Lahatsoratra farany an'i avylavitra tamin'ny Desambra, 2010
Pakistan: Aasia sy Aafia – Ny tantarana vehivavy Pakistane roa
Maro ny Pakistane no mahatsiaro ho voakasika amin'ny tranga mahazo an'i Aasia Bibi (vehivavy pakistane kristiana iray voaheloka ho faty fa hoe naniratsira finoana) sahala amin'ny fanahian'izy ireo momba ny fitazonana an'i Aafia Siddiqui (voaheloka hifonja 86 taona any Etazonia).
Venezoela: Fijery sy fisainana mikasika ny fandrindràna ny Aterineto
Androany (14 Desambra), ny Antenimieram-pirenena Venezoeliana dia hiady hevitra mikasika ny fanavaozana ny rafi-pirenena momba ny fifandraisan-davitra, tafiditra anatin'izany ny fametrahana Toeram-Pidirana amin'ny Tambajotra, ny fanaraha-maso ny vontoaty rehetra ifampizaràna eo anaty aterineto, ary ny fandraràna sasantsasany amin'ny karazana vontoaty (filàna ara-nofo, herisetra, ary ireo "maneho fitondrantena tsy mendrika"). Raha manhgina tsy andrenesam-peo ireo mpanao politika Venezoeliana, dia naneho ny heviny kosa ireo mponin'ny aterineto mikasika ny fahitan-dry zareo an'ity volavolan-dalàna ity.
Arabia Saodita: Afaho ilay Saodiana mpampianatra, i Dr Mohammed Alabdulkareem
Saudi Dr Mohammed Alabdulkareem dia nosamborina taorin'ny namoahany lahatsoratra iray momba ny fiantraikian'ny fifehezana ny ara-politika eo anivon'ny fianakavian'ny mpanjaka [Ar]. Mitsangana mitaky ny famotsorana azy amin'ny alalan'ny fampiasàna bilaogy, Facebook sy Twitter ireo mponin'ny aterineto.
India: Andro iray ahafahan'ireo vehivavy milalao sy mandihy
India Unheard dia mampiseho antsika fankalazàna roa samihafa avy amin'ny faritra samihafa manerana ny firenena izay ahafahan'ireo vehivavy manambady avy amina vondrom-piarahamonina ara-poko, mandritra ny iray andro monja, mifaly havanja sy mandihy imasom-bahoaka tsy misy sakantsakana.
Jordania: Herisetra amina baolina kitra sa Fanavakavahana?
Ireo tatitry ny Fampahalalam-baovao dia maminavina fa 250 any ho any ny naratra taorian'ny lalao baolina kitra tao atsimon'i Amman nifanandrinan'ny tarika Wihdat, izay matetika no tohanan'ireo Jordaniana manam-pihaviana Palestiniana, sy ny tarika al-Faisali, izay mazàna kosa no tohanan'ireo Jordaniana manam-pihaviana avy any Transjordania. Miresaka momba ny loza nitranga ireo mpandefa Tweets
Nahazo ny Mari-pankasitrahana Voalohany ho an'ny Fanaovan-gazetim-paritra ny HiperBarrio
Ny HiperBarrio avy any Colombia no nahazo ny First Community Journalism Award in Municipality of Medellín by Antioquia University (Mari-pankasitrahana Voalohany ho an'ny Fanaovan-gazetim-paritra tao Medellin ary avy amin'ny Anjerimanontolon'i Antioquia) tamin'ny sokajy Sehatra Mendrika indrindra anaty Tranonkala raha samy Vondrom-piarahamonina. Asongadin'ny Anjerimanontolon'i Antioquia. Hahazo 6 tapitrisa pesos Kolombiana ihany koa ny HiperBarrio miaraka amin'ilay mari-pankasitrahana.
Shina: Tsy misy “seza foana” nahazo alalana hiseho aterineto
Tsy afaka nanatrika ny lanonana Loka Nobel ho an'ny Fandriampahalemana tany Oslo, Norvezy, natao omaly i Liu Xiaobo sy ny vadiny. Nanokana “seza foana” (tsy misy olona) ihany ny Komitin'ny Loka Nobel ho toy ny fanamarihana hoe nanatrika teo i Liu. Ho mariky ny fanohanan-dry zareo an'i Liu sy hanapariahana...
Iran: “Voaheloka ho faty ny mpamorona tranokalam-betaveta iray”
Miatrika sazy fanamelohana ho faty any Iran i Saeed Malekpour, mpanangana tranonkala, noho izy voapanga ho nanaingo tranonkala natao ho an”olon-dehibe”. Tranonkala Iraniana vitsivitsy no nanoratra fa Malekpour no tena mpitantana ny Avizon, tranonkalam-betaveta henjana, ary tsy gadra politika mihitsy izy.
Iran: Miresaka ireo antontan-taratasin'ny Wikileaks ny mpitoraka bilaogy
Ireo antontan-taratasy momba ny Cablegate an'i Wikleaks dia nampiseho ireo fifamatorana maizina eo amin'i Iran sy Afghanistan; vaovao anatiny mikasika ny fitondrana Iraniana sy ny mpanohitra; ary ny tahotry ny tontolo Arabo manoloana ny politika noklearin'i Iran. Naneho hevitra mikasika ireny ampamoaka ireny ireo Iraniana mpitoraka bilaogy, indraindray miaraka amina...
Maraoka: Manara-maso ny fiantraikan'ny tondra-drano ireo mpitoraka bilaogy
Tamin'ny herinandro lasa, ireo orambe nivatravatra nanerana an'i Maraoka dia naha dobo rano faritra maro tao amin'ny firenena, nanapaka ny fifamoivoizana sy ny fifandraisana ary namoizana aina 30 raha kely indrindra, ka 24 tamin'ireo no maty raha nofaohan'ny ranobe ny fiara mpitatitra nitondra azy ireo tao Bouznika, atsimon'i Rabat renivohitra. Mizara ny tantaran'izy ireo mikasika ny orambe mivatravatra eto ireo mpitoraka bilaogy.
