Taratasim-baovao RV: Misokatra ny fangatahana vatsy hanaovana fandaharan'asa fandraketana ny teny tandindonin-doza 2023
Dikandahatsoratra
Naotin'ny Rising Voices: Ny taratasim-baovao mivoaka isam-bolana dia manome ny fehin'ireo ranty blaogy navaoakanay vao haingana momba ireo endrika rehetra amin'ny fampiatiana ankihy ka ao anatin'izany ny fidirana sy ny fandraisana ireo fitaovana ankihy, sy ireo karazana fomba sy hirika ahafahan'ny vondrom-piarahamonina mandray anjara feno an-jotra. Vakio ato ireo famoahana efa nivoaka amin'ity taratasim-baovao ity.
Manao ahoana ianareo ry mpamaky? Manantena izahay fa any amin'ny toerana tsara ianao mandray ny vaovao volana Aogositra!
Ireto misy vaovao mahafaly ho an'ireo izay mila vatsy fanampiny hanohanana ny ezaka fandraketan'izy ireo ny fiteny tandindonin-doza: Misokatra izao ny fangatahana vatsy ho an’ny fandaharan'asa fandraketana ny teny tandindonin-doza 2023! Misy karazany efatra ny vatsy ary misokatra ho an'ireo mpanao fangatahana manerana izao tontolo izao. Aza adinoina ny mitsidika ny tranokalany mba hahafantarana izany bebe kokoa, hanao fangatahana, na hanontany.
Daty fangatahana farany: 15 Oktobra 2022 amin'ny 5 ora hariva (CEST)
BEBE KOKOA MOMBA NY BILAOGY RISING VOICES
Miaraka dialavitra IDIL2022–2032 amin'ireo mpikatroky ny fiteny manerana izao tontolo izao, ny Rising Voices sy ny mpiara-miasa dia manolotra anao fifandimbiasam-panentanana Twitter iray hafa. Te hahafantatra momba ny fiteny indizeny, vitsy an'isa, tandindonin-doza, na tsy ahitana fitaovana firy, miampy ny anjara asan'ny aterineto sy ny teknolojia amin'ny fampiroboroboana sy famelomana aina azy ireny ve ianareo? Andao ary hiaraka aminay ary henoy izay hozarain'ireo vahininay mpampiantrano!
@ActLenguas (Amerika Latina)
- Américo Mendoza Mori [es] amin'ny teny Quechua, ampiasaina any Andes sy ny ampielezana
- José Alfredo Hau Caamal [es] momba ny famelomana aina indray ny teny Maya
- Yulma Guadalupe Rodríguez Alvaro [es] momba ny fampiroboroboana ny teny Ch'ol any Chiapas, Meksika
- Manuel López Rocha [es], izay manam-pahaizana manokana amin'ny famolavolana sarintsoratra ankihy/nomerika sy ny fampiharana azy amin'ny fitenin-drazana
@AsiaLangsOnline (Azia)
- Prasanta Hembram amin'ny teny Santali, teratany avy any India, Bangladesh, ary Nepal
- Bikram Rana amin'ny teny Rana Tharu ao Nepal
- Subhashish Panigrahi amin'ny teny Odia, fiteny ofisialin'i Odisha, India
@DigiAfricanLang (Afrika)
- Cynthia Amoaba amin'ny fomba azo ampiasana vahaolana nomerika/dizitaly/ankihy amin'ny fampiroboroboana ny tenim-paritra any Ghana sy any ivelany
- Blossom Ozurumba amin'ny teny Igbo, teratany Nizeriana
- Robert J. Obiri amin'ny teny Fante, teratany Ghaneana
- Franca Umasoye Igwe amin'ny teny Ekpeye, teratany Nizeriana
@EuroDigitalLang (Eoropa)
- Emre Pshigusa amin'ny teny Circassian-Kabardiana sy ny fitahirizana azy
Tany am-piandohan'ny taona, nasongadinay ho anareo ny tsy fahampian'ny fomba fijerin’ny eo an-toerana ny fiantraikan'ny fiovaovan'ny toetr'andro any amin'ny faritr'i Gran Chaco ao Bolivia. Amin'ity lahatsoratra ity, tianay ny mitarika ny sainareo mikasika ny fifandraisana sy ny fidirana amin'ny teknolojia izay nahafahan'ireo mpandray anjara eo an-toerana hiatrika miaraka ireo fanamby anatina fotoana voarindra. → “Ny tetikasa fampifandraisana nomerika dia mampihena ny fiantraikan'ny fiovaovan'ny toetr'andro any Gran Chaco, Amerika Atsimo”
ANTSO FANDRAISANA ANJARA
Ho an'ireo mpanao gazety latsaky ny 30 taona, monina any amin'ny tany an-dalam-pandrosoana sy/na anatin’ny toekarena vao misondrotra: Roa andro sisa ny fandefasana fangatahana mba handraisana anjara amin’ny Loka ho an’ny tanora mpanao gazety 2022 avy amin’ny Orina Mpanasoa Thomson! Fe-potoana farany: 12 Aogositra 2022 Fanamarihana: Tafiditra avokoa anatin’ireo fitoeran’asanao ny asa teo aloha amin'ny endrika printy, rakipeo, lahatsary na haino aman-jery.
HAMAKY, HIJERY SY HIHAINO, BEBE KOKOA
- Lifting the curse of digital isolation: How one rural community in South Africa is creating opportunities for its youth ao amin'ny Internet Society
- Using technology for multilingual learning – the Yiaku develop an app araka ny natolotry ny Cultural Survival ao amin'ny SoundCloud
Mamandriha taratasim-baovao Rising Voices
Lahatsoratra notsongain-ny Rising Voices, tetikasa iray miaraka amin-ny Global Voices manampy amin-ny fanapariahana vaovaon-ny tsy mbola mahatakatra aterineto loatra ity. · Lahatsoratra rehetra
