Lahatsoratra farany an'i avylavitra tamin'ny Aogositra, 2011
Madagasikara: Sazy Mitondra Mankamin'ny Fitontonganan'ny Toe-karena Sy Tsy Fanjarian-Tsakafo
Tato anatin'ny taona vitsy dia niaina fitontonganana misoko mangina ny toe-karen'i Madagasikara, izay efa marefo rahateo, miantraika mafy amin'ny fiainan'ireo vahoaka Malagasy an-tapitrisany izany. Miaraka aminà toe-karena voakilasy ho ratsy indrindra eran-tany sy ny fanjarian-tsakafo misoko mangina, mireaka ny antom-pisiana sy ny fiantraikan'ny sazy iraisam-pirenena ny vahoaka Malagasy.
Bangladesh: Fahafatesana Mahatsiravina Niteraka Fanarahamaso akaiky ny an-dalambe
Nahatohina ny Bangladeshi mafy tokoa ny fahafatesana tampoka nahazo ilaytale nahazo loka taminà famokarana sarimihetsika Tareque Masud sy ilay mpaka sary (cameraman) fanta-daza maneran-tany sady mpanao gazety amin'ny fahitalavitra Ashfaque Munier Mishuk tanaty lozam-pifamoivoizana. Misaona ny fahafatesan'izy ireo ny mponin'ny aterineto sady manontany mikasika ny fiarovana eny amin'ireo làlambe Bangladeshi.
Brezila: Reharehan'ny ‘Hétéro’ sa Tsy Fandeferana ny ‘Homo'?
Ny 2 Aogositra 2011, ny filankevitry ny tanànan'i Sao Paulo, Brezila, dia nametraka Andro Ho An'ny Tsy Mitovy Mifanambady, hetsika iray hankalazaina isaky ny Alahady fahatelo amin'ny volana Desambra. Manontany ireo mpampiasa aterineto sorena hoe: misy dikany ve ny hanokànana andro iray ho anà maro an'isa ara-tsosialy izay tsy nizaka akory zavatra tsy rariny na dia kely aza?
Chile: Polisy sy Mpianatra Nifanandrina Tanaty Fihetsiketsehana Momba ny Fanabeazana,Tsy Nahazoana Alàlana
An-jatony ireo Shiliana mpianatra, nitaky ny fanavaozana ny rafi-panabeazana azy ireo, no nifampitàna tamin'ny mpitandro filaminana avy amin'ny polisy satria nanao hetsika tsy nahazoana alàlana izy ireo tamin'ny Alakamisy 4 Aogositra 2011, nanerana ny afovoan-tanànan'i Santiago renivohitra. Ao amin'ny Twitter, ilay hetsika dia tafakatra ho amin'ny toeran'ny lohahevitra tena resahana be ao an-tanàna noho ireo mpianatra mbola maneho ny hatezerany tsy mitsaha-mitombo.
Togo : Miampànga Ny Fanitsakitsahana Ny Fahalalahan'ny Asa Fanaovana Gazety Ireo Togole Mpanao Gazety
Nivelively ny rarivato natao ho làlana ireo togole mpanao gazety tamin'ny Sabotsy 06 Aogositra mba hanoherana ny fandrahonana ho faty mahazo ny sasany amin'ny naman'izy ireo. Tamin'ny Alarobia 03 Aogositra no nalefan'ny fikambanana "SOS Journaliste en danger"(Vonjeo ny mpanao gazety fa tandindonin-doza) ny antso, tao Lomé. Ireny fandrahonana ireny dia avy amin'ny Masoivohom-pitsikilovanam-pirenena na "Agence nationale de renseignement (ANR)" ary drafitra ikendrena mihitsy ny «hanohintohinana ara-batana ireo mpanao gazety, indrindra amin'ny famoronana loza sarintsariny, ny fanapoizinana, ary ny famoronana antontan-taratasy isan-karazany etsy sy eroa». Sylvio Chombey no manazava:
Shina:Notazonina Ny Pasipaoron'ny Mpianatra Soedoa Iray Noho Ny Antso Hanao Flash Mob (Hetsika Tselatra)
Soedoa iray mpianatra, Sven Englund mianatra ao amin'ny Anjerimanontolo Fudan ao Shanghai no nantsoina tany amin'ny paositry ny polisy fa nanoratra taratasy ho an'ny Filoha Sinoa, Hu Jintao, tao amin'ny bilaoginy. Raha vao vita ny famotopotorana dia notazonina ny pasipaorony.
Litoania: Ben'ny Tanàna Anaty Fiara Mifono Vy mamotika Ny Fiara Miantsona Tsy Ara-Dalàna
Lotika loatra amin'ireo fiara lafovidy miantsona amin'ny toerana tsy ara-dalàna eny amin'ny faritra natokana ho an'ny kodiaran-droa ny Ben'ny tanànan'i Vilnius...notapahany ny hevitra fa hanome ohatra ranamana ka dia nohitsahany tamin'ny fiara mifono vy ilay fiara
Pero: Fangalàrana Zava-Masina Tao Motupe
Ny Talata 5 Jolay 2011, vaovao ratsy nahataitra no nifohazan'ireo Peroviana : nisy nangalatra ilay Hazo Fijaliana Masin'i Motupe [es] izay tena malaza be sy fanta-bahoaka tokoa. Maneho hevitra mikasika izany ao amin'ny Twitter ireo mponin'i aterineto amin'ny fampiasàna ny tenifototra #cruzdemotupe, ary any anaty bilaogin-dry zareo.
Syria: Miditra An'i Hama Ny Fiara Mifono Vy Ny Hariva Mialoha Ny Ramadany
Ny hariva mialoha ny Ramadany, niditra ny tanànan'i Hama ny andian-tafika Syriana, ary voalazan'ny tatitra fa namono olona betsaka efa ho 45 teo amin'ny tamin'ny 11:00 antoandro teo ny Alahady 31 Jolay