Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Vehivavy fahadimy novonoina tany Azerbaijan tao anatin'ny 10 andro

 

Pikantsary nalaina tao amin'ny tatitra nataon'ny Meydan TV momba ny famonoana vehivavy ao Azerbaijan.

Ity lahatsoratra ity dia navoaka voalohany tao amin'ny OC Media. Navoaka etoana ny lahatsoratra nasiam-panovana izay ao anatin'ny fifanarahana fifampizarana votoaty.

Nokendaina ho faty tamin'ny Alahady 25 Jolay i Nargiz Mustafayeva, mponina ao amin'ny Distrikan'i Barda afovoany. Voasambotra ny vadiny, Agil Mustafayev, teraka tamin'ny taona 1983. Araka ny voalazan'ny biraon'ny Fampanoavana, novonoin'i Mustafayev ny vadiny noho ny fifamaliam-pianakaviana.

Mustafayeva no vehivavy fahadimy novonoina tao Azerbaijan tato anatin'ny 10 andro.

Tamin'ny 24 Jolay, voalaza i Meykhosh Jafarov fa nanindrona antsy ny vadiny, Khatira Farajova, ho faty. Raha ny filazan'ny fampanoavana dia matetika i Jafarov no mampijaly an'i Farajova sy ny zanany.

Tamin'ny 23 Jolay, voalaza fa nanindrona antsy sy namono an'i Lyudmila Tatachenko vadiny taorian'ny fifamaliana i Zarbali Guliyev.

Tamin'ny 22 Jolay, voalaza fa namono an'i Mubarak Agayeva tamin'ny antsy taorian'ny fifamaliana ihany koa i serzà polisy Aliaga Soltanov.

Tamin'ny 16 Jolay, notsatohana antsy in-23 tao amin'ny hotely iray tao Baku ilay mpihira Aygun Mirzayeva. Nilaza i Ali Mammadov, izay nosamborina noho ny famonoana azy, fa mpifankatia izy roa ary niaiky ny famonoana azy.

Tsy manana fiarovana fototra akory ny vehivavy any Azerbaijan  raha ny filazan'ilay mpikatroka feminista Gulnara Mehdiyeva. “Heveriko fa porofon'ny maha-marefo ny vehivavy ao amin'ny firenena ireo famonoana vehivavy ireo. Satria amin'ny ankamaroan'ny tranga dia tsy dingana voalohany amin'ny herisetra ilay famonoana olona fa dingana farany,” hoy i Mehdiyeva tamin'ny OC Media. Nampiany hoe:

Murderers are often known for their violence against their spouses or lovers beforehand. For example, a husband who kills his wife who is trying to get a divorce and has abused her and her three children. That was the reason for the divorce.

Matetika fantatra amin'ny herisetra ataony amin'ny vadiny na ny olon-tiany ireo mpamono olona. Ohatra, namono ny vadiny mikasa ny hisara-panambadiana ilay rangahy ary nanararaotra azy sy ny zanany telo. Izany no anton'ilay fisaraham-panambadiana.

Nanamarika i Mehdiyeva fa “nanao ny zava-drehetra momba ity tranga ity afa-tsy izay tokony ataony” ireo sampan-draharahan'ny mpitandro ny filaminana.

The country’s policies and the current legislation do nothing to protect women in the period before they are murdered. Police does not like to open criminal cases, especially for domestic violence. When applying to the police, applicants are encouraged to withdraw their complaints in order to reduce the number of cases. They [the police] do everything except their job.

Tsy manao na inona na inona hiarovana ny vehivavy mialoha ny fotoana hamonoana azy ireo ny politikan'ny firenena sy ny lalàna ankehitriny. Tsy te hanokatra trangana heloka bevava ny polisy, indrindra momba ny herisetra an-tokantrano. Rehefa mangataka fitoriana any amin'ny polisy izy ireo dia entanina ny mpangataka mba hisintona ny fitoriany mba hampihenana ny isan'ny tranga. Manao ny zava-drehetra izy ireo [ny polisy] afa-tsy ny asany ihany.

Nilaza tamin'ny OC Media i Mehdiyeva fa mipaka hatrany amin'ny rafitry ny fitsarana ao amin'ny firenena ihany koa ny tsy fisian'ny fandraisana andraikitra. “ Tsy manome rariny ny fitsarana; ny sampan-draharaha misahana ny fiarovana ara-tsosialy tsy afaka manome fanampiana ara-tsosialy ho an'ireo vehivavy tsy an'asa manan-janaka. Vokatr'izany, voatery manohy miaina miaraka amin'ny herisetra ny vehivavy. Miafara amin'ny famonoana olona izany.”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.