Niloa-bava ny fianakaviana taorian'ny fanamelohan'i Myanmar ho faty mpikatroka manohitra ny fanonganam-panjakana miisa efatra

 

Executed activists in Myanmar

Avy aty ankavia: Mpikatroka Ko Jimmy, Phyo Zeya Thaw, Hla Myo Aung ary Aung Thura Zaw izay nomelohin'ny fitondrana miaramila ao Myanmar ho faty tamin'ny faran'ny volana Jolay. Loharano: Radio Free Asia (RFA), nahazoana alalana.

Nomelohin’ny governemanta miaramila ao Myanmar ho faty ireo mpikatroka manohitra ny fanonganam-panjakana tamin'ny faramparan'ny volana Jolay, tranga nomelohan’ny tany an-toerana sy manerana izao tontolo izao.

Sambany no nanatanterahan'ny manampahefana tao Myanmar ny fanamelohana ho faty tao anatin'ny 30 taona mahery izay nanamarika ny firongatry ny famoretana taorian'ny  nandrombahkan’ny miaramila ny fahefana tamin'ny volana Febroary 2021.

Hla Myo Aung, Aung Thura Zaw, Ko Jimmy ary Phyo Zeya Thaw ireo mpikatroka efatra voaheloka ho faty. Notsaraina sy nohelohin’ny fitsarana miaramila izy ireo noho ny fiampangana fampihorohoroana, ka nilaza ny mpanohana ireo lehilahy ireo fa tsy nizotra araka ny tokony ho izy ny fitsarana azy efa-dahy ireo.

Tsy mbola natolotra ny fianakaviany ny fatin’ireo mpikatroka nomelohina ho faty ireo.  Tsy nety nilaza ny daty marina nanatontosana ny famonoana azy ireo ihany koa ny tompon’andraikitra, saingy tamin’ny 25 jolay no nanambaran’izy ireo izany tamin’ny alalan’ny tambajotram-pampahalalam-baovaom-panjakana.

Namoaka fanambarana tamin'ny 20 Aogositra i Ma Nilar Thein, vadin'i Ko Jimmy, nanameloka ny famonoana ara-pitsarana ho “famonoana olona tsy ara-dalàna sy heloka an'ady”. Notantarainy ny fomba nanesoran'ny manampahefana ny zon'ny vadiny amin’ny maha voafonja noho ny fanehoan-kevitra azy:

…he didn’t have any rights as a political-prisoner such as prison visits, receiving medicines and foods from the family, and legal representation from a lawyer. And, the trial was also a closed trial too and no one was able to access the trial.

A family member was allowed to have a Zoom Meeting with him for around 20 minutes, just a day before they carried out the execution.

…tsy nanan-jo amin'ny maha gadra politika azy izy toy ny fitsidihana azy any am-ponja, fandraisana fanafody sy sakafo avy amin'ny fianakaviana, ary fangalana mpisolovava. Ary, fitsarana tsy nahazo natrehina ihany koa ny fitsarana ary tsy nisy afaka nanatrika ny fitsarana.
Fianakaviana iray no afaka nanao Zoom Meeting niaraka taminy nandritra ny 20 minitra teo ho eo, iray andro talohan’ny nanatanterahan’izy ireo ny fanamelohana ho faty.

Mpitarika mpianatra nalaza tamin'ny Mpianatra Generation 88 izy mivady, vondrona nitarika fihetsiketsehana manohana ny demaokrasia tamin'ny taona 1988 izany.

Tamin'ny antsafa nifanaovana tamin'ny Radio Free Asia (RFA), nanamafy i Ma Nilar Thein fa ho tompon’andraikitra amin’ny tsy rariny nataony ny fitondrana miaramila.

As I have said in the past, they will have to pay one day for each and every crime or whatever they have done. I didn’t say that without a reason. One day, the perpetrators will meet the fate and punishment they deserve for the actions they have committed.

Araka ny efa nolazaiko teo aloha, tsy maintsy hosaziana amin'ny heloka rehetra na ny zavatra nataony izy ireo indray andro any. Tsy nilaza izany aho amin’ny tsy antony aho. Indray andro any, hahazo ny anjarany sy ny sazy sahaza azy ireo mpanao olona noho ny zavatra nataony.

Naneho hevitra ilay mpisera Twitter, Elaine Pearson:

Now in 2022 it feels like a nightmare. The executions of Ko Jimmy & others were the first in Myanmar in decades. This escalation is designed to strike fear & show the junta will stop at nothing to eliminate perceived threats to its rule. Nilar Thein & her daughter are in hiding. pic.twitter.com/dV7teBWULn

— Elaine Pearson (@PearsonElaine) August 2, 2022

Toy ny nofy ratsy izany amin'izao 2022 izao. Ny fanamelohana ho faty an'i Ko Jimmy sy ny hafa no voalohany tao Myanmar tao anatin'ny folo taona maro. Natao hampitahorana sy hanehoana fa tsy hisalasala ny fitondrana miaramila hanafoana izay mandrahona ny fitondrany. Niafina i Nilar Thein sy ny zanany vavy.

Mpikatroka iray hafa nomelohin’ny fitondrana miaramila ho faty i Phyo Zeya Thaw, mpihira rap teo aloha sady mpanao lalàna ao amin'ny Ligy Nasionaly ho an'ny Demaokrasia (NLD). NLD no antokon'ny fitondrana talohan'ny nanaovan'ny tafika fanonganam-panjakana tamin'ny taona 2021.

Afaka nitsidika azy ny reniny, Khin Win May, saingy tsy tao an-tsainy fa io no fotoana farany hahitany ny zanany lahy. Hoy izy tamin'ny antsafa nifanaovana tamin'ny RFA:

If I only knew it that day, I’d understand that would be the last time we saw each other. My son didn’t know that it was our last meeting either. He even asked me to bring some personal things on my next visit.

Raha mba fantatro izany tamin’io andro io dia takatro fa io no fotoana farany nihaonanay. Tsy fantatry ny zanako lahy ihany koa fa io no fihaonanay farany. Nasainy nitondra zavatra manokana mihitsy aza aho amin’ny fitsidihako manaraka.

Nampiany koa fa tsy jiolahy ny zanany:

My son was not a thief or a thug. I am proud of him for giving his life for the country. I’m really proud of my son. If I could get his ashes or remains, I would like to make a tomb for him and then put an inscription on it.

Tsy mpangalatra na jiolahimboto ny zanako lahy. Reharehako ny nahafoizany ny ainy ho an'ny firenena. Tena reharehako ny zanako. Raha azoko atao ny maka ny lavenony na ny fatiny, dia nanaovako fasana izy ary hasiako soratra eo amboniny.

Nizara ny alahelony tamin'ny antsafa nifanaovana tamin'ny mpanao gazety teo an-toerana i Myint Myint Than, renin'ilay mpikatroka nomelohina ho faty Aung Thura Zaw:

The pain is unbearable for me as a mother. I wish I had some way to express it. But I really can’t find the words to describe my pain.

Tsy zakako ny alahelo amin'ny maha-reny ahy. Raha mba nanana fomba nanehoako izany aho manko. Fa tena tsy hitako izay teny hilazana ny fahoriako.

Tsy afaka nihaona tamin'ny fianakaviany i Ko Hla Myo Aung talohan'ny nanantaterahana ny fanamelohana azy ho faty. Nahatsiaro ny ezaka nataon’izy ireo nitsidihana azy tany am-ponja ny rafozany, U Myint Oo:

At first, he was held in Taungoo Prison. From there he was sent to Insein after the execution orders were confirmed. We went to Insein three times and every time, we were told that he was not there. We were not informed about his death. We could not see him for the last time before his execution.

Tany amin’ny Fonjan’i Taungoo izy tamin’ny voalohany. Avy eo nalefa tany Insein izy rehefa voamarina ny baikon'ny fanamelohana ho faty. Intelo izahay no nankany Insein ary nisy nilaza hatrany izahay fa tsy tao izy. Tsy nampahafantarina anay ny fahafatesany. Tsy nahita azy farany izahay talohan’ny nanantaterahana ny fanamelohana azy ho faty.

Notaterin’ny Fikambanana Fanampiana ho an’ny Gadra Politika fa olona miisa 77 farafahakeliny no voaheloka ho faty any Myanmar amin'izao fotoana izao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.