Nasongadina hatramin'ny nanafihana an'i Okraina tamin'ny volana Febroary tamin'ity taona ity ny fiantraikan'ny fanapariaham-baovao diso hatry ny ela izay nataon'i Rosia tao an-toerana sy tany amin'ny firenen-kafa.
Miaraha aminay mivantana ao amin’ny YouTube amin’ny 24 Novambra amin'ny 3 ora tolakandro ora GMT hihaino fifanakalozan-kevitra manavatsava ny fanamafisana haingana ny fironan'ny fitaovam-panivanana ao Rosia, ary ampiasainy hanenjehana ny olom-pireneny, sy ny fampiasàny ny vaovao diso na ao anatiny na any ivelany. Miompana amin'ny fikarohana nataon'ny Global Voices Advox Unfreedom Monitor ny adihevitra, tetikasam-pikarohana manara-maso ny trangan'ny fitondrana tsy refesi-mandidy nomerika manerana izao tontolo izao sy ny lahatenin'ny media manodidina azy ireo. Maimaim-poana ny fivoriana ary misokatra ho an'ny besinimaro. Misoratra anarana eto ambany mba hahazoana fampahatsiahivana momba ny hetsika:
Misorata anarana maimaimpoana ao amin'ny Eventbrite
Filip Noubel no mandrindra ny hetsika, tonian-dahatsoratra mpitantana ao amin’ny Global Voices, ary hanasongadina ireto mpandray fitenenana manaraka ireto:
- Tanya Lokot, mpampianatra mpiara-miasa amin'ny fampitam-baovao sy fiarahamonina nomerika ao amin'ny Oniversiten’i Dublin, sady mpanoratra ny “Beyond the Protest Square: Digital Media and Augmented Dissent”
- Alyona Rydannykh, mpikaroka sady mpandalina lalàna, nandalina ny zo ara-tontolo iainana sy nomerika
- Roman Shemakov, mpanoratra sady manam-pahaizana mifantoka amin'ny fihaonan’ny didim-pitsarana faka tahaka, ny jeografia ara-toekarena, ary ny fanaovana kajimirindra manerana ny planeta
Manantena izahay fa hiaraka aminay ianareo amin'ny alakamisy 24 Novambra amin'ny 3 ora tokanadro ora GMT (tsindrio eto raha hanova ny ora ho any amin'ny faritra misy anao).