Sary flicker [1] ampiasaina eo araka ny lisansa CC BY 2.0 [2].
Mpitantana media sosialy efa za-draharaha manana fahatakarana lalina sy fahalianana momba ny raharaha manerantany ve ianao? Mampientanentana anao ve ny fiarahamiasa amin'ny ekipa iraisam-pirenena sy ny fitrandrahana ireo endrika vaovao sy fifandraisana amin'ny sehatra media sosialy isan-karazany, amin'ny fiteny samihafa?
Raha izany no izy dia azonao atao ny mieritreritra ny hangataka ny toeran'ny Mpitarika ny Ekipan'ny Media Sosialy.
Ny Mpitarika ny Ekipa Media Sosialy dia tompon'andraikitra amin'ny fitantanana ny sehatra media sosialy rehetra ho an'ny Global Voices ary mitarika ny ekipa mpiara-miasa.
Ny andraikitry ny mpitarika ny ekipa media sosialy dia:
- Manara-maso ny fisian'ny Global Voices amin'ny media sosialy
- Mitantana ny ekipan'ny media sosialy, manendry adidy, mangataka domberina, ary mikarakara fivoriana ara-potoana manokana
- Mikaroka sy manome hevitra momba ny tetikady vaovao hirobohan'ny mpihaino, ao anatin'izany ny fitrandrahana sy fanandramana sehatra sy servisy vaovao,
- Mifandrindra amin'ny Mpandrindra ny Efitrano Famoaham-baovao amin'ny Media Sosialy mikasika ny paikady midadasika kokoa sy momba ny tetikasa fitaratra (mpitari-dalana), ao anatin'izany ny fandaharam-potoana ara-tetikady isan-telo volana sy ny drafitra fototra ho an'ny fitarihana.
- Manangona ireo zavatra tsy maintsy vakiana isan'andro sy isam-bolana ho an'ny sehatra Meta (Facebook sy Instagram), mandrindra ny fandraisana Instagram ary manitatra ny fampiasana Instagram ho amin'ny tanjona vaovao.
- Mamorona hetsika/sary sy sary fandravahana/kisarisary raha ilaina amin'ny fampiasana Canva sy fitaovana fanaovan-tsary hafa
- Mandray ireo fanamarihana amin'ny fandrefesana ny vokatra amin'ny tsipika fototra
- Manara-maso ny mpitsidika ny tranonkala sy ny antontanisa hafa mifandraika amin'izany ary mamolavola paikady hampitombo ny mpitsidika
- Ny fitandroana ny fiarovana ny sehatra media sosialy rehetra an'ny Global Voices
- Misokitsokitra torolàlana fampianarana momba ny fampiasana media sosialy
- Manoratra lahatsoratra tsindraindray momba ny fironana sy olana amin'ny media sosialy tsindraindray
- Miara-miasa amin'ny ekipa atidoha amin'ny fampivoarana sy fampandehanana ny fanangonam-bola an-jotra sy ny fanomezana mba hanohanana ny fikambanana
- Manavao tsy tapaka ny Mpandrindra ny Efitrano Famoaham-baovao Media Sosialy momba ny zava-bita, fanamby, vahaolana ary angona mifandraika amin'ny media sosialy
- Miara-miasa amin'ny Advox, Rising Voices, Lingua ary sehatra hafa hanamora ny fanentanana sy fandraisana anjara amin'ny media sosialy
- Manatanteraka ireo andraikitra hafa araka izay nomena
Ireo kandidà sahaza ny toerana dia:
- Mahay miresaka tsara amin'ny teny anglisy
- Manana traikefa voaporofo amin'ny fiasana anaty ekipa iraisam-pirenena
- Manana traikefa voaporofo amin'ny fitantanana sehatra media sosialy sy votoaty, tsara indrindra raha tamin'ny media na fikambanana tsy mitady tombony
- Afaka miasa amin'ny fanajana fe-potoana
- Mahatakatra na mivonona hianatra momba ny zo nomerika, ny fahalalahana miteny, ary ny raharaha mifandraika amin'ny fikatrohana
- Mahay miara-miasa amin'ny hafa ao anatin'ny tontolon'ny asa virtoaly tsy dia misy rafitra be
- Mahay maneho fanoloran-tena mafy amin'ny iraka sy soatoavin'ny Global Voices [3]
Homena ireo kandidà manana fahalalana fiteny hafa ankoatra ny teny Anglisy ny safidy.
Fikambanana virtoaly manerantany ny Global Voices. Ekipan-tonian-dahatsoratra [4]ao amin'ny efitrano famoaham-baovaon'ny Global Voices no milina miara-miasa amin'ireo mpandray anjara sy mpandika teny an-tsitrapo manerana izao tontolo izao mba hanasongadinana ireo tantara sy fomba fijery izay tsy dia aseho loatra amin'ny haino aman-jery mahazatra iraisam-pirenena.
Tsy misy fepetra ara-jeografika mifandraika amin'ireo asa ireo. Tsy manana birao na foibe ara-batana ny Global Voices. Tsy maintsy mahay miasa amin'ny fametrahana ny fandaharam-potoanany manokana ary miasa amin'ny tontolo virtoaly manontolo ny kandidà.
Amporisihanay indrindra ireo kandidà mandray anjara ankehitriny amin'ny tetikasa Global Voices mba hametraka fangatahana.
Miasa tapak'andro amin'ny ⅓ fotoana ny toerana ary horaisina ho toy ny fifanarahana tsy miankina.
Raha hametraka fangatahana:
Mandefasa CV sy taratasy fahavononana amin'ny teny Anglisy izay manasongadina ny asanao ary manazava ny antony maha-sahaza anao amin'io toerana io any amin'ny jobs@globalvoices.org, miaraka amin'ny loha-hevitra: Social Media Team Lead: ny anaranao. Ataovy amin'ny endrika .doc na .pdf ny taratasy fahavononanao no sady soraty ao amin'ny vatan'ny mailakao ihany koa.
Ny fe-potoana fangatahana dia amin'ny 11:59 hariva ora EST (GMT -4) amin'ny 14 aprily 2023.