Sarin'i Lata Mangeshkar avy amin'ny Laxman8 tao amin'ny Pixabay. Novain'i Giovana Fleck. Nampiasaina teo ambanin'ny Pixabay Licence.

Iray amin'ireo olo-malaza ara-kolontsaina lehibe indrindra ao India ilay mpihira Lata Mangeshkar, ary tsy azo heverina ho angano ny diany tany Bollywood. Nahatonga ireo mpankafy manerana an'i Azia Atsimo hisaona ny fahalasanany teo amin'ny faha-92 taonany ny fahafatesany tamin'ny 6 Febroary 2022, tao Mumbai, India.

Fantatra tsara amin'ny anarana hoe “the nightingale of India (voromangafeon‘i India)” i Mangeshkar noho ny filantolantom-peony tamin'ireo hira tsy tambo isaina nandritra ny fitopolo taona mahery, izay ambony kokoa noho izay mpihira vehivavy hafa rehetra tao Bollywood.

Nisioka ny seha-baovao Editorji hoe:

#LataMangeshkar may have been knows as the ‘#NightingaleofIndia‘ but the magic of her golden voice spread beyond the borders to Pakistan, Bangladesh, Sri Lanka and Nepal. #RIPLataMangeshkar #LataDidi 🙏 pic.twitter.com/jIIen31bKS

— Editorji (@editorji) February 7, 2022

Mety fantatra amin'ny anarana hoe #NightingaleofIndia i #LataMangeshkar saingy niparitaka tany ivelan'ny sisintany hatrany Pakistan, Bangladesh, Sri Lanka ary Nepal ny majikan'ny feony volamena.

Nanomboka tamin'i Madhubala tsara tarehy ao amin'ny Mahal (1949) ka hatramin'ny Madhuri Dixit ao amin'ny Dil to Pagal Hai (1997) sy ny mihoatra izany, nanetsika ny molony tamin'ny hirany manan-tantara ny vehivavy malaza rehetra ao Bollywood. Ampahany manontolo tamin'ny sarimihetsika ao Bollywood ireo hira ireo. Fomba fanao mahazatra amin'ny mozika Bollywood ny fanetsehana molotra ataon'ireo mpiantsehatra toy ny tena mihira ery.

Mahay zavatra maro i Mangeshkar. Ankoatra ny fiteny Hindi sy Marathi, nihira tamin'ny fiteny 24 hafa izy, indrindra ho an'ny sarimihetsika. Nanao hira ho an'ireo karazana olona sy toe-po samihafa izy. Naneho ny hafanam-pon'ny tantaram-pitiavan'ny tanora, ny alahelo lalina, ny alina mampamelovelo, ny fahasambarana ara-panahy ary ny fitiavan-tanindrazana mirehidrehitra tamin'ny alalan'ny feony mahery vaika nefa malefaka ny hirany. Mahalana ny maso maina rehefa manako ao amin'ny efitrano feno olona ilay hirany manentana hoe “Ae Mere watan ke logon, zara ankh mein bhar lo pain” (ry olon'ny fireneko, mandatsaha ranomaso kely azafady). Niara-niasa tamin'ireo olo- malaza toa an'i Kishore Kumar, RD Burman sy Laxmikant Pyarelal, mpisava lalana malaza nanova ny indostrian'ny mozika Indiana izy.

Lata Mangeshkar tamin'ny taona 2008. Sary avy amin'ny Wikipedia tao amin'ny Bollywood Hungama. CC BY 3.0.

Teraka tao anatin'ny fianakaviana artista i Mangeshkar. Mpiangaly mozika Marathi sy Konkani ny rainy  antsoina hoe Deenanath Mangeshkar. Ny zandriny vavy Asha Bhosle kosa mpihira Indiana malaza ihany koa. Indrisy anefa fa namoy ny rainy i Mangeshkar teo amin'ny faha-13 taonany, ka nahatonga azy hamelona ny fianakaviany. Na izany aza, tsy nanakana azy tsy hanohy ny asany amin'ny mozika ny fiovaovan'ny fiainana .

Nandritra ny fitopolo taonany tao anatin'ny zavakanto, nahazo loka maro izy, anisan'izany ny Bharat Ratna, loka sivily ambony indrindra ao India. Nanome loka maromaro ho azy nandritra ny lanonana fanolorana loka ihany koa ny Bollywood, izay mbola mamerina ireo hira maro nohirainy, ary nahazo laza iraisam-pirenena betsaka izy. Manana ny Guinness Book of World Records ho an'ny mpanakanto manana hira voarakitra betsaka indrindra amin'ny hira 30.000 mahery ho azy i Lata Mangeshkar.

Ireto misy teny fampiononana vitsivitsy avy amin'ireo mpankafy azy manerana an'i Azia Atsimo mba hanomezam-boninahitra an'i Lata tamin'ny alàlan'ny media sosialy.

India

Nanao fehin-tanana mainty ny ekipan’ny cricket indiana tamin’ny 6 febroary 2022, nandritra ny lalao ODI nifanandrinana tamin’i West Indies (Les Antilles).

The Indian Cricket Team is wearing black armbands today to pay their respects to Bharat Ratna Lata Mangeshkar ji who left for her heavenly abode on Sunday morning. The queen of melody, Lata didi loved cricket, always supported the game and backed Team India. pic.twitter.com/NRTyeKZUDc

— BCCI (@BCCI) February 6, 2022

Manao fehin-tànana mainty androany ny ekipan'ny Cricket Indiana ho fanomezam-boninahitra an'i Bharat Ratna Lata Mangeshkar ji izay namonjy ny fonenany any an-danitra ny alahady maraina. Nankafy cricket ny mpanjakavavin'ny gadon-kira, nanohana hatrany ny lalao ary nanohana ny Ekipan'i India.

Mpilalao sarimihetsika Randeep Hooda manonona ao amin'ny Twitter ny maha-zava-dehibe azy amin'i India, hatramin'ny talohan'ny fahaleovantenany:

The relevance of the #LataMangeshkar to the history and self actualisation of India as a nation !! 🙏🏽 pic.twitter.com/VsRltFnsx6

— Randeep Hooda (@RandeepHooda) February 6, 2022

Ny maha-zava-dehibe ny #LataMangeshkar amin'ny tantara sy ny fanatontosana ny tena ho firenena iray an'i India

Mpianatra Indiana Indraneel Dharwadkar nanamafy hoe:

Touching the lives of two billion people in the South Asian region is inconceivable. #LataMangeshkar did that through her songs in Hindi, Urdu, & Bengali. Celebrating Lata Mangeshkar's music is one of the very few things that the leaders of India, Pakistan, & Bangladesh agree on. pic.twitter.com/OnVDDIoONu

— Indraneel Dharwadkar (@NeelDharwadkar) February 6, 2022

Tsy azo eritreretina ny fikasihana ny fiainan'ny olona roa lavitrisa any amin'ny faritra Azia Atsimo. Nanao izany i #LataMangeshkar tamin'ny alalan'ny hirany tamin'ny fiteny Hindi, Urdu, & Bengali. Iray amin'ireo zavatra vitsivitsy eken'ireo mpitarika ao India, Pakistan ary Bangladesh ny fankalazana ny mozikan'i Lata Mangeshkar

Pakistan

Mpanao gazety Murtaza Solangi avy ao Islamabad milaza fa nalaza ihany koa izy tany Pakistan akaiky:

On the sad demise of #LataMangeshkar the outpouring of messages coming out of every section of Pakistanis proves; music has no boundaries, reiterates the reality of common heritage and the fact that the people of Pakistan want to have peaceful and cordial relations with India.

— Murtaza Solangi (@murtazasolangi) February 6, 2022

Manoloana ny fahafatesan'i #LataMangeshkar; manaporofo izany ny firongatry ny hafatra avy amin'ny faritra rehetra ao Pakistan; tsy misy sisintany ny mozika, mamerina ny zava-misy amin'ny lova iombonana sy ny zava-misy fa te hanana fifandraisana am-pilaminana sy am-pitiavana amin’ India ny vahoakan'i Pakistan.

Mampahatsiahy ny fomba nitomboan'ny taranany niaraka tamin'ny hirany ny lehiben'ny Minisitr'i Punjab teo aloha Shehbaz Sharif:

In the passing of Lata Mangeshkar, the world of music has lost a singing legend who mesmerized generations with her melodious voice. The people of my generation grew up listening to her beautiful songs that will remain part of our memory. May she rest in peace!

— Shehbaz Sharif (@CMShehbaz) February 6, 2022

Tamin'ny fahalasanan'i Lata Mangeshkar, namoy olo-manga mihira  izay nanintona ny taranaka tamin'ny feony mendri-piderana ny tontolon'ny mozika. Lehibe tamin'ny fihainoana ireo hirany mahafinaritra izay hijanona ho fahatsiarovana eo aminay ireo olona iray taranaka tamiko. Handry am-piadanana anie izy!

Nisioka i Chaudhry Fawad Hussain, Minisitry ny Fampahalalam-baovao sy Fampitam-baovao Federaly ao Pakistan hoe:

A legend is no more, #LataMangeshkar was a melodious queen who ruled the world of music for decades she was uncrowned queen of music her voice shall keep ruling the Hearts of people for all times to come #RIPLataMangeshker

— Ch Fawad Hussain (@fawadchaudhry) February 6, 2022

Lasa ilay olo-manga, mpanjakavavy tsara feo i #LataMangeshkar izay nitantana ny tontolon'ny mozika nandritra ny am-polony taona maro, mpanjakavavy tsy voasatroboninahitry ny mozika izy, hanjaka hatrany ao amin'ny fon'ny olona amin'ny fotoana rehetra ho avy ny feony

Bangladesh

Nametraka fahatsiarovana teo amin'ny tontolon'ny mozika Bengali ihany koa i Lata Mangeshkar satria nahasarika ny olona tao Bangladesh nandritra ny am-polony taona maro ny hirany.

Nankasitraka tamim-pisaorana ny fomba nandraisan'i Mangeshkar anjara tamin'ireo fampisehoana rindran-kira hitadiavam-bola ho an'ireo Bangladeshita mpitsoa-ponenana tao Kolkata sy Agartala nandritra ny Ady Fanafahana an'i Bangladesh tamin'ny taona 1971 ny Bangladeshita.

Mahatsiaro ao amin'ny Facebook ilay mpihira sady mpikatroka Syeda Tanzeena Imam:

শিল্পী লতা মঙ্গেশকর ১৯৭১ সালে বাংলাদেশের শরণার্থীদের আর্থিক সহায়তা প্রদানের জন্য বোম্বেতে বিশেষ কনসার্টের আয়োজন করেছিলেন। সেই অর্থ শরণার্থী শিবিরে তিনি দান করেছিলেন। এছাড়াও শিল্পী, সাহিত্যিক, বুদ্ধিজীবীদের নিয়ে বোম্বাই শহরে মিছিল ও সমাবেশ করেছিলেন লতাজী।

Nikarakara fampisehoana fanangonam-bola tao Mumbai ho an'ireo Bangladeshita mpitsoa-ponenana nandositra nandritra ny adim-panafahana ity mpiangaly mozika Lata Mangeshkar ity tamin'ny taona 1971. Nikarakara filaharana sy famoriam-bahoaka tany Bombay niaraka tamin'ireo mpanakanto, mpanoratra ary manam-pahaizana ihany koa izy mba hanangonam-bola ho an'ireo mpitsoa-ponenana.

Nepal

Nepaley maro, anisan'izany ny Praiminisitra Sher Bahadur Deuba, no niaiky fa nihira hira maromaro tamin'ny fiteny Nepaley i Mangeshkar. Araka ny tati-baovao, tsy tiany hihira ny hirany amin'ny teny Nepaley ireo mpihira hafa.

Mpampianatra sady bilaogera Bikash Chandra nilaza hoe:

One of the Nepali songs by Bharat Ratna Lata Mangeshkar. ‘jun mato ma mero’ from Maitighar (1966). The lyrics were penned by the then King of Nepal, Mahendra Bir Bikram Shah Dev.#FilmTwitter #LataMangeshkar #Legend #BharatRatna https://t.co/LHxiDBceUy

— Bikash Chandra (@bikmusic) February 6, 2022

Iray amin'ireo hira Nepaley an'i Bharat Ratna Lata Mangeshkar ny ‘jun mato ma mero’ from Maitighar (1966). Nosoratan'ny Mpanjakan'i Nepal, Mahendra Bir Bikram Shah Dev, tamin'izany fotoana izany ny tononkira

Nanome voninahitra an'i Mangeshkar ilay mpanao gazety sady mpanoratra Kanak Mani Dixit:

Expression of grief at the passing of Lata Mangeshkar coming from current or former heads of state/government of Afghanistan, Bangladesh, Maldives, Nepal and Pakistan alongside India makes clear that all of Southasia has thus bid farewell to a little bit of its collective past. pic.twitter.com/85YAhgsA2m

— Kanak Mani Dixit (@KanakManiDixit) February 7, 2022

Mampiseho mazava ny fanehoana alahelo avy amin'ireo lehiben'ny fanjakana/governemanta ankehitriny na teo aloha ao Afghanistan, Bangladesh, Maldives, Nepal ary Pakistan miaraka amin'i India manoloana ny fahalasanan'i Lata Mangeshkar fa nanao veloma farany tamin'ny lasa iraisan'ny rehetra i Azia Atsimo.

 

Raha te hihaino ireo hira sasantsasany avy amin'ny lova ara-mozika an'i Lata Mangeshkar, dia jereo ny playlist Spotify fan'ny Global Voices.

Satria manao veloma an'i Lata Mangeshkar isika, dia hitoetra mandrakizay amintsika ny lovan'ny mozikany. Toy izany koa ny tsikiny mamindra, ny fitafy sari tsotra ary ny bindi mena izay nandravaka ny handriny. Handry am-piadanana anie izy.