray
Satria nataontsika veloma mandrakizay ny taona 2011 ary mibanjina indray ny taona 2012, dia nangataka ireo mpanoratray izahay mba hizara aminareo ireo sary izay manamarika iny taona lasa iny eo imason-dru zareo tany amin'ny fireneny isanisany avy. Ity fantina manaraka ity no maneho ny safidin'izy ireo.
Shily : Firehetan'ny Valanjavaboarim-pirenena Ao Torres del Paine Niteraka Fahatafintohinana
Firehetana iray mahatsiravina no niteraka fahatohinana teo amin'ireo Shiliana mpiondana aterineto izay naneho ny ahiahy, ny hatezerana, ny alahelo ary ny fanantenan-dry zareo ny mba hifehezana haingana izany firehetana izany tany anatin'ireo tambajotra sosialy. Ny lohahevitra nironana betsaka, "Torres del Paine" sy ny tenifototra #salvemostorresdelpaine (ndeha hamonjy an'i Torres del Paine), dia nampiasaina mba ho fampahafantarana sy handefasana ireo fanehoan-kevitra mikasika ilay firehetana.
India: Manangom-baovao Avy Any Ifotony Amin'ny Facebook Momba Ny Fanitsakitsahana Ny Lalàn'ny Fifamoivoizana
India no isan'ny firenena iray amin'ireo vitsy eran'izao tontolo izao izay niditra eo amin'ny sehatry ny tambajotra sosialy Facebook ireo polisy mpandrindra fifamoivoizana ao aminy, sady mandrisika ny fandefasana vaovao avy eny ifotony momba ny fanitsakitsahana ireo lalàn'ny fifamoivoizana. An'arivony amin'ny mpampiasa no manaraka ireny pejy ireny ary maro no mitondra anjara biriky mizara sary sy lahatsary momba ny fanitsakitsahana ny lalàn'ny fifamoivoizana, ary dia afaka mandray andraikitra ny polisy noho izany
Brazil: “Nihoarantsika Ny Harin-karena Faoben'i Royaume Uni. Dia ahoana?”
Ny vaovao, navoakan'ny mpampahalala vaovao iraisam-pirenena ary naelin'ny mpampahalala vaovao teo amin'ny firenena, dia nameno rehareha sy fanantenana tao anatin'ireo nasionalista Breziliana, ary namela kosa ireo izay nanadihadyny terhimarika ho tery loatra hitoetra ao anaty fisalasalàna. Ireo bilaogera dia misaina ny dikan'ny hoe lasa firenena fahaenina matanjaka erantany amin'ny resaka harinkarena faobe, sady mitàna ny laharana faha-84 amin'ny tondro omen'ny Human Development Index (Tondrom-Pivoaran'ny Maha-olona).
Ejipta: Vehivavy Manao Diabe Mitaky Ny Maha-Olona Azy
An'arivony ireo vehivavy Ejiptiana nidina an-dalambe tao Kairo androany (20/142/2011) mba hanao hetsi-panoherana hitakian'izy ireo ny maha-olona azy, taorian'ny nidarohan'ny miaramila ireo vehivavy nandritra ny fifandonan'ny miaramila sy ireo mpanao fihetsiketsehana, tao anatiny sy teny ivelan'ny Kianja Tahrir hatramin'ny 16 Desambra.
Ejipta: 2011 Teny Anivon'ireo Lahatsoratra Am-bilaogy
Tonga tamin'ny fiafaràny ny taona 2011, ary miaraka amin'ireo zavatra rehetra nitranga tao Ejipta, dia zava-dehibe loatra ny hitanisàna ireo lahatsoratra tanaty bilaogy izay tena nanan-danja sy niteraka resabe nandritra ny taona.. Mampisafidy an'ireo mpampiasa Twitter i Tarek Amr mba hisafidy izay lahatsoratra am-bilaogy misongadin'ny taona.