Mpikambana ao amin'ny Mother Nature (havia miankavanana) Long Kunthea, Ly Chandaravuth, Yim Leanghy, Thun Ratha, ary Phuon Keoraksmey, mandao ny Lapan'ny Fitsarana ao an-drenivohitra Phnom Penh rehefa niatrika ny fotoam-pitsarana azy ireo faninefany tamin'ny 17 Jona 2024. Saripika avy amin'i Licadho, CC BY-NC 4.0

Mpikambana miisa folo ao amin'ny vondrona Kambodziana mpiaro ny tontolo iainana Mother Nature no voaheloka higadra enina ka hatramin'ny valo taona an-tranomaizina noho ny filazana fa nikomy tamin'ny governemanta sy niteny ratsy ny Mpanjaka, saingy vao mainka nahatonga ireo tanora mpikatroka hanamafy ny fahavononany hiady ho an'ny rariny ara-tontolo iainana izany.

Tanora Kambodziana manohitra ny tetikasam-pampandrosoana goavana izay mandrahona hamindra toerana ireo mponina sy manimba ny tontolo iainana manodidina no mitarika ny Mother Nature. Anisan'ny fanentanana ataon-dry zareo ny tetikasa lahatsary fanentanana amin'ny fandotoan-drano vokatry ny tsy fetezan'ny fanarian'ny orinasa amin'ny tokony ho izy ny fako, ao koa ny hetsi-panoherana fanondranana fasika tsy ara-dalàna, ary ny fandraketana fahalotoan'ny fikorianan-drano maloto akaikin'ny lapan'ny mpanjaka.

Efa nosamborina ireo mpikatroka ireo tamin'ny taona 2020 noho ny fikatrohan'izy ireo ary notanana am-ponja nandritra ny 14 volana. Mifandraika amin'ny fihetsiketsehana am-pilaminana natao tamin'ny taona 2020 sy 2021, sy ireo tatitra mitsikera ny governemanta ny didy navoaka tamin'ny volana Jolay .

Taorian'ny didy, nohazonina tamin-kerisetra avy hatrany ireo mpikatroka ary nalefa tany am-ponja, na dia teo aza ny fitarainana nataon'ny fokonolona sy ny mpiaro ny zon'olombelona teo ivelan'ny efitrano fitsarana.

Mitaratra ireo endri-pamoretana maharanga tohanan'ny fanjakana manao ho lasibatra ireo mpiaro ny tontolo iainana ao Kambodza ity tranga ity. Teo anelanelan'ny Aprily 2019 sy Jolay 2023, nandrakitra fisamborana olona 195 ny Foibe Kambodziana Misahana ny Zon'Olombelona, ka ny 22 amin'ireo dia voaheloka noho ny fiampangana heloka bevava isankarazany, mifandraika amin'ny fikatrohana fiarovan-tany.

Efa nitsinjo mialoha sahady ny didim-pitsarana sy ny fihazonana azy ny maro amin'ireo mpikambana ka afaka nanoratra sy nandefa hafatra an'horonan-tsary ho an'ny besinimaro. Nanentana ny Kambodziana i Ly Chandaravuth handresy ny tahotra sy hanohitra ny fanimbana ny tontolo iainana.

I don't ask the Cambodian people to demand my freedom from the courts, but to free yourselves from the fear that holds you back. This struggle is hard, and if we fall, the suffering will reach our children and grandchildren.

Tsy hitaky ny fahafahako eny amin'ny fitsarana no angatahiko amin'ny vahoaka Kambodziana, fa ny hanafaka ny tenanareo amin'ny tahotra misakana anareo. Mafy ity tolona ity, ary raha lavo isika dia ho tonga amin’ny zanaka aman-jafy ny fangirifiriana.

Nilaza i Thun Ratha fa hitoetra hatanjaka izy na dia eo aza ny fampidirana am-ponja azy ireo.

If people see this video, it means I am now in prison.

What I want to do most is protect natural resources which belong to the Cambodian people. I have been suffering due to the actions of those who are making use of and benefitting from natural resources with no regard for environmental and social impacts.

I will maintain the strength that I brought here through the immense love of those who support us.

We are sure that what we have done is for the benefit of justice and everyone.

Raha mahita ity horonantsary ity ny olona dia midika izany fa any am-ponja aho izao.

Ny tena tiako hatao dia ny fiarovana ny harena voajanahary izay an'ny vahoaka Kambodziana. Nangirifiry aho noho ny fihetsik'ireo izay mampiasa sy misitraka ny harena voajanahary tsy miraharaha ny fiantraikany amin'ny tontolo iainana sy ara-tsosialy.

Hihazona ny tanjaka nentiko teto aho amin'ny alalan'ny fitiavan'ireo manohana anay.

Matoky izahay fa ho tombontsoan’ny rariny sy ho an’ny rehetra izao nataonay izao.

Na dia miatrika fanagadrana aza ny dimy amin’ireo mpikambana ao amin’ity vondrona ity, dia nanohy niaro ny tontolo iainana sy nanaitra ny sain’ny besinimaro amin'ny fiantraikan’ny tetikasa goavana sasany ataon’ny governemanta ireo mpikambana ao amin’ny Mother Nature.

When we advocate for the protection of natural resources, we often face accusations of being anti-development. But should we sacrifice these vital resources in the name of progress? Is development justified if it leads to excessive depletion of our natural heritage? Our five friends have been arrested for standing up against destructive practices masquerading as development.

Rehefa manandratra teny hiarovana ny harena voajanahary izahay dia matetika ampangaina ho tsy tia fampandrosoana. Saingy tokony hanao sorona ireo harena iankinan'ny aina ireo amin'ny anaran'ny fandrosoana ve isika? Rariny ve ny fampandrosoana raha mitarika ho amin’ny fahapotehan’ny vakoka voajanahary? Nosamborina ireo namanay dimy mianadahy nijoro nanohitra ireo fomba fanapotehina afenina ambadiky ny fampandrosoana.

Nanohy nikarakara fanentanana sy nizara trakta sy afisy natao hanangonana fanohanana hamotsorana maika ireo mpikatroka namany nogadraina ireo mpikambana ao amin'ny Mother Nature.

Manana hafatra ho an'ny manampahefana Kambodziana ireo mpikambana ao amin'ny Mother Nature: “Afaho ny namanay”. Sary avy amin'ny pejy Facebook Mother Nature Cambodia. Nahazoana alalana.

Tamin'ny antsafa anjotra nifanaovana tamin'ny Global Voices, nizara ny fomba nanovan'ny vondrona ny paikadin'izy ireo sy ny fomba fiasany ireo mpikambana ao amin'ny Mother Nature hatramin'ny niampangana azy ireo amin'ny heloka bevava  .

The arrest has (forced) us to quickly relocate from place to place for our safety because we didn’t want to lose our core members anymore.

And yet we have to reset, refocus on the mission no matter how tough it is. We made our choice to work continuously after the arrest of our friends. We keep our wills of environmental protection ahead of everything.

(Nanery) anay ny fisamborana hifindrafindra toerana haingana ho fiarovana anay satria tsy te hamoy ireo mpikambana fototra izahay.

Saingy tsy maintsy mamerina hatramin'ny voalohany indray izahay, mifantoka amin'ny iraka na dia sarotra aza izany. Efa vita ny safidy hiasa tsy tapaka taorian'ny fisamborana ireo namanay. Ataonay ho lohalaharana mialoha ny zava-drehetra ny fanirianay momba ny fiarovana ny tontolo iainana.

Nohamafisin’izy ireo ny toky hanohy ny ady ho amin’ny hoavy madio kokoa.

The more they arrest our members, the more defenders are coming up. We will be always here fighting for environmental justice.

It’s our duty to accomplish our aspiration to live together with nature peacefully. We can’t live without it, can’t live our happy lives without nature. That’s why we are demanding power to the people not the regime.

Arakaraka ny isamboran-dry zareo ny mpikambana ao aminay no vao mainka ahatongavan'ny mpiaro. Hiady hatrany ho amin'ny rariny ara-tontolo iainana izahay.

Adidinay ny manatanteraka ny fanirianay hiaina am-pilaminana miaraka amin'ny zavaboary. Tsy afaka miaina tsy misy azy isika, tsy afaka hiaina sambatra raha tsy misy natiora. Izay no itakiana ny fahefana ho an’ny vahoaka fa tsy ho an'ny fitondrana.

Mazava loatra fa notohizan'ny Mother Nature ireo fanentanana manohitra ny fitrandrahana ala tsy ara-dalàna, ny fitrandrahana fasika ary ny fananganana tohodrano lehibe. Namoaka ity hafatra ity tao amin'ny X (Twitter) izy ireo, dimy volana taorian'ny nanamelohan'ny fitsarana teo an-toerana ny mpikambana tao aminy.

It has been five months since the Cambodian courts arrested and imprisoned activists from the Mother Nature movement under anarchy. After five months of brutal arrests, have the environment and natural resources been better protected, or are they worsening and facing increasing… pic.twitter.com/81HRxkr63d

— Mother Nature Cambodia (@CambodiaMother) December 2, 2024

Dimy volana izay no nisamboran'ny fitsarana Kambodziana sy nanagadrana ireo mpikatroka avy amin'ny hetsiky ny Reny Natiora (Mother Nature) tao anaty fikorontanana. Dimy volana taorian'ny fisamborana an-kerisetra, voaaro tsara ve ny tontolo iainana sy ny harena voajanahary, sa miharatsy sy mihamitombo ny…

Nomelohin’ny fiarahamonim-pirenena eto an-toerana sy maneran-tany ny fanenjehana ireo mpikambana ao amin’ny Mother Nature. Niantso ny famotsorana azy ireo ihany koa ny vondrona mpiaro ny zon'olombelona maro, toa ny Human Rights Watch, Amnesty International, sy Licadho, Ligy Kambodziana ho Fampiroboroboana sy ho Fiarovana ny Zon'olombelona​​.

Tamin'ny fotoana nanoratana ity lahatsoratra ity, olona maherin'ny 104.000 no nanao sonia fanangonan-tsonia anjotra mitaky ny famotsorana ireo tanora mpikatroka ireo.

Nandritra izany fotoana izany, niantso ny mpikambana ao amin'ny Mother Nature ho “milaza ny tenany ho mpikatroka mpomba ny tontolo iainana” ny Iraka Maharitry ny Firenena Mikambana ao Kambodza ary nanizingizina fa “nanam-potoana feno hohenoina tanteraka ireo voampanga, anisan'izany ny zo hahazo hevitra, sy hitsipaka ny fiampangana ho ampahany ny zo hahazo fitsarana ara-drariny sy ireo paika (dingana) tokony hatao”.