Lahatsoratra farany an'i avylavitra tamin'ny Novambra, 2011
Koety: Fanentanana Amin'ny Lahatsary Mba Hampianarana Ny Olom-pirenena Ny Momba Ny Lalampanorenana
Hanamarihana ny tsingerintaona faha-49 nisian'ny Lalampanorenana Koetiana, nanapa-kevitra ny vondrona mafàna fo vitsivitsy mba hampahatsiahy ny vahoaka ireo votoaty samihafa ao anaty lalampanorenana. Eo ambanin'ny lohahevitra hoe Tadry[ar] (Mba fantatrao va re?), Sout Al-Kuwait (Feon'i Koety) dia namokatra lahatsary enina, maharitra segondra vitsy eo avy, hanazavàna amin'ny vahoaka andalana enina notsongaina avy ao amin'ny lalampanorenana.
Yemen: Ampangain'ireo Mpiondana Aterineto Ho manao Tatitra Mitongilana Ny Reuters
Marobe ny olona no tohina nahita fa ilay loharanom-baovao malaza sy mba nitokisany, Reuters, dia manaràma an'i Mohammed Sudam, mpandika teny manokan'ny Filoha Ali Abdullah Saleh, sady sekreterany hatramin'ny 2009, ho toy ny solotenany mivantana sy iraka manokany ao Yemen. Nandefa siokantsera ireo Yemenita, izay nanomboka nampiasa ny tenifototra #ShameonReuters tao amin'ny Twitter, no tohina tamin'ny zavatra hitany, manontany ny amin'ny mbola fahamendrehan'ny Reuters sady mangataka fanazavàna.
Shina: Fahavalo An'eritreritr'i Japana
Tatitra vao haingana avy amin'ireo mpampita vaovao Japone izay manondro an'i Shina ho ny fahavalo ao anatin'ilay fanazarantena an-dranomasina iarahan'i Japana sy Etazonia izay voalaza fa nokarakaraina hatao amin'ity herinandro ity no nitondra hatramin'ny fihenjanana amin'ny resaka ady sisintany eo amin'ireto firenena aziatika roa ireto. John Kennedy no mitatitra.
Bangladesh: Fanoherana Am-pahasahiana Ny ‘Dot’
Farzana Yasmin, tovovavy iray avy ao Bangladesh no nampanakoako nanerana ny firenena ny fisarahany tamin'ny vadiny teo noho eo tamin'ny andron'ny fampakarambady, taorian'ny nangatahan'ny fianakavian'ity farany 'dot' (fanomezana atolotra mialoha ny hidirana amin'ny tokantrano vao), niaraka tamin'ny fankatoavany, tamin'ny fianakavian-dravehivavy.
Taiwan: Maneho Hevitra Momba Ilay Diplaomaty Voaheloka Ho Nanararaotra Mpiasa An-trano Ireo Mpiondana Aterineto
Noho ireo mpanao lalàna mitavozavoza sy motraka, ary ny "sasany"- sa tokony hoe "ny maro" no ho teneniko - amin'ireo mpampiasa tsy vanon-toetra, malaza ratsy amin'ny fanaovana tsinontsinona ireo mpiasa vahiny mpila ravinahitra i Taiwan. Na izany aza, tamin'ity indray mitoraka ity ny tantara ratsy mahasadaikatra dia tsy tao Taiwan no nitranga, fa tao amin'ny toeram-ponenan'ny diplaomaty Taiwanais any Etazonia.
Syria: Naaton'ny Ligy Arabo Ny Maha-mpikambana An'i Syria
Nosazian'ny Ligy Arabo i Siria androany noho ny famonoany ny olom-pirenena efa ho maherin'ny 3.000 ka naato ny maha-mpikambana azy ao amin'ity vondrona iraisan'ny Arabo ity, manomboka amin'ny Alarobia. Ireo mpiondana aterineto dia maneho hevitra momba ilay fanapahan-kevitry ny Ligy, nambara taorian'ny fihaonana maika natao tao amin'ny foibeny tao Kairo. Nambara koa fa ny Ligy Arabo dia eritreretina hamoaka sazy ho an'ilay lehilahy matanjak'i Siria, Bashar Al Assad.
Espaina : Tafatafa Tamin'i Ignasi Labastida Momba ny Fizakà-mànana Ara-tsaina
Juan Arellano dia nitafatafa tamin'i Ignasi Labastida, mpikambana ao amin'ny vondrom-piarahamonina Creative Commons ao Espaina, momba ny fizakà-mànana ara-tsaina sy ny zon'ny mpamorona ao anatin'izao vanim-potoan'ny teknolojia vaovaon'ny Fampahalalam-baovao sy ny fifandraisana izao.
Teny: Miasa Ho Amin'ny Fanomezana Aina Vao Ny Teny Nishnaabe
Barbara Nolan dia mankafy ny mametraka ny talentany ho eny alohan'ny sehatra ho toy ny fomba iray hanampiana amin'ny fampivelarana bebe kokoa ireo mpiteny ny teny Nishnaabe. Ho toy ny hoe ivo ifantohan'ireo ezaka ataony, Barbara dia manatontosa lahatsary fohy karazana tantara tsangana amin'ny teny Nishnaabe, feno, miaraka amin'ny fitafy, sy feo azo jerena ao amin'ny fantsony YouTube sy pejy fandraisany.
Iran: Maneho Hevitra Momba Ny Honohono Hisian'ny Fepetra Ara-Tafika Ireo
Lasa lohateny lehibe eny amin'ny pejy voalohany ny honohono amin'ny mety hisian'ny fanafihana ara-miaramila ataon'ny Amerikana na Israeliana amin'ireo toby nokleary Iraniana, na izany ho an'ireo mpampahalala vaovao efa nahazatra, na ho an'ireo Iraniana mpampiasa aterineto.
Global Voices Podcast: Famenoana ny Banga Eo Amin'ny Teny
We also look forward to the 11 Eleven Project on 11/11/11.Ao anatin'ity famoahana Podcast an'ny Global Voices ity isika dia hiresaka ireo teny izay sarotra tadiavina eo anivon'ny aterineto. Teny iray saro-tadiavina eto amin'ny aterineto ve no teneninao? Avy aminà faritra iray izay tsy ampiasàna betsaka ny tenin-dreninao ve ianao? Ankoatra izany dia mety ho isan'ireo olona maro manerana ny tany izay miteny sy manoratra ireo "teny zara raha misy mahalàla" ianao. Miandrandra mafy ny tetikasa 11 Eleven amin'ny11/11/11 ihany koa isika
