Pikantsarin'ny lahatsary YouTube an'ilay rakikira “Maharitra sady Maharitra ny Volana Febroary”

“Tsy misy fialan-tsiny, tsia, mandevina ny tenantsika hatrany hatrany isika,” hoy ny hiran’i Vladi, mpihira sangany ao amin'ny tarika rap malaza Kasta (Saranga), teratany avy any Rostov-on-Don, tanàna akaikin'ny sisin-tanin'i Okraina sy Rosia. Nanambara ny fanoherany ny fanafihan'ny Rosiana an'i Okraina ny tarika tamin'ny andro nanombohan’izany, ny 24 Febroary 2022. Tsy maintsy nandositra ny firenena ny mpikambana ao amin'ny tarika, ary  voarara ao Rosia izao ny fampisehoana nataon'izy ireo.

Tamin'ny 9 Febroary, namoaka rakikira vaovao i Vladi, “Maharitra dia Maharitra ny Volana Febroary.” Ao amin'ny hira voalohany, milaza izy fa Febroary 312 io, izay midika fa, ho azy, nanova ny zava-drehetra ny fananiham-bohitra tamin'ny volana Febroary — tsy nifarana mihitsy izany. Nofaritany tao anaty sioka ny dikan'ilay rakikira sy ny fihetseham-pony:

Это Влади. Альбом «Длится Февраль».https://t.co/wuvuHmCzjq

Ну что. Вот такое мы с вами застали. Жили, росли, облагораживали себя внутри, окультуривали внешне, а оказалось, что наши жизни нахуй и не нужны. А нужно Величие. Зачем оно и что с ним делать — да просто, чтоб было. pic.twitter.com/JvtPfhNaQV

— Влади (@vlady_pro) December 8, 2022

Eny. Izany no iainantsika. Niaina, nihalehibe, nisondrotra tao anatiny, nikolokolo tany ivelany isika, saingy hita fa potika ny fiainantsika ka tsy ilaina. Ary ilay antsoina hoe ‘famirapiratana’ no tena ilaina. Nahoana ary inona no tokony hatao amin'izany, tsy misy mahalala. Mila misy fotsiny.

Ao amin'ilay hira “Mandevina ny tenantsika”, misaintsaina ireo izay manohana ny ady izy na mihevitra fa “tsy dia mazava loatra ny zava-misy.” Ao amin'ny “Sarin'izao tontolo izao”, manoritsoritra ny fanjanahantanin’i Rosia taloha sy ankehitriny izy, ary manontany hoe: “Ahoana no nahatonga antsika ho ilay firenena lehibe indrindra? Mihevitra ve ianareo fa niara-nitombo ho azy tamin’ny alàlan’ny tenany fotsiny izy io?”

Angamba ilay hira hoe “Fa tena ahoana mihitsy no nahatonga zany?” manana fanambarana manohitra ny ady manindrona indrindra ary ilazan'i Vladi fa tsy takatry ny saina sady mampihoron-koditra ny fananiham-bohitra ataon’ny Rosiana amin'i Okraina, amin'ny tononkira izay mampitaha ny hetsika “nirotsahan’ny” vahoaka tany aloha tamin'ny zava-misy ankehitriny amin'ny fahafatesana sy ny ady:

Не разбрасывать мусор мимо урн?
Не устроить в подъезде перекур?
Не ругаться при детях без купюр?
Да все, блять, хуйня была, абсурд!
Можно жечь города из всех бандур,
Разрядить, блять, в людей весь Байконур,
И на мир пиздеть из своих конур.
Она посреди ночи вскакивает с криком
«Как это блять возможно?!»

Aza manary fako any ivelany?
Aza mifoka sigara eo amin'ny fidirana?
Aza mianiana eo anatrehan'ny ankizy?
Eny, ny zava-drehetra, ry maty, dia adalàna avokoa, zava-poana!
Afaka doroinareo avokoa ireo tanànan’ny bandura, [zavamaneno Okrainiana]
Mba hanapoahana, ry maty, ny Baikonur manontolo any amin’ny vahoaka,
​​Ary esory izao tontolo izao hiala amin'ny tranon’alikantsika.
Nitsambikina izy tamin'ny misasak'alina nikiakiaka hoe
“Fa ahoana mihitsy no nahatonga zany?”

Niteraka fanehoan-kevitra maro tao amin'ny Twitter sy YouTube ny famoahana ilay rakikira, ary domberina. Hoy ny mpisera Twitter iray, @mediciam, hoe:

Я не особый любитель Касты. Знаю лишь с десяток их треков. Сольных треков ребят до выхода этого альбома не знала ни одного.

Самый сильный альбом, описывающий всё то, в чем мы внутри варимся пока длится февраль https://t.co/ydVTQNE3Uw

— Меденька | SIHYOUNG IS Back | недорест (@mediciam) December 10, 2022

Tsy tena mpankafy an'i Kasta aho. Ny hiran’izy ireo ampolony ihany no fantatro. Talohan'ny nivoahan'ity rakikira ity, tsy nisy haiko na dia iray aza tamin'ireo hiran’ny tarika.
Ny rakikira matanjaka indrindra izay mamaritra ny zavatra rehetra tsapantsika raha mbola mitoetra ny febroary. “

Nanakiana, na izany aza, ilay mpikambana ao amin'ny fampitam-baovaon'ny mpanohitra, toniandahatsoratry ny gazetiboky DOXA Armen Aramyan:

Мощный альбом, но не могу не замечать теперь, что это все написано с перспективы какого-то условно «креативного класса», который вот такой прекрасный, и которому непонятно, как теперь писать стихи и снимать фильмы после 24 февраля https://t.co/CD9VoTVEHg

— Армен Арамян (@amrenamryan) December 9, 2022

Rakikira mahery vaika, saingy tsy aritro ny tsy hanamarika fa nosoratana avy amin'ny fomba fijerin'ny “kilasy famoronana” mahazatra izany, izay mahafinaritra tokoa, ary iza moa no tsy mahay ny fomba fanoratana tononkalo sy fanaovana sarimihetsika taorian'ny 24 Febroary.

Ny ankamaroan'ny mpisera anefa dia namerina namoaka ilay rakikira miaraka amin'ny andalana tokana “mampihetsim-po” indrindra avy amin'ilay hira:

Как это блядь возможно https://t.co/IJIevTcxaj

— Денис Чужой (@fe_city_boy) December 9, 2022

Fa tena ahoana mihitsy no nahatonga zany?

Toa avy amin'ny Okrainiana ny fanehoan-kevitra sasany tao ambanin'ilay lahatsary YouTube. Ohatra, ity mpisera Alexander ity:

Харьков. Пол жизни мечтал попасть на концерт, купил билеты на 24.02 как подарок себе на день рождения, в 35 лет. Видать не судьба. Спасибо вам пацаны.

Kharkiv. Nanonofy ny ho any amin'ny fampisehoana aho tamin’ny antsasaky ny androm-piainako; Novidiko ny tapakila ho an'ny 24 febroary ho fanomezana ho an'ny tenako amin'ny fitsingerenan'ny andro nahaterahako, teo amin'ny faha-35 taonako. Toa tsy izany no lahatra. Misaotra anareo.

Tokony hanao fampisehoana ao Kharkiv ny 24 Febroary i Kasta, andro voalohany nanafihan’ny Rosiana an'i Okraina.