Lahatsoratra farany an'i avylavitra tamin'ny Novambra, 2011
Kioba: Mpiaro Ny Habaka Maitso Eny An-tanàn-dehibe
Tamin'ny Desambra 2006 dia notapahana ny hazo be iray efa anjato taonany antsoina hoe Ceiba, na Kapoaka, tao San Agustín mpifanolo-bodirindrina amin'ny Havana, renivohitra Kiobana. Ity tranga nampalahelo ity dia nanosika ireo tanora Kiobana hanangana ny El Guardabosques (Ny Mpiambina ny Ala na Forest Ranger).
Ejipta: Tokony Hisarom-boaly Koa Ny Lehilahy!
Niaraka tamin'ny fitroaran'ireo Islamista talohan'ny revolisiona, nitombo ny tahotra ny hisian'ny faneriterena ara-pinoana teny anivon'ny tanora, ireo vitsy an'isa ary ny vehivavy. Vondrona Facebook iray mandrisika ny lehilahy hitafy Hijab na voaly, ho fanehoana firaisankina amin'ny vehivavy no vao avy nandom-baravarana. Ireto misy fanehoan-kevitra vitsivitsy avy amin'ny fandraisan'andraikitr'ireo Ejiptiana sy Toniziana mpampiasa aterineto.
Kolombia: Mitohy Mitokona Ireo Anjerimanontolo Ho Fanoherana Ny Lalàna 30
Mbola mitohy mitokona ireo Kolombiana mpianatra avy amin'ny anjerimanontolo ho fanoherana ny fanavaozana ny Lalàna 30. Miteny ry zareo fa ilay fanavaozana dia hampanjary ho tsy miankina ireo anjerimanontolom-panjakana, ary manindry fa tsy hiverina an-dakilasy mihitsy raha tsy voasintona eny amin'ny Kaongresy ilay tolo-dalàna.
Israely: Mpampiasa Aterineto Manohitra Mafy Ny Mety Ho Fanafihana Atao Amin'i Iran
Tatitra avy amin'ny fampahalalam-baovao Israeliana maro tato ho ato no niresaka ny mety hisian'ny fanafihana hataon'ny Israeliana amin'ireo foto-drafitrasa nokleary any Iran.Raha zohiana ireo tatitra ireo, sambany izao ny vahoaka Israeliana no nanomboka niresaka tamin'ny fomba matotra ity olana goavana ity. Maneho hevitra momba ny vaovao any anaty bilaogy sy Twitter any ireo mpampiasa aterineto.
Sarimihetsika: Andro Iray Hiainana Ny Fiainan'ny Olona Iray Jamba
Jamba hatrany an-kibon-dreny i Tommy Edison, ary amin'ny alàlan'ny lahatsary YouTube no anehoany amintsika ny fiatrehany ireo asa aman-draharaha sasantsasany izay mitaky fanamby avy aminy toy ny fampiasàna vola taratasy ohatra, ATM, famakiana DVD sy fiampitàna arabe. Izy koa dia mpanao kiana amin'ny sarimihetsika ary ny fomba fijeriny miharo vazivazy no manome antsika topimaso amin'ny fomba ankafizan'ireo manana olana ara-pahitàna ny fiainana.
Nampiantrano ny Valan-dresaka Iraisam-pirenena Mikasika Ny Momba Ny Tena Manokana Sy Ny Fahalalahana Maneho Hevitra i Meksika
Ny firohotana The Public Voice dia nampiantrano valan-dresaka iraisam-pirenena tao an-tanànan'i Mexico ny 31 Oktobra 2011, ary nanasàna ny rehetra mba handray anjara tamin'izany fifanakalozan-desaka izany sy hiserasera amin'ireo mpamelabelatra.
Teny: Ndeha Handefa Siokantsera Sy Hiteny Quechua
Ireo maniry ny hianatra ny teny Quechua dia manana safidy amin'izao fotoana, na handray siokantsera isan'andro misy lesona momba ny vokabolary sy quizz. Ny kaonty Twitter @hablemosquechua na "Ndeha hiteny Quechua" dia novolavolain'ny tarika iray avy amin'ny Escuela Lab ao Lima, Pero mba hanakaikezana ireo mpianatra liana amin'ity tenim-bazimba any amin'ny faritra Andes ity.
Qatar: Nambara Ny Datim-Pifidianana Izay Ho Parlemantera Amin'ny 2013
Androany (01/11) dia nanambara i Qatar ha hanao fifidianana izay ho mpikambana ao amin'ny parlemantany amin'ny tapany faharoan'ny taona 2013. Ny Emir ao Qatar, Shaikh Hamad bin Khalifa Al Thani, no nanao ny fanambaràna ary noraisin'ny vahoaka tsara tokoa, izay manantena fa ny fanohanan'i Qatar ny revolisiona Arabo dia hanefy ampitso vaovao ho an'ireo Qataris.
Kolombia : Fifidianam-Paritra 2011
Ny Alahady 30 oktobra 2001 no natao tao Kolombia ny fifidianam-paritra [teny espaniola] hanendrena izay ho olom-boafidy amin'ny fitantanana raharaham-bahoaka eny ifotony : governora, antenimieram-paritra, ben'ny tanàna, mpanolontsain'ny tanàna, ary ny antenimieran'ireo mpitantan-draharaha eny an-toerana. Arakaraky ny lanjan'ny toerana hofenoina, arahamaso akaiky ireny fifidianana ireny toy ny fanarahana ny fifidianana ho filoham-pirenena. Mailo tanteraka ny vahoaka mikasika io teboka io, ary izany dia tsapa hatranyt anaty fampahalalam-baovaon'olon-tsotra rehetra any sy eny amin'ny tambajotra sosialy.
