Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Niteraka tsikera an-tserasera ny fikasan'ny tanàndehibe Shinoa handrara ireo olona tsy vita vaksiny hiditra ny toerana ho an'ny daholobe

 

Fanambarana avy any amin'ny distrikan'i Beiliu, Shina, mitaky ny fianakavian'ny ankizy rehetra any an-tsekoly mba atao vaksiny mba ahafahan'izy ireo misoratra anarana. Sary avy amin'ny CitizenNews any Hong Kong.

Tanàndehibe Shinoa am-polony vitsivitsy no nametraka politika famerana mandrara ny olona tsy vita vaksiny hitsidika ny toerana ho an'ny daholobe, anisan'izany ny sekoly, ny hopitaly, ny fitateram-bahoaka ary tsenam-barotra lehibe. Tanàndehibe maro no inoana fa mety hametraka politika mitovy amin'izany.

Ilay politika, izay nambara tsy nisy fanazavana firy, dia nanaitra ny olom-pirenena maro izay nahazo toky matetika fa voafehin'i Shina ny COVID-19, noho ny habetsahan'ny vaovao miabo nivoaka tao amin'ny tambajotra sosialy nandritra ny faha-100 taonan'ny Antoko Kaomonista Shinoa tamin'ny voalohan'ny volana Jolay.

Ity ambany ity misy hafatra fankalazana niparitaka tao amin'ny tambajotra sosialy Shinoa tamin'ny 2 Jolay:

#建党100周年庆祝大会哪一幕令你印象深刻#

口罩,没了!

七一的天安门广场,数十万人聚集的活动,竟然全部没戴口罩。

当全世界都认为戴口罩是侵犯人权的时候,全中国都戴口罩,当全世界都被病毒搞得不得不戴口罩的时候,中国率先摘除了口罩。

小口罩的演变,折射出的是人权的真正体现,有五千年文明历史的泱泱大国干什么事情都有板有眼,正如联合国组织评价"中国是目前最淡定的国家",这淡定来自于自信,自信来自于自律,来自于自醒,来自于中华民族传统文化的优秀基因🇨🇳#何其幸运我们共睹这一天#

#Miaiky volana tamin'ny lanonan'ny faha-100 taonan'ny Antoko Kaomonista Shinoa#
Tsy misy manao arovavaorona intsony!
Tamin'ny 1 Jolay, tao amin'ny Kianja Tiananmen, hetsika iray nahitana olona an'hetsiny maro, tsy nisy nanao arovavaorona.

Nitondra arovavaorona avokoa ny olona rehetra tao Shina rehefa nino izao tontolo izao fa fanitsakitsahana ny zon'olombelona ny fanaovana arovavaorona. Shina no firenena voalohany nanala arovavaorona rehefa noterena hanao arovavaorona izao tontolo izao noho ny COVID-19.
Maneho ny tena dikan'ny atao hoe zon'olombelona ny tantaran'ilay arovavaorona.
Firenena lehibe sy matanjaka manana sivilizasiona 5 000 taona, voafehintsika amin'ny fomba milamina ny zava-drehetra. Nilaza ny fikambanan'ny Firenena mikambana fa ‘Shina izao no firenena tony indrindra’, avy amin'ny fahatokisantsika tena ny fahatoniana toy izany, Avy amin'ny fifehezan-tena sy fahatsiarovan-tena ny fahatokisantena toy izany. Ireo rehetra ireo no avy amin'ny fototarazo mampiavaka ny kolontsaina Shinoa. #Sambatra tokoa isika fa nijoro ho vavolombelona androany #

Manantena i Shina fa hahatratra 70 isan-jato ny tahan'ny fanaovana vaksiny amin'ny faran'ny 2021. Hatreto, fatrana vaksiny miisa 1,38 miliara no nomen'ny firenena, manodidina ny 48 isanjato amin'ny isan'ny mponina ao aminy. Saingy, tsy nifandanja firy ny fizarana. Any amin'ny tanàndehibe toa an'i Beijing, Shanghai ary Guangzhou ny tahan'ny vaksiny dia mihoatra ny 80 isan-jato. Ambany lavitra ny taha raha ho an'ny tanàndehibe ambaratonga faharoa sy fahatelo ary ireo Kaomina ambanivohitra.

Rehefa miparitaka manerana an'i Azia ny kinova Delta, dia mihevitra ny manampahaizana mpandinika ny virosy fa mety hidina hatrany amin'ny 20 isanjato ny fandairan'ny vaksiny Shinoa. Na izany aza, nitatitra ny fampahalalam-baovao avy any an-toerana fa nilaza ny mpandinika valan'aretina malaza any Shina Zhong Nanshan fa voaporofo ho mandaitra amin'ny karazana kinova ny vaksiny Shinoa. Misy ny mpitsikera milaza fa mbola tsy namoaka lahatahiry klinika amin'ny dingana fahatelo momba ny vaksiny i Shina , izay lazain'i Zhong fa noho tsy fisian'ny marary COVID-19 hanaovana fitiliana any Shina no mahatonga izany.

Napaingotra tamin'ny kabarin'i Zhong mba hanasongadinana ny fahatokisantenan'i Shina amin'ny ady amin'ny valan'aretina ny tenirohy #凡尔赛 發言, midika hoe ‘kabary reharehan'andriana’.

Mifanohitra tanteraka tamin'ny hafatra miabo rehetra niparitaka tamin'ny aterineto tao anatin'ny roa herinandro lasa ny politika famerana vaovao. Ankoatra izay, nahatonga fanakianana betsaka ny tsy fahampian'ny fanazavana tamin'ny fanambarana nataon'ny governemanta. Ity ambany ity ny fanambarana navoakan'ny tanàndehiben'i Jinjiang ao amin'ny faritanin'i Fujian tamin'ny alàlan'ny fandefasan-kafatra am-pinday:

凡在我市工作生活﹑年滿18周歲(戶籍不限)且無疫苗禁忌症的人員均須接種。

7月22日起,年滿18周歲以上人員進入全市重點公共場所須主動出示疫苗接種記錄(八閩健康碼中含疫苗接種標識)。

7月22日前,全市黨政機關﹑企事業單位幹部職工和廣大黨員除禁忌症外必須完成接種。「應接未接」人員不允許上崗。

8月1日起,「應接未接」人員原則上不得進入全市醫療機構住院部(患者除外)﹑景區景點﹑養老院﹑托兒所﹑學校(含幼兒園﹑校外培訓機構)﹑文化娛樂場所。」

Tokony hatao vaksiny avokoa ny mponina rehetra mihoatra ny 18 taona (na aiza na aiza no monina) izay tsy manana antony ara-pahasalamana tsy hanaovana ny vaksinin'ny COVID-19.
Manomboka amin'ny 22 Jolay, ny olona rehetra mihoatra ny 18 taona dia tsy maintsy mampiseho ny fandraketana vaksininy (marika fanaovana vaksiny amin'ny kaody ara-pahasalamana amin'ny finday ao an-tanàndehibe) alohan'ny hidirany amin'ireo tranom-panjakana lehibe eto an-tanàndehibe.
Amin'ny 22 Jolay, ny mpikambana ao amin'ny antoko sy ny mpiasan'ny governemanta ary ny andrim-panjakana rehetra ary ireo ao amin'ny orinasan'izy ireo dia tsy maintsy atao vaksiny (raha tsy hoe misy antony ara-pahasalamana manokana). Tsy mahazo mandeha miasa ireo izay mbola tsy vita vaksiny.
Manomboka amin'ny 1 Aogositra, ny olona tsy vita vaksiny ka tsy misy antony ara-pahasalamana (raha tsy hoe marary angaha izy ireo) dia tsy avela hiditra ny tobim-pitsaboana, toeram-pizahan-tany, trano fitaizana beantitra, akaninjaza, sekoly (ao anatin'izany ireo toeram-piofanana) sy ny toerana ara-kolontsaina sy fialamboly.

Nametraka fanontaniana maro toy ny nolazain'i @xie-nm-ni-cheng tao amin'ny Weibo ny tsy fitovian'ny politika:

从一开始的“自愿”到 “不强制”最后“限制出行”这就是政府的公信力?这就是社会主义? ​

Tamin'ny voalohany, [nilaza ny manam-pahefana] fa “an-tsitrapo” ny fanaovana vaksiny. Taty aoriana, “tsy terena” izany ary farany lasa “mametra ny fivezivezena”. Fahatokisana ny governemanta ve izany? Izany ve no sosialisma?

Na dia afaka miala amin'ny fameperana aza ny olona manana antony ara-pahasalamana dia tsy mora ny mahazo porofo ara-pitsaboana. Ity ambany ity ny zava-niseho iray nozaraina tao amin'ny Weibo avy amin'i @ yi-zhang-jing-zi:

由于身体原因不能接种疫苗,现在实习单位要我出示不能打疫苗的证明。结果跑了两家疫苗接种点都让我去附二医开证明,结果附二医说他们有文件说医生不得给患者开相关证明,打电话给12345也不告诉我怎么办,所以到底要我怎么办呢要强制大家打疫苗,难道所有人都是健康体质都是可以打的吗???

Noho ny fahasalamako dia tsy nahazo vaksiny aho, saingy nitaky porofo ara-pitsaboana ny fikambanana misy ahy. Nankany amin'ny tobim-pahasalamana fanaovam-baksiny roa aho ary nasain'izy ireo nankany amin'ny hopitaly. Saingy nilaza ny dokotera tany amin'ny hopitaly fa nolazaina izy ireo tsy hamoaka porofo ara-pitsaboana ho an'ireo marary. Niantso ireo laharam-pifandraisana aho, saingy tsy nanome vahaolana izy ireo. Inona no tokony ataoko? Tsy ny olona rehetra no afaka manao vaksiny!

Nanamarika ny mpisera Weibo hafa users@sheng-bu-hui-chuan fa mety hanimba ny fiainan'ny olom-pirenena manokana izany politika izany:

不能打疫苗的人一点隐私都没有了,去个公共场所就得跟人说明“我八十了”“我打hpv了”“我备孕着呢”“我有基础病”,谁想出的这个破点子,脑袋里面进屎了吗 ​

Tsy manana hasim-piainana ireo izay tsy mahazo atao vaksiny. Isaky ny miditra amin'ny toerana natokana ho an'ny vahoaka izy ireo dia tsy maintsy manazava hoe “mihoatra ny 80 taona aho”, “Vao avy nahazo vaksinin'ny HPV aho”, “Bevohoka aho”, “manana aretina manokana aho”. Iza no nahita hevitra ratsy toa izany? Misy tsy salama ny sainy?

Manahy ihany koa ny olona sasany fa ampiharina amin'ny sehatry ny politika hafa amin'ny hoavy ny paikady mitovy amin'izany, toy ny nolazain'ny zhi-tien-shou-wan-zhe hoe:

通过限制出行、入学以及停薪停职这些损招来达到目的,长远地看,就怕有了第一次之后,也会有第N次。你说今后他们要是肆无忌惮地在别的领域依样画瓢、如法炮制,迫使咱们顺从,那日子能好过到哪里?因此,我觉得吧,无论咱们是否已接种,都应该坚决地抗yì这种野蛮的一刀切。

Raha vantany vao mahavita manatratra tanjona politika kendrena izy ireo amin'ny alàlan'ny famerana ny fivezivezena, ny fanesorana ny zo hianatra, ny fampiatoana ny karama sy ny asa, amin'ny hoavy dia hiverimberina imbetsaka ny paikady mitovy amin'izany. Raha mampihatra fomba mitovy amin'izany ry zareo amin'ny sehatra politika hafa hanerena antsika hanaraka izany, inona no hiafaran'ny fiainantsika? Tokony hanohitra izany politika misetrasetra aotra izany isika na vita vaksiny na tsia.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.