- Global Voices teny Malagasy - https://mg.globalvoices.org -

‘Zazavavy manana fo Haindò’

Sokajy: Karaiba, Trinite sy Tobago, Fivavahana, Hevitra, Mediam-bahoaka, Vehivavy sy Miralenta, Ny Tetezana - The Bridge
[1]

Sary Deya tao amin'ny Canva [1].

Ity tantara ity dia naverina navoaka avy amin'ny lahatsoratr [2]‘i Shivanee Ramlochan navoaka Facebook [2] tamin'ny alin'ny Divali [2] rehefa nahazo alalana avy amin'ny mpanoratra. Any UK izy amin'izao fotoana izao mandray anjara amin'ny Bocas Lit Fest UK Tour [3] T [3].

Anio alina, tovovavy manana fo haindò lavi-tanindrazana aho.

Tsy dia ny kristiana mafana fo no maharikoriko ahy, na dia hiantso ahy ho demony aza ry zareo. Azoko tsara ny amin’ny fiovan'ny natioran’ (transubstantiation) i Jesoa Kristy ka ahafantarako io taolana sy ra io, fa ny fanatiny mandeha mivantana ao amin’ny vavan’olombelona, no porofon'ilay Andriamanitra noana, izay maniry ny hihinana antsika (honanintsika?). Ary tena tiako ny tany efitra Nazareana, ny fihemorany, ny fony masina, nipoitra avy tao an-tratrany manana faniriana holevonina.

Ny Haindò be zotom-po no laviko. Ireo mampitandrina, ny tanany voaloton'ny mehendi [4] feno latsa, fa misy ireo fomba tsy mety rehefa mivavaka, rehefa mizara, rehefa manonona, rehefa mihira, rehefa manonona, rehefa mandray rehitra. Tsia, miteny mananihany ry zareo, tsy izany no tena ilazana azy, angaha tsy mahalala na inona na inona ianao? Tsy nianatra izany ve ianao tany am-pianarana? Ho menatra ny tempolinao, ny manam-pahaizanao (manana iray aloha ve ianao?). Haindò manao ahoana ianao?

Ilay haolo.

Tsy maniratsira filaminana aho. Tsy mpanohitra ankerisetra ny fanitsiana amin'ny fanao raha mivavaka aho. Raha mahay fomba tsara kokoa, avy amin'ny andriamanitsika rehetra ianao, asehoy ahy izany. Fa aza bedesina aho. Tsy zanakareo menavava aho, izay voaomana holevileven'izay omen'ny mandir [5] fahefana. Ao amin'ny ambanivohitra misy ahy, amin'ny fanononako teny Hindi tsy azoko avy amin'ny dosie pdf amin'ny fomba fanatanterahana ny Lakshmi [6] puja notrohiko avy amin'ny aterineto tahaka ny nataon'ny maro aminareo, misy ny finoana. Inoako ireo toerana ametrahako ny feoko tsy azo antoka, mangovitra, mankany amin'ny Renintsika mamirapiratra mirongo fitaovam-piadiana efatra.

Isika rehetra izao, nesorina tamin'ny firafinifin'ny zana-kaontinanta, miroborobo ao amin'ny maha-Karibeana antsika, mamolavola ny sarintanin'ny vavaka fanaontsika. Manana izay ananantsika isika, nentina niampita ny rano. Manana izay nataontsika koa isika eto, ao amin'ny tany fambolena sy siramamy, ao anaty gobar [7] sy (voninkazo) hibiscus.

Rehefa mivavaka amin'i Lakshmi aho dia manao izany amin'ny foko misokatra. Eny fa na ankehitriny aza, Atlantika lavitra an'i Las Lomas, Trinidad, izay anaovan'ny fianakaviako ny puja izay matetika fanaoko ny mampifanindry tongotra, manondrika ny vatako boribory eo anoloan'ny murtis [8] ary ny emboka manitra toy ny henan'akoho nohangezaina, dia azoko renesina ny vavaka ataontsika. Tsy afa-mandika azy ireo amin'ny fomba mahafa-po ny tia ranoiray aho, saingy tsy mampaninona an'Ilay antenaiko fa hihaino azy ireny amin'ny fony tsy animbinana izany. Ka mivavaka aho, eto, ao amin'ny Shepherd's Bush (Akatan'ny Mpiandry ondry), miankohoka eto anoloan'ny efijerin'ny solosaina finday manjelanjelatra, tsy misy deya, tsy misy chandan [9], tsy misy tika [10] eo anelanelan'ny volomasoko, tsy misy lelafo aarti [11] mamakivaky ny trano mba hitahiana azy. Manana izay ananako aho, izay mitovy amin'ny ananan'ny zanak'i Lakshmi vavy sy lahy maro any am-pielezana, any an-tanindrazana, rehefa tsy ampy fiaraha-monina, fitaovana, akanjo, vatomamy, menaka voanio izy ireo.

Manana ny foko aho. Ary ho Azy (vavy) izany.

Mirary anareo rehetra aho, na diso mazoto na mpisarisary zoro, namana tsirairay sy beti [12] [zanakavavy] hodidinina-henna, Divali manan-tanana efatra miaraka mandrotsaka fitahiana miampy fitahiana miampy fitahiana ambony fitahiana. Mahafantatra ihany koa ny andriamanibavy fa mpisarisarizoro ihany koa aho. Nilaza tamin'ny hafa aho fa diso fiteny ry zareo, diso lalana teto amin'ity tontolo ity – ary tena nandrotika ny fomba fihevitro tamin'izany, tena nahantra ny fahitako ny azon'ny fon'olombelona rehetra hazonina. Raha foana avokoa ny trano fivarotana puja [13] eto amin'izao tontolo izao rahampitso, raha tsy misy tanimanga avokoa ny fanambanin'ny renirano ka tsy hisy andiam-pitaovana mpitondra hazavana intsony, dia hanao ahoana ny fivavahanao amin'io andro io? Inona avy ny fitaovana, nohafarana avy any India, very noho ny voina ara-tontolo iainana, mbola hahajoro ve ianao? Oh, raha manana labozia ianao, areheto izany. Raha izay hany anananao ao an'efitranonao dia Om [14] mivolomboasary navoaka printy ClipArt, apetaho eo amin'ny rindrinao izany ary avelao hihira ho anao ao anaty haizina, avelao izy hampitsilopilopy ny alina.

Ianao. Amin'ny maha-Ianao anao indrindra, manokan-tena ho an'Andriamanibavy. Henika izay rehetra ilainao ianao ivavahana tsara. Mandohaleha. Mandihiza anaty ziponao. Asandrato ho eo amin'ny hazavana ny tananao mihodinkodina-mitandrimo. Tsy hangataka anao hifona noho ny habetsaky ny hafalianao mihitsy i Lakshmi. Jereo ny tsikitsikiny, murti iray lafo vidy loatra sa folo fotsy loatra, sarin-tsaoka eo amin'ny lalantsara fisaka iray, gif ao amin'ny Twitter, volamena mikoriana.

Ka eto izy ho anao anio alina. Eto izy ho antsika rehetra. Sokafy ny tananao roa mangovitra mankeo amin'ny azy efatra mahatoky. Avelao izy handrotsaka fitiavana amin'ny fiainanao mahagaga sy mahafinaritra.