Fanamarihan'ny Rising Voices: Manome famintinana ireo lahatsoratra bilaogy vao haingana miresaka momba ny lafiny rehetra mahakasika ny fampiatiana ankihy toy ny fidirana sy ny fampiasana fitaovana ankihy, ary ny fomba sy hirika samihafa ho an'ny vondrom-piarahamonina handray anjara feno amin'ny aterineto ny taratasim-baovaontsika isam-bolana. Vakio eto ny fanontana teo aloha amin'ity gazety ity.

Mirary fety sambatra ry mpamaky malala!

Ao anatin'ny fotoana fohy dia hiditra ny taona 2022 isika, hanomboka ny Folo taona Iraisam-pirenena momba ny Fiteny Indizeny. Mientanentana toa anay ve ianao?

Ao anatin'ny toe-tsaina tia mizara, te-hanolotra tononkalo voafantina avy amin'ireo mpikambana ao amin'ny vondrom-piarahamonintsika midadasika Global Voices izahay, tononkalo izay voatonina tao amin'ny Tsenan-kevitra akademika Iraisam-pirenena faharoa: Fampandrosoana Lovainjafy ny Teny Indizeny notontosaina tany Korea Atsimo tamin'ny faran'ny volana Novambra.

Ireo poeta sy ny fiteny iasàny avy:

• Alejandra Sasil Sánchez Chan, Maayat’aan (Yucatec Maya) any Meksika
• Miguel Angel Oxlaj Cúmez, teny Maya Kaqchikel any Goatemala
• Njeri Wangarĩ, teny Gĩkũyũ avy any Kenya
• Kọ́lá Túbọ̀sún, teny Yorùbá avy any Nizeria

Ankafizo!

Ao anatin'ity laharana ity, tianay ny hampahafantatra anao vondrona tanora Champani, monina ao Kambodza, izay nanolo-tena hiaro ny fomban-drazanan'izy ireo manokana ara-kolontsaina. Vakio ary fantaro ny zavatra nataon'izy ireo sy izay kasain'izy ireo hatao, na an'aterineto na ivelan'ny aterineto, mba hanomezna indray ny vondrom-piarahamonina misy azy ireo. → “ “Mahita fomba vaovao hampiroboroboana ny kolontsain'izy ireo ao anatin'ny valan'aretina ny tanora Champani any Kambodza (mg na amin'ny teny malagasy)”

Miasa amin'ny tetikasa hamelomana indray ny tenin-drazanao manokana mba hamonjena azy tsy ho lany tamingana ve ianao? Mikasa ny hanohana tetikasa 15 amin'ny taona ho avy ny Wikitongues amin'ny alàlan'ny Fanamafisana ny Fanavaozana ny Fiteny. Jereo eto raha mila ny antsipiriany momba ny fangatahana. Faran'ny fangatahana: 23 Janoary 2022

Manomana programa fanofanana fahaizana mamaky teny ankihy anao manokana nefa tsy fantatrao hoe aiza no hanombohana? Mino izahay fa natao ho anao ity boky torolalana Fampidirana Startup nomerika feno (Digital Inclusion Startup Manual) ity. Afaka mahita tsy ny lisitra fanamarinana amin'ny antsipiriany momba ny fampitaovana ihany ianao fa hahita loharano maimaim-poana koa ho an'ny hevitra sy fitaovana momba ny fandaharam-pianarana ao amin'izany boky torolalana izany. Misaotra ny National Digital Inclusion Alliance!

Ankehitriny, ahoana ny ataon'i Aostralia amin'ny resaka fampiatiana ankihy amin'ity taona ity? Ao amin'ity tatitra famintinana navoaka vao haingana ity, milaza amintsika ny fomba fandrefesana ny fampidirana nomerika ao amin'ny firenena sy ny anjara asan'ireo sehatra samihafa (na mety ho nananany) ny ekipan'ny mpikaroka. Te hiaraka aminay amin'ny fijerena ny fikarohan'izy ireo sy hijery izay azontsika ianarana avy amin'ny zava-niainan'izy ireo ve ianao?

• Tell me how: Can we bridge the digital divide? via World Bank
• Making tech accessible for disabled and nondisabled people in conversation with Haben Girma and Rachel Arfa via Forbes
• Seeding change: Creating a digital community network with the Ju|’hoan people in Namibia via Association for Progressive Communications (APC)
• Cherokee Nation brings burgeoning technology to language efforts via Anadisgoi
• Adapting the periodic table into Kichwa via Chemical & Engineering News (C&EN)

Misorata anarana amin'ny Gazety Rising Voices

Subscribe to the Rising Voices Newsletter