Sary avy amin'i Guillaume Paumier, navoaka teo ambanin'ny fahazoan-dalana CC BY 2.0 tao amin'ny Flickr.
Miatrika fanoherana amin'izao fotoana izao noho ny fanehoan-kevitra sy ny fijoroana mankahala pelaka nasehoan'ireo mpikambana sasany ao aminy ny governemantan'ny filoha frantsay Emmanuel Macron (afovoany havanana, liberaly), izay voafidy ho filoha indray tamin'ny volana Aprily 2022.
Tamin'ny 13 Jolay 2022, fikambanana Frantsay enina miady amin'ny fankahalana pelaka (homofobia) no nitory ny Minisitry ny Fitsinjaram-paritra ankehitriny, Caroline Cayeux, andro vitsy monja taorian'ny nanendrena azy. Nomelohin'izy ireo ny fanehoan-kevitra nataony amin'ny naha loholona azy tamin'ny taona 2013 rehefa nilaza izy fa “rendrarendra” sy “manohitra ny natiora” ny fanambadian'ny mitovy fananahana.
Raha nanontaniana momba izany tao amin'ny fantso-pahitalavitra Public Sénat i Caroline Cayeux tamin'ny 12 Jolay 2022, dia nilaza fa “nitazona an-karihary” ny teniny taloha izy raha niezaka nanamarina ny tenany:
Je vais vous dire quand même que j’ai beaucoup d’amis parmi tous ces gens-là et franchement, c’est un mauvais procès qu’on me fait, et ça m’a beaucoup contrariée.
Lazaiko anareo na izany aza fa manana namana betsaka amin'ireo olona rehetra ireo aho, ary raha ny marina, dia iharan'ny fitsarana tsy ara-drariny aho. Tena manahiran-tsaina ahy izany.
Manondro ny “fanevatevana ampahibemaso ataon'olo-malaza manana fahefana amin'ny vondron'olona noho ny fironana ara-pananahan'izy ireo” ny fitoriana tany amin'ny Fampanoavana ao Paris, ka mety hitarika sazy an-tranomaizina telo taona sy onitra 75.000 euros ( manodidina ny 75.000 dolara Amerikana).
Nilaza tao amin'ny fampielezam-peo France Info ny Mpisolovava Étienne Deshoulières, izay misolo tena ireo mpitory hoe:
Une personne de l’envergure d’une ministre ne peut plus, en 2022, dix ans après le vote de la loi sur le mariage pour tous, dire que l’homosexualité est un dessein contre nature.
Tsy afaka milaza ny olona manana halehibena minisitra, amin'izao taona 2022 izao, folo taona taorian'ny nandaniana ny lalàna manome alalana ny fanambadian'ny mitovy fananahana, fa fikasana mifanohitra amin'ny natiora ny fahapelahana.
Fanehoan-kevitra anjotra avy amin'ny vondrona LGBTQ+
Niampanga avy hatrany ny tenin'ity minisitra ity tao amin'ny media sosialy ireo mpikambana ao amin'ny vondrom-piarahamonina LGBTQ+ ary nampiasa ny tenirohy #CesGensLà (#IreoOlonaireo):
Nanambara ilay mpisera Twitter @Le_placard_ fa na dia miha-malaza aza, mbola manjaka be eo anivon'ny fiarahamonina Frantsay ny fankahalana pelaka.
#CesGensLa
Chaque jour on rappel à “Ces gens là” que le combat n'est pas fini.
Que ce soit par des gestes ou des propos tenus, que ce soit par un inconnu dans la rue ou un ministre.
Notre liberté et notre égalité est un combat de tout les jours.#JeSuisCesGensLa 🏳️⚧️🏳️🌈 pic.twitter.com/IzEK7xwXI6— Loïs; Le placard (@Le_placard_) July 17, 2022
Ampahatsiahivina isan'andro “Ireo olona ireo” fa mbola tsy vita ny ady.
Na izany amin'ny alalan'ny fihetsika na fiteny atao, na amin'ny alalan'ny olona tsy fantara eny an-dalambe na minisitra iray.
Tolona isan'andro ny fahafahantsika sy ny fitoviantsika. #Ireoolonaireoaho
Nitaky ny fialàn'i Caroline Cayeux ilay mpisera Youtube Chez Papa Papou, mpiaro ny LGBTQ+ izay namoaka lahatsary mikasika ny zava-niainany tao anatina tokantrano ray aman-dreny pelaka:
#CesGensLà ne comprennent pas pourquoi, en 2022, l’homophobie n’est toujours pas disqualifiante pour devenir et rester ministre de la République.
🤷♂️#CayeuxDémission
— Chez Papa Papou (@ChezPapaPapou) July 12, 2022
Tsy takatr’ #Ireoolonaireo hoe nahoana, amin'ny taona 2022 no mbola tsy miala ny fankahalana pelaka mba ho lasa sy hijanona minisitry ny Repobilka
#MialaCayeux
Niala tsiny ny minisitra Cayeux ary nilaza fa nanenina, saingy nitohy foana ny famelezana azy. Niezaka nanao fanarahamaso ny fahavoazana ny manampahefam-panjakana tamin'ny alalan'ny filazana ny “zo amin'ny fanaovana hadisoana” sy tamin'ny alalan'ny fampitana ny fialan-tsinin'ny Minisitra. Saingy tsy nahavita nandresy lahatra ireo mpikambana ao amin'ny LGBTQ+ ny seraseran'izy ireo:
Comment ça le débat est clos ? Ta collègue crache à la gueule de millions de personnes et tu crois qu'on va s'arrêter là parce qu'elle a tweeté deux phrases dictées par ses 15 conseillers ? Non mais là c'est la blague ! Allez, #CayeuxDémission ! https://t.co/qiJgSzJ0vt
— Le coin des LGBT+ (@lecoindeslgbt) July 13, 2022
Mifarana hoe ny adihevitra? Mandrora amin'ireo olona an-tapitrisany ny mpiara-miasa aminareo dia mihevitra ve ianareo fa hijanona hatreo izany satria nisioka fehezan-teny roa notonon'ireo mpanolotsainy 15 izy? Vazivazy angamba izany! Alefa,
[Ho valin'ny:]
– Noheverina ho fankahalana pelaka ny fanehoan-kevitr'i Caroline Cayeux
“Afaka nanazava ny fanehoan-keviny izy omaly, mino aho fa tapitra ny adihevitra” hoy i Olivier Véran, mpitondratenin'ny governemanta.
Cécile Coudriou, filohan'ny Amnesty International France teo aloha nanontany ny ohatra apetraky ny governemanta amin'ny olom-pireneny:
Je fais aussi partie de #CesGensLa, de façon tout à fait naturelle et je défends jour après jour la dignité des personnes #LGBT + avec @amnestyfrance et @amnesty. 🌈✊
Les propos de @carolinecayeux démontrent qu’en France, l’exemplarité n’est toujours pas de mise au gouvernement.— Cécile Coudriou (@CecileCoudriou) July 13, 2022
Anisan’ #Ireoolonaireo ihany koa aho, somary voajanahary, ary miaro isan'andro isan'andro ny hajan'ny olona #LGBT + miaraka amin'ny @amnestyfrance sy @amnesty aho 🌈✊
Mampiseho ny fanehoan-kevitr'i @carolinecayeux fa eto Frantsa, tsy fitsipika eo amin'ny governemanta mihitsy ny soa fianatra.
Tamin'ny lahatsoratra iray, nilaza ny lehiben'ny tonian-dahatsoratry ny gazetiboky LGBTQ+ Têtu fa “tsy mazava” ny fijoroan'ny governemanta:
Proclamer un gouvernement allié des personnes LGBTQI+ ne consiste pas à y faire entrer des réactionnaires notoires en croisant les doigts pour qu'ils se taisent […] Un gouvernement allié des personnes LGBTQI+, c'est un gouvernement entièrement composé d'allié·es des LGBTQI+. Nous ne sommes ni “ces gens-là”, ni une option.
Tsy midika fanendrena mpandala ny nentim-paharazana malaza akory ny filazana fa governemanta mpiara dia amin'ny olona LGBTQI+ sady manantena azy ireo hikombom-bava […] Ny governemanta mpiara-dia amin'ny olona LGBTQI+ dia governemanta ahitana mpiara-dia amin'ny LGBTQI+ daholo. Tsy ireo “olona ireo” izahay, na safidy koa.
Minisitra hafa miatrika fanakianana noho ny heviny mankahala pelaka
Tamin'ny taratasy misokatra ho an'ny Praiminisitra Elisabeth Borne, fikambanana tsy mitady tombontsoa 17 no nitaky ny fialan'ireo mpikambana telo ao anatin'ny governemanta, ankoatra an'i Caroline Cayeux.
Ahiahiana ny minisitry ny atitany ankehitriny, Gérald Darmanin, izay voatendry tamin'ny taona 2020, noho ny fanohanany taloha ny “Manif pour tous,” fihetsiketsehana manohitra ny fanambadian'ny mitovy fananahana tany Frantsa. Tamin'ny taona 2013, nisioka izy fa amin'ny maha ben'ny tanàna azy, tsy hankasitraka izay fanambadiana eo amin'ny samy lahy na samy vehivavy izy.
Miatrika fanakianana ihany koa ny Minisitry ny Tetezamita Ara-Tontolo Iainana voatendry vao haingana, Christophe Béchu. Tamin'izy mbola loholona tamin'ny taona 2013, nampitaha ny fanambadian'ny mitovy fananahana amin'ny “inceste” (fanambadiana olom-pady) izy. Taona vitsy taty aoriana, rehefa lasa ben'ny tanàna izy dia nesorina tao amin'ny tanànany ireo afisy misy fanentanana fampitandremana ny SIDA noho ny filazana fa nifanaiky teny amin'ny sekoly izy ireo ary “minia mihantsy.”
Voatsikera noho ny fanoherany taloha ny fanambadian'ny mitovy fananahana ihany koa i Sébastien Lecornu, Minisitry ny Tafika nanomboka tamin'ny Mey 2022. Tamin'ny taona 2012, amin'ny maha kandida ben'ny tanàna azy, dia nanambara izy hoe: “Mampahatezitra ahy toy ny fankahalana pelaka ny fiarahamonina pelaka.
Firaketana mifangaro momba ny LGBTQ+ ao Frantsa
Vao avy nankalaza ny faha-40 taonan'ny fanamelohana ny fankahalana pelaka i Frantsa, izay nanomboka tamin'ny 4 aogositra 1982. Tamin'ny taona 1999, nanangana ny Fifanarahana Firaisankina Sivily – pact civil solidarity (PACS) ny Parlemanta Frantsay, izay mankasitraka ara-dalàna ny firaisan'ny samy lahy na samy vavy ara-tsivily, talohan'ny nampidirana ny fepetra ara-dalàna taona 2001 manohitra ny fanavakavahana noho ny fironana ara-pananahana. Tamin'ny taona 2013, i Frantsa no firenena faha-9 ao amin'ny Vondrona Eoropeana namela ny fanambadian'ny mitovy fananahana.
Ankoatra ny famantarana mampiahiahy fa alefa any amin'ny vondrom-piarahamonina LGBTQ+ amin'ny fanendrena ireo Minisitera vao haingana ireo, manahy ny sasany fa tsy dia tsara loatra ny zava-bitan'i i Emmanuel Macron momba ny resaka LGBTQ+ nandritra ny fe-potoam-piasany Filoha voalohany (2017–2022).
Nandritra ny fe-potoam-piasan'i Macron dimy taona voalohany, nahemotra imbetsaka ary navoaka ihany taorian'ny tsindry mafy nataon'ny vondrona mpandresy lahatra ny lalàna roa manan-danja momba ny zon'ny LGBTQ+, lalàna manokatra ny fidirana amin'ny fitsaboana ara-pananahana ho an'ny mpivady lesbiana sy ny lalàna mandràra ny fampiasana ilay antsoina hoe “therapie de conversion (fitsaboam-pamadihana)”, ka tsy nahafa-po no niafarany. Mbola voahilika amin'ny fitsaboana ara-pananahana ny olona nanova fananahana. Ampangain'ny mpikatroka ihany koa ny tsy fisian'ny fivoarana mikasika ny zon'ny olona intersexe, satria nolavin'i Frantsa ny fandraràna ny fandidiana taovam-pananahana amin'ny ankizy intersexe, fomba fanao izay nomelohin'ny Mpiaro ny Zo (fahefana ara-dalàm-panorenana Frantsay mahaleotena misahana amin'ny fiarovana ny zo sy ny fahalalahan'ny tsirairay) ary koa ny Firenena Mikambana .
Mandritra izany fotoana izany, mitombo eo amin'ny 15 isanjato eo ho eo isan-taona ny herisetra mihatra amin'ny LGBTQ+ any Frantsa ary nitombo avo roa heny nanomboka ny taona 2016, araka ny filazan'ny Minisiteran'ny Atitany. Amin’ireo heloka bevava ireo dia ny fanalam-baraka sy ny fanevatevana no tena fahita mahazatra, arahin'ny herisetra ara-batana.
Voamarin'ny fihemorana amin'ny laharan'i Frantsa ao amin'ny Tondro Rainbow, fandinihana isan-taona ataon'ny ILGA-Europe momba ny zon'ny LGBTQ+ any amin'ireo firenena Eoropeana ny zava-bitan'i Emmanuel Macron nandritra ny fe-potoam-piasany voalohany. Amin’ireo fanjakana 49, laharana faha-8 i Frantsa tamin’ny taona 2018 ary lasa faha-9 tamin’ny taona 2019 ary faha-13 tamin’ny taona 2020 sy 2021.
Raha tsy hita tao amin'ny teti-pifidianana indray an'i Emmanuel Macron tamin'ny taona 2022 ny resaka LGBTQ+, miezaka mamaha ny olana amin'ny fanambaràna fanendrena tsy ho ela masoivohon'ny zon'ny LGBTQ+ sy ny fametrahana famatsiam-bola 3 tapitrisa euros hanohanana ny foibe LGBTQ+ manerana an'i Frantsa ny governemantany ankehitriny.
Ankehitriny dia mbola ho hita raha midika fiovana manan-danja na hetsika serasera ara-politika sy “fandokoana vony (pinkwashing)” fotsiny izany. Saingy maro amin'ireo mpikatroka LGBTQ+ no misalasala amin'ny fahatsoram-pon'ny governemanta ary manahy ny amin'ny hoavin'ny zon'ny LGBTQ+ ao Frantsa.
