Fangon'ny COVID Base AU – Sary nampiasaina miaraka amin'ny fanomezandàlan'ny @COVIDBaseAU

Ho an'ireo izay mila tantara-na COVID-19 mba metimety, ity iray ity avy amin'ny Oz no mety mahavaly izany.

Nipongatra ireo olona telo tao ambadiky ny CovidBaseAU, iray amin'ireo tranonkala Australiàna sy kaonty Twitter mahomby indrindra fametrahana angondrakitra momba ny valanaretina. Nohazavain'ny Guardian Australia ny niandohan'ny tantara:

Tsikaritra fa tanora telo no mitantana ilay tranonkala tena azo itokiana indrindra hanjohiana ny COVID-19 ao Aostralia.

Ilay tarika, izay nitantana ny CovidbaseAU, dia lasa ampahany manontolo ao anatin'ny antontanisan-dry zareo rahateo taorian'ny nandraisany ny fatram-baksininy Moderna voalohany tao Melbourne.

Isanandro ny CovidBaseAU dia manolotra tahirinkevitra momba ilay valanaretina ao Aostralia, isan'izany ny isa avy ao an-toerana, ny fitiliana, ny fampidirana hôpitaly, ny fahafatesana sy ny fanaovana vaksiny. Ananany ny tarehimarika nasiônaly sy ofisialy.

Samy 15 taona i Jack sy Darcy ary 14 taona i Wesley. Ny bitsik'izy ireo nopaingoriny ho fankalazàna ny nahazoany ny fatram-baksiny voalohany no nanainga ny lalao:

BOOM! 12-15s can get the?

Today the three of us who run @covidbaseau, Jack, Wesley and Darcy, had our first dose of the Moderna vaccine.?

Thought this would be a good time to share who we really are.?

Thrilled that we will finally be included in our data! pic.twitter.com/SeIQFXPjGW

— CovidBaseAU ???? (@covidbaseau) September 23, 2021

BOOM! 12-15s afaka nahazo ny?

Androany izahay telo mpitantana ny @covidbaseau, Jack, Wesley ary Darcy, no nahazo ny fatram-baksininay voalohany, Moderna.?

Ity no noheveriko fa fotoana iray tsara hizaràna ny tena maha-izahay anay.?

Ravoravo fa tafiditra ihany anatin'ireo angondrakitray izahay! pic.twitter.com/SeIQFXPjGW

— CovidBaseAU ???? (@covidbaseau) 23 Septambra 2021

Nihoatra ny 1.400 ireo olona namaly ilay bitsika tao anatin'ireo ora vitsy voalohany. Io fifanakalozana io no nampisongadina azy telo manam-pahasahiana ireto:

I (Jack) actually do have one working in a restaurant (not right now due to lockdown). Darcy does a bit of work on thermal modelling. Wesley is under 15 so not so easy. But thanks!

— CovidBaseAU ???? (@covidbaseau) September 23, 2021

Raha ny marina dia miasa amina toerana fisakafoanana iray aho (Jack) (tsy amin'izao fotoana izao noho ny fihibohana). Darcy miasa amin'ny fanaovana lasitra mampiasa ny hafanàna. Latsaky ny 15 taona i Wesley, ka dia tsy mora araka izany. Nefa misaotra e!

— CovidBaseAU ???? (@covidbaseau) 23 Septambra 2021

Nisy ny fankasitrahana avy ao am-po, toy ity bitsika avy amin'i Bill Bowtell, profesora miasa ho an'ny fahasalamam-bahoaka ity:

Warmest congratulations and many thanks for your great contributions to quantifying Covid. Good policy can only be made on basis of good and honest figures provided quickly. You have made a real difference.

— Bill Bowtell AO (@billbowtell) September 24, 2021

Fiarahabana tena mitafotafo ary fisaorana be dia be noho ny fandraisanareo anjara amin'ny fandrefesana ny Covid. Miainga avy amin'ny fahazoana haingana ireo tarehimarika tsara sy marina / tsy mitanila no ahafahana mandrafitra politika tsara. Tena nitondra fiovàna marina tokoa ianareo.

— Bill Bowtell AO (@billbowtell) 24 Septambra 2021

Tao amin'ny ABC TV News (Australian Broadcasting Corporation), nampiresahan'i Casey Briggs, mpiara-miasa amin'ny ‘numbers gremlin‘, izy telo ireo. Nandritra ilay valanaretina, efa mpikirakira tsy tapaka ny resaka angondrakitra alefa amin'ny fahitalavitra ABC i Brig . Ny fanolorany tarehimarika dia nahazoany mpanjohy mahatoky ao amin'ny media sôsialy.

Nivazivazy ny ABC raha nilaza hoe “nanala saron-tava” izy telo ireto, izay tena nataony ara-bakiteny tokoa araka ny hita ao anatin'ny lahatsary:

Nohazavain-dry zareo fa ireo lesona nomena nianarana tany an-trano nandritra ny fihibohana tao Melbourne no nanampy azy ireo tamin'ity tetikasa ity.

Ilay ‘mpiondana angondrakitra’, Ben Krauth, dia nidera ny pitsopitsony tamin'ny asan-dry zareo ireto:

For those not as familiar with the amazing coding abilities of the trio behind @covidbaseau.

Check out this amazing tweet today, from a BOT they coded!

This is one of the most advanced tweets I've seen on covid anywhere. So awesome. https://t.co/sA3aRpibl8

— Ben Krauth (@KrauthBen) September 23, 2021

Ho an'ireo tsy mahafantatra loatra ny fahaizana manoratra kaody mampitolagaga ananan'ireo telo ao ambadiky ny @covidbaseau.

Jereo ity bitsika tsy mampino androany ity, avy amin'ny BOT iray nosoratan'izy ireo!

Ity no iray amin'ireo bitsika lasa lavitra indrindra hitako momba ny Covid tany rehetra tany. Tena mahazendana. https://t.co/sA3aRpibl8

— Ben Krauth (@KrauthBen) 23 Septambra 2021

Nisy maro ireo hanihany:

Are you telling me that you three high school kids provide clearer info than the entire Department of Health? Damn…

— SJ Williams (that fella downunder…) (@sjwill99) September 23, 2021

Hiteny amiko ve ianareo hoe ianareo ankizy telo ireo no manome tarehimarika mazava kokoa noho ny rehetra ao amin'ny ministeran'ny fahasalamana? Oadrayyyy…

— SJ Williams (that fella downunder…) (@sjwill99) 23 Septambra 2021

Manana kaonty Patreon iray ry zareo raha toa ka tianao ny ho lasa mpiahy.

Tototry ny valinteny avy amin'ireo mpirary soa erantany sy ireo mpiray tanindrazana aminy avo ao Melbourne ry Jack, Darcy ary Wesley:

My 8year old boy saw you on the project tonight and he was blown away at what you guys are doing! Keep striving and inspiring. There is hope ??

— Jess (@J_Trimmy) September 24, 2021

Izao alina izao  ny zanakolahy 8 taona no nahita anareo  tamin'ilay tetikasa ary dia nitolagaga izy amin'ny zavatra ataonareo! Tohizo ny ezaka sy ny fanomezana aingampanahy. Misy ny fanantenana ??

Warm congratulations from the Netherlands ?? You 3 really put a big smile on my face. Keep up the good work you'll do on your website, it is really incredible!

— Melanie (@MelRamaekers) September 24, 2021

Fiarahabana mitafotafo avy aty Pays-Bas ?? Tena nitondra tsiky marina tokoa teo amin'ny tavako ianareo 3. Tohizo ny asa tsara ho ataonareo ao amin'ny tranonkalanareo, tena tsy mampino!

Nisy ireo fandrakofana tanaty fampahalalambaovao tamin'ny fiteny marobe sy avy any lavitra any, toa an'i Ireland.

Na izany aza, homentsika azy ireo ny teny farany:

Hi all. Just wanted to put out this tweet. We've received a number of messages from people in the media who have reached out. Really sorry but its just impossible to get to everyone. We're working it people but the number of messages we have received is very overwhelming.

— CovidBaseAU ???? (@covidbaseau) September 24, 2021

Manao ahoana daholo. Te-handefa ity bitsika ity fotsiny izahay. Naharay hafatra marobe izahay avy amin'ireo olona mpiasan'ny media nifandray taminay. Tena ialàna tsiny fa tsy vita ny hamaly ny rehetra. Miaraka miasa amin'olona izahay, saingy tena tsy mampino ny isan'ireo hafatra voarainay.
— CovidBaseAU ???? (@covidbaseau) 24 Septambra 2021