Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Fivarotana idiram-piara McDonald's iray ao Japan nahazo fitsidihana avy amin'ny soavaly nohasinina

Horses at Cape Toi, Miyazaki

Soavaly ao Cape Toi, Miyazaki, avy amin'i Koji Ishii. Avy amin'ny Flickr. Lisansa sary: CC BY 2.0

Ranty malaza iray ao amin'ny Twitter japoney no manome topimaso ny fifandraisana hatry ny ela eo amin'ny soavaly sy ny toeram-pivavahana Shinto ao Japana.

Asehon'ilay sioka, izay efa voazara mihoatra ny in-5.000 tamin'ny fotoana nanoratana, ny vehivavy iray mitaingina soavaly mandalo fivarotana idiram-piara McDonald, any amin'ny toerana iray ao Japana.

Nandalo fivarotana idiram-piara aho! Ary naka sary anay ny mpiasa iray!

Ny lahatsary dia narantin'ny kaonty Twitter an'i Izume, ilay ‘soavaly masina’ avy ao amin'ny doanin'i Yoshikawa Hachiman” (吉川八幡神社 御神馬 いづめ 公式), doany Shinto iray miorina ao Nose, any amin'ny zoro be tendrombohitra sy ambanivohitra ao amin'ny prefektioran'i Osaka.

Ny nitaingina azy dia miko (巫女), vehivavy mpiasa sy namana miasa ao amin'ny doany, raha ny soavaly kosa—araka ny mombamomba azy ao amin'ny Twitter—dia efa-taona izay monina ao amin'ny doanin'i Yoshikawa Hachiman.

Misy soavaly teratany kiso, antsoina hoe Izume nohasinina tamin'ny Oktobra 2019, hanamarihana ny fanombohan'ny vanim-potoana Reiwa ao Japana. Nampirisihina ny mpitsidika doany hamahana ny sakafo ankafizin'i Izume indrindra, izay ahitana akondro sy karaoty. Na izany aza dia voarara ny fisafosafoana azy hatramin'ny fotoana nanaovana an'i Izume ho soavaly nohasinina.

Heverina ho irak'andriamanitra, ary manana fifamatorana lalina amin'ny fanajana ny doany Shinto ny soavaly nohasinina (神馬, shinme, shinma, kami-uma) ao Japana. Araka ny departemantan'ny raharahan-kolontsaina ao amin'ny prefektioran'i Mie:

古代の人々の生活は、自然に大きく左右されていました。自然には神が宿っていると考えられ、当時の人々にとって神への祈願は重大なことでした。その祈願には多くの方法がありましたが、生きた馬の奉納もその一つでした。馬は神の乗り物あるいは貴人の乗り物だと考えられていたからです。

Nofehezin'ny natiora ny fiainan'ny vahoaka taloha [tao Japana] amin'ny ankapobeny—Noeritreretina fa nonina tao amin'ny natiora Andriamanitra, ary nanana ny lanjany ny fifandraisana tamin'Andriamanitra tamin'ny alalan'ny vavaka. Maro ny fomba fivavahana, ary ao anatin'izany ny fanaovana fanatitra sy fanomezana manokana ho an'ny soavaly velona.

Nohazonina manokana ho ao amin'ny doany ny soavaly nohasinina ao Japana. Na izany aza, noho ny halafon'ny famahanana sy ny fikarakarana azy ireny amin'ny ampahany, dia misy ireo doany sasantsasany mampiasa fisolo antsoina hoe ema.

Natao tamin'ny voalohany tamin'ny tanimanga nodorana, ary taty aoriana tamin'ny hazo sy indraindray tamin'ny taratasy, ny ema dia karazana solaitra kely izay anoratan'ny mpivavaka vavaka na hafatra ho an'ireo andriamanitra. Efa lasa betsaka izy ireny amin'izao fotoana izao any amin'ireo doany Shinto manerana an'i Japana.

Ema for sale at Kanda Myojin Shrine, Tokyo

Ema amidy ao amin'ny doany Kanda Myojin, Tokyo. Saripikan'i Nevin Thompson. Lisansa sary: CC BY 3.0

Efa hatrany amin'ny 1000 taona mahery any ny tantaran'ny doanin'i Yoshikawa Hachiman, raha natokana ho amin'ny fatsakana voajanahary iray loharano voalohany an'ny mponina ao an-toerana ny toerana.

Avy eo ihany koa ny doany nampiantranko tempoly Boddista natokana ho an'i Yakushi nyorai (Bhaisajyaguru), ilay Boddhan'ny fanasitrahana sy ny fanafody ao amin'ny Boddisma Mahayana. Ny karazan'andriamanitra hajaina indrindra ao amin'ny doanin'i Yoshikawa Hachiman dia ilay Amperora Ojin zary lasa angano, izay lazaina ho nanjaka tanelanelan'ny taona 200 sy 300 amin'ny vanim-potoana ankehitriny, ary ivavahana ho andriamanitra Hachiman (八幡神), andriamanitry ny ady, rehefa nodimandry.

Main hall of Yoshikawa Hachiman Shrine, Osaka Prefecture

Efitra lehibe amin'ny doanin'i Yoshikawa Hachiman, prefektioran'i Osaka. Avy amin'i Kujime Kazuya. Avy amin'ny Wikipedia. Lisansa sary: CC BY-SA 4.0

Amin'izao fotoana izao fantatra ao an-toerana ity doany kely ity—ary, noho ny fijoroany ao amin'ny media sosialy, an-jotra—tsy noho i Izume ilay soavaly ihany, fa noho ny fampisehoana rindrankira sy ireo fiaran-dalamby roa tsy nampiasaina intsony, fanomezana avy amin'ny orinasan-dalamby iray tao an-toerana izay nitsahatra tamin'ny asany tamin'ny taona 2016.

Amin'ny (Alahady) 24 oktobra, ao anatin'ny fetiben'ny mihitsan-dravina ao amin'ny doanin'i Yoshikawa Hachiman, hilalao mivantana ao ny tarika Half-Ripe Blood (Ra masaka tapany) sy Roy Roy-Roy Roy!

Koa satria moa mba mandehandeha manala andro miaraka amin'ny “reniny” ry Izume, dia azonao zohiana ao amin'ny Twitter ny anjoriany:

Tantaran'ny Azia Atsinanana farany

Tantara Malaza Indrindra Manerantany

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.