[1]Behrouz Boochani nandray fitenenana nandritra ny TEDxSydney tamin'ny 24 Mey 2019. Sary avy amin'i Eric Fonacier / Visionair Media. Loharano [1]: kaonty Flickr an'ny TEDxSydney (CC BY-NC-ND 2.0) [2]
Tonga tao Canberra hanohana ny volavolan-dalàna miantso ny famotsorana ireo mpitsoa-ponenana any amin'ny toby fitazonana any ivelan'ny sisintany ny mpanoratra Kiorda-Iraniana Behrouz Boochani, izay nitady fialokalofana tany Aostralia tamin'ny taona 2013 fa nogadraina tany amin'ny toby fitanana an-dranomasina tany Papouasie-Nouvelle-Guinée nandritra ny enin-taona, .
Norahonana hogadraina noho ny fahavitrihany, nandao an'Iran i Boochani tamin'ny taona 2013. Tao anaty sambo niaraka tamin'ireo mpitsoa-ponenana hafa izy rehefa nisambotra ireo mpitady fialokalofana sy nandefa azy ireo tany amin'ny Nosy Manus any Papouasie-Nouvelle-Guinée ny mpitandro ny filaminana aostraliana.
Nandrakitra ny zava-niainany tamin'ny alàlan'ny WhatsApp izy ary nandefa ny asa sorany tany amin'ireo mpanao gazety sy mpandika teny Aostraliana. Taty aoriana izy dia namoaka fahatsiarovana mitondra ny lohateny hoe “No Friend But the Mountains: Writing from Manus Prison [3] (Tsy misy namana afa-tsy ny tendrombohitra: manoratra avy aty amin'ny fonjan'i Manus), izay nahazo ny Loka Victoriana ho an'ny Literatiora sy ny Loka Victorian Premier ho an'ny Nonfiction tamin'ny Janoary 2019.
Tamin'ny antsafa nifanaovana [4] [mg] tamin'i Fred Petrossian, mpanoratra ato amin'ny Global Voices [4] tamin'ny Aogositra 2019, niresaka momba ny fahorian'ny mpitsoa-ponenana any amin'ny toby fitanana an-dranomasina any Aostralia i Boochani:
It is very important to emphasize that people in these camps had no rights. While criminals in prison enjoy certain basic rights, even in the worst systems, such as the right to make phone call, refugees and asylum seekers in these camps were deprived of those basic rights.
Tena zava-dehibe ny manamafy fa tsy nanana zo ny olona tao amin'ireo toby ireo. Raha manana zo fototra sasantsasany ireo mpanao heloka bevava any am-ponja, na dia ao anatin'ny rafitra ratsy indrindra aza, toy ny zo hiantso an-telefaona, nanesorina kosa ireo zo fototra ireo ho an'ny mpitsoa-ponenana sy ny mpitady fialokalofana ao amin'ireo toby ireo.
Taorian'ny fanentanana maneran-tany nitaky ny famotsorana azy, dia afaka niditra tany Nouvelle Zélande i Boochani tamin'ny Novambra 2019 ary nahazo fialokalofana ny taona nanaraka.
Nitsidika an'i Aostralia izy tamin'ny fiandohan'ity volana ity mba hampahafantatra ny bokiny vaovao [5], “Fahafahana, Fahafahana Irery Ihany, Ny Asasoratr'i Behrouz Boochani Tao am-ponja.”
Nankany amin'ny Parlemanta tao Canberra ihany koa izy hanohana ny volavolan-dalàna naroson'ny Antoko Maitso izay mitaky ny hanesorana tsy misy hatak'andro ireo mpitsoa-ponenana 150 ambiny ao amin'ny Nosy Nauru sy Papouasie-Nouvelle-Guinée ary mba homena visa vonjimaika any Aostralia izy ireo.
Nisioka ny zavatra tsapany i Boochani rehefa niditra tao amin'ny tranoben'ny Parlemanta:
I was in the Australian parliament almost all day yesterday and met with many politicians, journalists and political advisors after the speech there. It was very surreal for me to be in a place that for years I criticised from the offshore prisons pic.twitter.com/FYfAFq8QKu [6]
— Behrouz Boochani (@BehrouzBoochani) February 8, 2023 [7]
Tao amin'ny parlemanta Aostraliana aho omaly tontolo andro ary nihaona tamin'ny mpanao politika, mpanao gazety ary mpanolotsaina ara-politika maro taorian'ny kabary tao. Tena tsy nampino ahy ny hoe tao anatin'ny toerana iray notsikeraiko nandritra ny taona maro avy any amin'ny fonja ivelan-tsisintany
Navoitran'ireo mpiaro ny zon'olombelona ihany koa ny fiantraikan'ny fitsidihany :
The power of @BehrouzBoochani [8] in Parliament yesterday cannot be underestimated.
Not only because he was told he would never come to Australia but because of what he has exposed. He spoke truth to power that comes from resistance, advocacy, determination and bravery.
A thread 🧵 pic.twitter.com/0BI3aNygiI [9]— Jana Favero 🇮🇹⚽️ (@janafavero) February 7, 2023 [10]
Tsy azo tsinontsinoavina ny herin'i @BehrouzBoochani [8] tao amin'ny Parlemanta omaly.
Tsy noho ny nilazana azy fa tsy tokony hoavy aty Aostralia mihitsy izy fa noho ny zavatra naharihariny. Niresaka ny marina tamin'ny fahefana izy izay avy amin'ny fifaharana, ny fanandrata-teny, ny fahavononana ary ny herim-po.
Lohahevitra 🧵
Talohan'izay, nanontaniana izy momba ny heviny amin'ny fitsidihany firenena iray izay nandràra azy tsy hiditra folo taona lasa izay:
.@frankelly08 [11] asks @BehrouzBoochani [8] how he felt ahead of his trip to Australia: “I cannot ignore my connection to this country, there is still so much to do. But the best thing about my trip is that I’m free to go back to New Zealand whenever I want, so it’s not like before”
— UNSW Kaldor Centre (@KaldorCentre) February 9, 2023 [12]
@frankelly08 [11] manontany an'i @BehrouzBoochani [8] ny zavatra tsapany talohan'ny diany tany Aostralia: “Tsy azoko tsinontsinoavina ny fifandraisako amin'ity firenena ity, mbola betsaka ny tokony hatao. Fa ny tsara indrindra momba ny diako dia ny hoe afaka miverina any Nouvelle Zélande aho isaky ny tiako, ka tsy toy ny teo aloha”
Nandritra ny seha-pifanakalozan-kevitra natao tao amin'ny Parlemanta, nanamarika tao amin'ny tatitry ny ABC i Boochani fa tsy mbola misy ny fanavaozana [13] na dia eo aza ny fiovan'ny governemanta
For many years I was watching Australia and I was watching this particular place, the parliament, and always this parliament didn't come to actually a real solution.
And still after all of the decade, that tragedy continues.
Nandritra ny taona maro aho nijery an'i Aostralia ary nijery ity toerana manokana ity, ny parlemanta, ary matetika tsy tonga tamin'ny vahaolana tena izy ity parlemanta ity.
Ary na izany aza mbola mitohy ny voina taorian'izao folo taona izay.
Tamin'ny resadresaka nifanaovana tamin'ny Al Jazeera, nandrisika ireo mpitsoa-ponenana haneho ny heviny [14] i Boochani:
Many refugees feel empowered, many refugees became inspired and feel they can tell their own story, they can write, they can fight.
Not only in Manus Island, but Nauru and around the world. It doesn’t matter what you write, really, even if you write a love letter. If you write about anything that shows your dignity.
Mpitsoa-ponenana maro no mahatsiaro ho nahazo hery, maro ny mpitsoa-ponenana lasa nahazo aingam-panahy ary mahatsapa fa afaka mitantara ny tantarany manokana, afaka manoratra, afaka miady izy ireo.
Tsy ao amin'ny Nosy Manus ihany, fa Nauru sy manerana izao tontolo izao. Tsy maninona izay soratanao, na dia manoratra taratasy fitiavana aza ianao. Raha manoratra momba izay rehetra mampiseho ny fahamendrehanao ianao.