Lahatsoratra farany an'i avylavitra tamin'ny Marsa, 2012
India: Ilay Gazety Soratànana Farany Indrindra Eto An-tany
Ny endrika voalohan'ny gazety dia nosoratana tamin'ny tànana ary ankehitriny dia ny 'The Musalman' angamba no hany sisa gazety soratana amin'ny tànana mùanerana izao tontolo izao. Ao an-tanànan'i Chennai ao India, mitohy avoaka isanandro ity gazety efa ho 85 taona ity, ataon'ireo mpiangaly kalisoratra sora-tànana amin'ny fiteny Urdu.
Tonizia: Bilaogera Manampy Amin'ny Fandrafetana Ny Lalam-panorenana
Ny 23 Oktobra 2011, nifidy ny antenimiera handrafitra ny lalam-panorenany vaovao ry zareo Toniziana, taorian'ny nanonganana ny fitondran'i Ben Ali. Amin'izao fotoana, dimy volana aty aoriana, vao ny fandinihana ireo drafitra natolotra no natomboky ny antenimiera. Kanefa, ny tsy fitovian-kevitra manodidina ny artikla voalohany dia mampihisatra ny asan'ny antenimiera ary tafiditra eo afovoan'ny dinika ny momba ny Islam sy ny fizakana ny maha-olom-pirenena Arabo. Nijabahan'ireo mpiondana aterineto ilay izy mba hanampiany amin'ny fanotorana ny hantsana.
Mampiantrano Ny Fifaninanana Voalohany Ho An'ny Vazimba Teratany Mpanapariaka Vaovao I Norvezy
Fantatra maneran-tany amin'ny fikarakarana ny Loka manan-danja Nobel ho an'ny fandriampahalemana i Norvezy. Amin'ity volana ity, ity firenena Skandinavy ity dia hampiantrano ny fiandohan'ny hetsika iray, tsy dia mbola malaza loatra nefa koasa manana ny lanjany, dia ny loka World Indigenous Television Broadcasters Network (WITBN), na ny Tambajotra iraisam-pirenen'ireo Vazimba teratany Mpanapariaka Fahitalavitra, hatao ny 29 Martsa 2012.
Ejipta: Ny Totoafon'i Abou Ismail Aminà Saribe
Mafotaka tokoa ny fiomanana amin'ny fifidianana izay ho filoha ao Ejipta, voaomana hatao ny 23 sy 24 May 2012, miaraka amin'ny sariben'ireo mpirotsaka izay efa mameno ny làlana sahady. Saingy rehefa i Hazem Salah Abou-Ismail no resahana, dia tena vereziny lavitra any aoriana ireo mpifaninana rehetra amin'ny fanaovana totoafo ny fametahana saribe. Ny saribeny dia saika hita eny rehetra eny. Noararaotin'ireo mpiondana aterineto ilay fotoana mba hihomehezana avy amin'ilay totoafo an-tsary.
Thailandy: Fomba Miavaka Manokana Fandravahana Fiarakaretsaka Ao Bangkok
Noforonina efatra taona lasa izay, ny bilaogy Still Life in Moving Vehicles dia nanasongadina karazan-tsary samihafa mahasondriana amin'ny fanaingoana ireo fiarakaretsaka ao Bangkok. Dale Konstanz, izay nanomboka nanangona ireny sary ireny efa ho taona dimy mahery izao, dia mitantara ny aingam-panahy nanosika azy hanao ilay tetikasa anaty aterineto. Indreto ny sasany amin'ireo sarinà talismans, ireo olo-masina ara-pivavahana, ary sary apetaka maneho resaka politika
Miomana Hanome Voninahitra An'Ireo Maty Noho Ny Ady Tao Malouines I Arzantina
Any Arzantina, isaky ny 2 Aprily no ankalazaina ny ny Andro ho an'ireo bekotro maroholatra sy ny maty noho ny Ady tao Malouines. Saingy tsy ho daty mandalo tsy tazàna akory ny an'ity taona ity noho ny zava-misy ankehitriny amin'ny fifanolanana ara-diplaomatika amin'i Angeletra. Ireto ny fanehoan-kevitra farany sy fomba fihevitra mifandraika amin'io fifanolanana io.
Avy Amin'ny Iraniana Ho An'ny Israeliana: “Namanareo Izahay”
Ilay pejy Facebook fanentanana avy amin'ny Israeliana miteny amin'ireo Iraniana hoe "Tsy handaroka baomba velively ny firenenareo izahay. Tianay ianareo" dia nahazo valiny avy amin-dry zareo Iraniana amina endrika fifandraisana fifanentanana ao amin'ny Facebook izay miteny amin-dry zareo Israeliana hoe, "Namanareo izahay."
Kioba: Resaka Momba Ny Kaonty Twitter an'i Yoani Sánchez
Ny 26 Febroary 2012, lahatsoratra iray ho fanehoana fomba fijery [es] nivoaka tao amin'ny gazety iray mpivoaka isan'andro ao an-tananan'i Mexico , La Jornada, no nanondro ilay Kiobana bilaogera Yoani Sánchez ho "hosoka" noho ny haavon'ny hetsika ataony sy ny lazany ao amin'ny Twitter.. Miraradraraka ny fanakianana sy ny fanohanana.
Zambia: Nofoanan'ny Governemanta Ny Antoko Nitondra Teo Aloha
Ny antoko politika mpanohitra lehibe indrindra ao Zambia, ny Movement for Multi-Party Democracy (MMD) izay nesorin'ny antoko Patriotic Front (PF) tsy ho eo amin'ny fitondrana taorian'ny fifidianana tamin'ny Septambra 2011 rehefa teo amin'ny fitondrana nandritra ny 20 taona, dia nofoanan'ny manampahefana tamin'ny 14 Martsa noho ny filazana fa tsy nahaloa ny vola fandrotsaka voafaritry ny lalàna ho an'ny fe-potoana naha-teo amin'ny governemanta azy. Maneho hevitra ety anaty aterineto mikasika ity fivoaran-draharaha ity ny Zambiana.
Yemen: Mahatsiaro ny Zoman'ny Fahamendrehana
Taona iray lasa izay, nanodidina ny olona 52 no maty, nanakaiky ny 100 no voalaza fa naratra tao Sanaa. Mahatsiaro ny andron'ny 18 Martsa ireo mpiondana aterineto, kihon-dàlana iray teo amin'ny revolisiona tao Yemen, izay nahatonga olona marobe, olom-panjakana, diplaomaty, ary miaramila niala an-daharana ka nanatevina ireo mpanao hetsi-panoherana.
