Mpanao hetsi-panoherana ivelan'ny Antenimieran'i Indonezia. Pikantsary avy amin'ny lahatsary “Nipoaka ny fihetsiketsehana tao Java, Indonezia noho ny fiovan'ny lalàm-pifidianana | The World” avy amin'ny fantsona ABC News (Australia). Fampiasana ara-drariny.
Nosintonin'ireo mpanao lalàna Indoneziana ny tolo-kevitra roa mikasika ny lalàm-pifidianana isam-paritra taorian'ny nikarakaran'ireo mpanao fihetsiketsehana an'arivony, izay tanora ny ankamaroany, famoriam-bahoaka tany amin'ny tanàna miisa 16 farafahakeliny manerana ny firenena.
Ny 20 aogositra teo, namoaka didy lehibe roa ny Fitsarana momba ny Lalàm-panorenana: Voalohany, nampidininy ny fetra farany ho an’ny antoko amin'ny fanendrena kandidà, izay hanitatra ny fifaninanana amin’ny fifidianana isam-paritra hoavy amin'ny volana novambra. Faharoa, manazava izany fa tokony ho 30 taona farafahakeliny ny tompon’andraikitra ao an-toerana amin’ny fotoana anoratany anarana ho latsahan-kofidiana.
Tamin'ny 21 aogositra, nanambara ny fikasan'izy ireo handany ny fanitsiana izay hamadika ny didy navoakan'ny fitsarana ireo mpikambana ao amin'ny Fiaraha-mitantana mitondra ao amin'ny Antenimierampirenena. Nataon-dry zareo ity tolo-kevitra ity hamerana indrindra ny isan'ireo antoko afaka manendry kandidà, sy ny taona farany ambany indrindra ho an'ny kandidà mendrika izay hampiharina mandritra ny fitokanana azy ireo, fa tsy mandritra ny fisoratana anarana. Hanakana ny mpifanandrina amin'i Jokowi tsy hametraka kandidà ary hamela ny zanakalahin'i Jokowi 29 taona hirotsaka ho governora lefitra ilay tolo-kevitry ny mpanao lalàna.
Vetivety dia niteraka hatezeram-bahoaka ny fanitsiana nokasaina atao, indrindra teo amin'ireo mpianatra sy tanora mpikatroka. Nomelohin'izy ireo ny filoha mamarana asa amin'ny volana oktobra Joko Widodo (Jokowi), ho nikonokonona fikasana ora farany hampitomboana ny fitaomany sy ny fifehezany ny politika eo an-toerana.
Tsy vao sambany no nisy fanitsiana ny didy ho tombotsoan'ny fianakavian'i Jokowi. Afaka nirotsaka ho filoha lefitra tamin'ny Febroary 2024 ny zanany lahimatoa taorian'ny nampidinana ny taona ho an'ny kandidà voafidy fara-fahakeliny ho 35 taona raha 40 izany teo aloha.
Tamin'ny 22 Aogositra, nipoaka ny fihetsiketsehana goavana nanerana ny firenena. Tao an-drenivohitra Jakarta, niditra an-keriny tao amin'ny Antenimierampirenena ireo mpanao fihetsiketsehana ary nifanehitra tamin'ny polisy.
“Lavinay ny fanjakam-pianakaviana politika sy ny fanimbàna ny demokrasia ataon’ antoko tokana ,” hoy ilay mpianatra mpikatroka Arga Luthfi tao Yogyakarta, izay nampanakoako ny hafatra malazan'ny fihetsiketsehana.
Nalaza nandritra ny hetsi-panoherana ny tenirohy roa dia ny hoe #KawalPutusanMK (arovy ny didin'ny Fitsaran-Dalàmpanorenana) sy ny hoe #PeringatanDarurat (fampitandremana hamehana). Navoaka tao amin'ny tambajotra sosialy ity farany izay mampiseho ny pikantsarin'ny sainam-pirenena miaraka amin'ny sary lafika miloko manga maneho ny maha-maika ny zava-misy.
Nampiarahina tamin’ny horonantsary manambara fanairana hamehana izy io hoe: “Fampitandremana vonjitaitra ho an’ny sivily momba ny hetsika tsy ara-dalàna izay vao hitan’ny governemantam-panjakana tokana ao amin’ny Repoblikan’i Indonezia.”
Nanazava ny antony nahatonga ilay sarin'ny hamehana nanakoako tamin’ny maro ny filohan’ny Vaomieran’ny Famongorana ny Kolikoly teo aloha, Abraham Sama. “Ao anatin’ny hamehana tanteraka ny demokrasia eto amin’ny firenena. Vavombelon'ny fandrobana atao amin'ny lalàm-panorenana ao amin'ny antenimiera isika.”
— Mata Najwa (@MataNajwa) August 21, 2024
Nanaparitaka tamin-kerisetra ny hetsi-panoherana niaraka tamin'ny polisy nampiasa kibay sy baomba mandatsa-dranomaso mba hanakanana ireo mpanao fihetsiketsehana ny governemanta ho setrin'izany. Maherin’ny 300 no voasambotra tao an-drenivohitra, anisan’izany ny ankizy tsy ampy taona ary mpanao gazety miisa 11 no naratra raha kely indrindra raha teo am-panaovana tatitra ny fihetsiketsehana izy ireo.
Tamin'ny matoandahatsoratra iray, nanameloka ny fampiasana herisetra amin'ny fihetsiketsehana am-pilaminana ny tranokalam-baovao Tempo.Co.
The brutality by police officers when breaking up the demonstrations over the last two weeks shows the real face of the Joko Widodo administration. This is a government that appears not to care and has become accustomed to ignoring criticism that comes without mass support. On the other hand, when criticism is expressed in mass demonstrations, the government quickly responds to it.
Mampiseho ny tena endriky ny fitondran'i Joko Widodo ny habibiana nataon'ny polisy rehefa nandrava ny fihetsiketsehana nandritra ny tapa-bolana. Toa governemanta tsy miraharaha ary efa lasa zatra tsy miraharaha ny fanakianana tonga tsy misy fanohanana faobe. Etsy ankilany, rehefa aseho amin’ny alalan'ny fihetsiketsehana faobe ny fitsikerana dia haingana ny fitondrana mamaly izany.
Nilaza koa ireo vondrona mpiaro ny zon'olombelona maneran-tany fa “ny famoretana feno habibiana natao tamin'ny fihetsiketsehana manohitra ny fikasan'ny Parlemanta hanodikodina ny lalàna momba ny fifidianana dia mampiseho ny tsy firaharahiana tsotra izao ny zo hanao fihetsiketsehana am-pilaminana.”
Tamin'ny 23 aogositra, nanambara ny mpanao lalàna fa nanapa-kevitra ny hanafoana ireo fanitsiana natolotra izy ireo.
Nanoratra ny orinasam-pikarohana Tenggara Strategics fa nanamarika ny faharesena lehibe voalohany an'i Jokowi ara-politika ny fihetsiketsehana.
The episode shows that Jokowi is no longer as invincible as he has been before.
It also shows that the House, in which eight of the nine parties are members of his coalition government, is no longer fully under his control. Previously, whatever legislation he wanted, he got it.
Nasehon'ity zava-nitranga ity fa tsy ilay tsy mety resy intsony tahaka ny teo aloha i Jokowi.
Hita amin’izany ihany koa fa tsy eo ambany fifehezany intsony ny Antenimiera izay misy ankolafy valo amin’ireo sivy ao anatin’ny governemanta iaraha-mitantana. Teo aloha, izay lalàna tiany dia azony avokoa.
Nanasongadina ny maha-zavadehibe ny hetsi-panoherana an-tserasera sady tarihin'ny tanora ireo mpikaroka Ika Ningtyas sy Nuurrianti Jalli.
Despite his purported popularity, Jokowi’s decade in office was characterised by declining civil liberties, the weakening of democratic institutions, human rights violations, and the use of laws and other legal tools to repress or block dissenters while raising his own kin into public office.
The “Peringatan Darurat” movement represents a significant moment in Indonesian politics, demonstrating the power of social media to rapidly mobilise mass protests amidst the public’s growing frustration with Jokowi’s attempts to consolidate power within his family.
Na dia teo aza ny lazaina ho lazany, ny fahefana ampolo taonany nitondran'i Jokowi dia niavaka tamin'ny fihenan'ny fahalalahana sivily, ny fahasimban'ny andrim-panjakana demokratika, ny fanitsakitsahana ny zon'olombelona, ary ny fampiasana lalàna sy rafi-dalàna hafa hanakendana na hanakanana ireo tsy mitovy hevitra sady mampiditra ny havany ho mpiasam-panjakana.
Maneho fotoana iray manan-danja eo amin'ny politika Indoneziana ny hetsika “Peringatan Darurat”, mampiseho ny herin'ny media sosialy hanentanana haingana ny hetsi-panoherana faobe ao anatin'ny fahasosoran'ny vahoaka izay mitombo manoloana ny fikasan'i Jokowi hanamafy ny fahefana ao amin'ny fianakaviany.
Nitohy ny fihetsiketsehana na dia taorian'ny fisintonana ireo volavolan-dalàna tao amin'ny Kongresy aza. Tamin'ny 28 Aogositra, nanao fihetsiketsehana teo ivelan'ny trano fandraisam-bahinim-panjakana tao Yogyakarta ireo mpianatra mba hiampanga ny kolikoly sy ny kiantranoantrano tao anatin'ny fitondran'i Jokowi.
