Ny praiminisitra Barbade Mia Mottley nandray fitenenana nandritra ny Fampianarana faha-16 Raúl Prebisch natao tany Genève, Soisa, ny 10 septambra 2019. Sary avy amin'i Timothy Sullivan (UNCTAD) tao amin'ny Flickr, CC BY-SA 2.0.Barbados Prime Minister Mia Mottley speaking at the 16th Raúl Prebisch Lecture held in Geneva, Switzerland, on September 10, 2019. Photo by Timothy Sullivan (UNCTAD) on Flickr, CC BY-SA 2.0.

Voatsikera mafy rehefa nanambara fifidianana mialoha ny fotoana hototonsaina amin'ny 19 Janoary 2022 — herintaona sy tapany alohan'ny anatanterahana azy araka ny lalàm-panorenana — ny praiminisitra Mia Mottley, angamba noho ny tabataba be avy amin'ny mpanohitra ao amin'ny Antokon'ny Mpiasa Demaokratika (DLP), ary niantso ny fanapahan-kevitra ho “mampanaitra” amin'ny demaokrasian'ny firenena sy fikasan'i Mottley sy ny Antokon'ny Mpiasa Barbados (BLP) hanamafy ny fahefana eo aminy. Tamin'ny 20 janoary anefa, rehefa niha-hita soritra ny valim-pifidianana farany, nihaniharihary fa nisy vokany ny fahasahian'i Mottley, ka nizotra nankany amin'ny fandresena farany ny antokony.

Tao anatin'ny fikasana farany tsy hanatontosana ny fifidianana, izay voalohany hatramin'ny nahatongavan'i Barbados ho repoblika tamin'ny 30 Novambra, nametraka fitoriana teny amin'ny fitsarana (izay nolavina avy eo) ny mpanao politika iray, Philip Catlyn, avy ao amin'ny Antokon'ny Fiandrianam-pirenena (BSB), milaza fa mpikambana maherin'ny 5.000 ao amin'ny mpifidy voan'ny COVID-19 no tsy afaka mampiasa ny zony hifidy. Fanampin'izany, niampanga ny Sampan-draharahan'ny Paositra Barbados (BPS) ho tsy nahavita namoaka ny tenimita momba ny fifidianana ny kandidà sasany.

Niroso araka ny nokinasa ho amin'ny 19 janoary ny fifidianana narahana fepetra henjana momba ny COVID. Raha ny zava-misy, amin'ny mponina latsaky ny 300.000 monja, mety tsy hitondra fiovana firy ireo voalaza fa vato 5.000, indrindra fa toa hita fa mitolona mafy mifandray amin'ny mpifidy ny mpifaninana lehibe.

Raha nihazohazo tao amin'ny fanamaivanan-ketra sy fametrahana ny fitsipiky ny saran'ny banky ho anisan'ny manifesto amin'ny fifidianana ny DLP, dia nifantoka tamin'ny fiarovana ara-bola lovain-jafy, fiarovana ara-tsakafo, trano fonenana ary amin'ny tetikasa angovo azo havaozina kosa i Mottley. Ny antokony, izay nitana toerana 29 amin'ny 30 amin'ny toeran'ny solombavambahoaka amin'ny fifidianana, no nisandratra ery am-pahatongavana nahazo ny fari-pifidianana rehetra miisa 30 ho eo amin'ny fifehezany.

Mia Mottley has been sworn in once again as Prime Minister of Barbados, following a projected whitewash victory in yesterday’s snap election.The swearing-in ceremony held today also saw Dale Marshall being sworn in as Attorney General.https://t.co/HDMP7RIKQ2

— Nationwide90FM (@NationwideRadio) January 20, 2022

Nanao fianianana indray i Mia Mottley amin'ny maha-praiminisitra Barbados azy, taorian'ny fandresena goavana tamin'ny fifidianana mialoha ny fotoana omaly. Ny lanonam-pianianana natao androany ihany koa dia nahitana ny fianianan'i Dale Marshall ho Tonia Mpampanoa Lalàna

Tamin'ny kabarim-pandreseny, nilaza i Mottley fa mipetraka ao amin'ny vahoaka ny fahefana ary nikasa ny hanomana ny firenena amin'ireo “fanamby matotra” izay hatrehiny “ao anatin'ny folo ka hatramin'ny 15 taona ho avy.” Anisan'ireo fanamby ireo ny krizin'ny toetrandro, olana iray nanaovany fanambaràna teo amin'ny sehatra iraisam-pirenena. Nilaza i Mottley fa ny governemantany dia hitarika an'i Barbados “voalohany ho amin'ny fiarovana ary avy eo amin'ny fanambinana.”

Niarahaba an'i Mottley tamin'ny fifidianana “nilaza mazava” sy “nanakoako” indray ireo mpanao politika ao amin'ny faritra, anisan'izany i Lisa Hanna avy any Jamaika sy Bharrat Jagdeo ao Guyana, raha toa kosa fantatra fa nanolotra fanomezana manokana hanehoana ny fanohanany i Ifaan Ali filohan'i Guyana.

Tao amin'ny Twitter, fantatry ny mpikirakira media sosialy ihany koa ny halehiben'ny zava-bitany:

We salute you; are forever grateful, and it's so inspirational to see Mia, as we Bajans affectionately call her, firmly and proudly seize the baton of progress in our national quest for greater and instinctive greatness!

— Stanley Collymore (@DerAkademiker) January 21, 2022

Miarahaba anao izahay; mankasitraka mandrakizay, ary tena manentana ny fanahy ny mahita an'i Mia, araka ny fiantsoanay Bajans azy amim-pitiavana, mihazona mafy sy amin-kambo ny tehin'ny fandrosoana amin'ny fikatsaham-pirenena ho amin'ny fahalehibeazana lehibe sy voajanahary kokoa!

Nanatevin-daharana ny fiarahabana ny mpihira reggae Maxi Priest:

Congratulations to
Primeminister Mia Mottley on being reelected for another term to lead Barbados 🇧🇧 Nuff respect Mia 👊🏾 !! You are not only a leader in the Caribbean, you are a traleblazing leader of the 🌎! pic.twitter.com/rgC6FvJYUD

— Maxi Priest (@MaxiPriest) January 21, 2022

Arahabaina ianao
Praiminisitra Mia Mottley voafidy indray amin'ny fe-potoana iray hafa hitarika an'i Barbados 🇧🇧 Nuff manaja an'i Mia 👊🏾 !! Tsy mpitarika ao Karaiba fotsiny ianao, fa mpitarika mahafatifaty amin'ny 🌎!

Na izany aza, nisy Jamaikana iray nanontany hoe:

As a Jamaican, I was interested to see Barbados Gen Election yesterday gave Mottley second term as PM.

She’s clearly a brilliant politician.

But is it good for democracy if one party holds EVERY SINGLE seat with NO OPPOSITION for 2 elections in a row?https://t.co/mqrSLZbeFy

— MR (@rydermc) January 20, 2022

Amin'ny maha-Jamaikana ahy, liana aho nahita ny Fifidianana Ankapobeny ao Barbados omaly nanome an'i Mottley fe-potoana faharoa ho PM.

Mazava ho azy fa mpanao politika mahay izy.

Fa tsara ho an'ny demaokrasia ve raha ny antoko iray no mitana seza IRAY TSY MISY MPANOHITRA amin'ny fifidianana in-2 misesy?

Raha nisy iray hafa nanapoka ny fiarahabana nataony tamin'ny fampitandremana mitovy amin'izany:

Andrew Holness wins 49-14 and everybody says that’s bad for democracy and dictatorship will arise etc Mia Mottley wins all 30 seats a second time and it’s all congratulations 🍾 and happy feelings😂We are so hypocritical 😂😂 @miaamormottley congrats you and the BLP

— 👑Chadwik Spence  (@chadwikspencejm) January 20, 2022

Nandresy tamin'ny isa 49-14 i Andrew Holness ary samy milaza fa ratsy amin'ny demaokrasia izany ary hipoitra ny didy jadona sns Mia Mottley dia nandresy ny seza 30 fanindroany ary arahabaina daholo 🍾 amin'ny fihetseham-po faly😂Mihatsaravelatsihy be izahay 😂😂 @miaamormottley miarahaba anao sy ny BLP

Raha ny zava-misy dia tsy manana mpanohitra ofisialy i Barbados, saingy araka ny nomarihin'i Mottley, dia “niray feo, tamin'ny fomba hentitra, tsy nisy volo nanoha-randrana ary mazava” ny vahoakany.