Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Manambara ny fitokonany tsy hihinan-kanina ilay mpikatroka feminisita Rosiana Yulia Tsvetkova

Russian activist Yulia Tsvetkova outside a courthouse.

Ilay mpikatroka Rosiana Yulia Tsvetkova ivelan'ny tranon'ny fitsarana. Sary (c): Yulia Tsvetkova / Anna Khodyreva. Nahazoana alàlana. Russian activist Yulia Tsvetkova outside a courthouse. Photo (c): Yulia Tsvetkova/Anna Khodyreva. Used with permission.

Nanambara fa hitokona tsy hihinan-kanina i Yulia Tsvetkova, mpikatroka LGBT sady mpanakanto feminista izay miatrika [mg] sazy an-tranomaizina noho ny fiampangana fizarana sary vetaveta tamin'ny fizarana sary “vatana miabo” tao amin'ny media sosialy.

Satria voaràra tsy mahazo mampiasa aterineto sy media sosialy i Tsvetkova tenany, nizara fanavaozam-baovao Facebook amin'ny anaran'ny zanany vavy tamin'ny 1 Mey ny reniny, Anna Khodyreva. Tao amin'ny lahatsoratra, nilaza i Tsvetkova fa ny fangatahana lehibe ao ambadiky ny fanapaha-keviny dia ny hitondran'ny fitsarana haingana kokoa ny fitsarana azy. Mitohy efa ho roa taona izao ny fizotran'ny famotorana ny raharahan'ity mpikatroka ity.

Tao anatin'ilay  fanambarana lavalava tamin'ny Facebook, “lahatsorany am-pahibemaso voalohany tao anatin'ny valo volana”, maneho ny antony nanosika azy hiditra amin'ny fitokonana tsy hihinan-kanina i Yulia Tsvetkova:

Говорят, что голодовку объявляют от отчаяния, и с этим, да, трудно не согласиться. Еще считается, что это средство, к которому люди прибегают только в тюрьмах_колониях. Вот это не так. Голодовка – это способ мирного протеста против несправедливости, который использовали многие активисты и активистки по всему миру, в и вне физического ограничения свободы. А еще голодовка – это способ привлечь внимание к проблеме личной, или глобальной.

Milaza izy ireo fa nambara noho ny famoizam-po ny fitokonana tsy hihinan-kanina, ary eny, sarotra ny tsy hanaiky izany. Inoana koa fa fepetra iray ampiasain'ny olona amin'ny zanatany famaizana fotsiny izany. Tsy dia marina izany. Ny fitokonana tsy hihinan-kanina dia fomba iray izay nampiasain'ireo mpanakanto sy mpikatroka maro eran'izao tontolo izao mba hanoherana am-pilaminana ny tsy rariny, anatiny sy ivelan'ny fameperana ara-batana amin'ny fahafahan'izy ireo. Fomba iray hisarihana ny saina amin'ny olana manokana na manerantany ihany koa ny ny fitokonana tsy hihinan-kanina.

Mahafantatra ireo gadra politika marobe any Rosia sy ireo “fehezan-teny tsy takatry ny saina amin'ny ‘teny sy eritreritra'” mifantoka amin'ny “olana iray somary hafa kely, izay angamba tsy dia mora hita”i Tsvetkova –  ny fizotry ny fitsarana ady heloka bevava sy ny fakàna am-bavany, izay mahazatra an'i Russia ary matetika ahitana ireo voampanga mandany am-bolana maro na taona maro amin'ny famonjana vonjimaika na ambenana an-trano.

2 года следствия. 2 года украденной жизни. За репосты. И эти 2 года даже не зачтуться в срок, потому что я под самой мягкой мерой пресечения.
И мое дело не уникально. Многие люди годами просиживают в сизо, под арестом, или под следствием. Многие проходят через ад, еще до того, как им назначат срок. У системы есть все время, ей некуда торопиться. И ей все равно на людей, и их жизни. А защититься от системы почти не возможно.

Roa taona nanaovana famotorana. Roa taona niainana fiainana halatra. Ho famerenana ny lahatsoratra. Ary tsy azo isaina ho fotoana nisaziana ireo roa taona ireo, satria eo ambany fepetra famehezana malefaka indrindra aho.
Ary tsy tokana ny raharahako. Betsaka ny olona mandany taona maro amin'ny famonjàna vonjimaika, anaty fisamborana, na anaty famotorana. Betsaka no mandalo helo na dia mbola tsy voaheloka aza. Manana ny fotoana rehetra ny rafitra; tsy misy toerana hirohotany. Tsy miraharaha ny olona sy ny fiainany izy. Ary saika tsy azo atao ny miaro ny tenanao manoloana ny rafitra.

Tamin'ny lahatsorany, manasongadina ny enta-mavesatra sy ny fanaintainana noho ny “fampijaliana tsy hita maso” amin'ny famerana ny fahalalahana sivika tsy dia miharihary loatra napetraky ny rafi-pitsaram-panjakana i Tsvetkova. Milaza izy fa zara raha afaka mahazaka ny fitokana-monina sy ny tsy fahafahana miasa noho izy voaràra tsy hanana fifandraisana ara-tsosialy

Люди, проходящие через пытку ожиданием, неизвестностью, изоляцией достойны того, чтобы про них не забывали. Нельзя мерить кто страдает сильнее или больше или правильнее. Простая истина – никто не должен подвергаться преследованию по причине своей инакости или неудобности.

Mendrika tsy ho hadinoina ny olona miaritra fijaliana amin'ny fiandrasana, amin'ny tsy fantatra, amin'ny fanokana-monina. Tsy azonao refesina hoe iza no mijaly bebe kokoa na mijaly mafy kokoa na mijaly araka ny tokony izy kokoa. Ny marina tsotra dia tsy misy olona tokony hiatrika fanenjehana noho ny tsy fitoviana na tsy fahatomombanana.

Manipika ny antony nidirany fitokonana tsy hihinan-kanina, manoratra ilay mpikatroka fa vonona hiatrika sazy am-ponja izy ary tsy mangataka ny ho afahana madiodio, saingy mangataka mba ho araka ny tokony ho izy ny fizotran'ny raharaha, fitsarana misokatra ary fahazoana mpisolovavam-bahoaka mba hampihatra ny zony ara-dalàna.

Мое требование просто. Я прошу государство “быть мужиком”.
Хотите меня осудить? Пожалуйста. Но делайте это открыто.
Я требую открыть мой процесс для общественности, тк основания для его закрытия притянуты за уши.
Я требую дать мне возможность защищаться всеми законными методами, и допустить в процесс общественного защитника. И я требую не затягивать мой процесс. Назначать заседания не по одному в месяц, а чаще.

Tsotra ny fangatahako. Mangataka amin'ny fanjakana aho mba “hijoro ho lehilahy”.
Te-hanameloka ahy ianao? Tsara. Saingy ataovy ampahibemaso izany.
Mangataka aho mba hisokatra ho an'ny daholobe ny fitsarana ahy, satria manify raha tsara indrindra ny antony hanakatonana izany ho an'ny daholobe.
Mangataka ny ahafahako miaro tena amin'ny alalan'ny fomba ara-dalàna rehetra aho, ary amin'ny mpisolovavam-bahoaka mba hahazoana hiditra amin'ny fitsarana. Ary mangataka aho mba tsy asiana hatak'andro ny fitsarana ahy. Tokony azo alamina indray mandeha isam-bolana ny fakàna am-bavany.

Mifarana amin'ny fanamarihana marefo ny fanambaran'i Tsvetkova: miaiky ny tahotra ao aminy izy, saingy nilaza koa fa tsy afaka hihavana amin'ny toe-javatra iainany ankehitriny ary tsy afaka hanome “hirika hanala ny tenako sy hihevitra malalaka”

Страшно ли мне? Да, пожалуй. Но терять мне особо нечего. Здоровье у меня подорвано уже достаточно давно. Каких то привязок ввидя работы, коллег или друзей, благодаря действием государства, тоже почти не осталось. У меня есть только мое достоинство, и сейчас я рада, что поступаю так, как говорит совесть.

Matahotra ve aho? Eny, mino aho. Saingy tsy manana zavatra betsaka ho ariana aho. Niharatsy ny fahasalamako efa elaela izay. Noho ny fihetsiky ny fanjakana, saika tsy manana fifandraisana ivelan'ny asa, mpiara-miasa na namana vitsivitsy aho. Ny fahamendrehako no hany ananako, ary ankehitriny faly aho manao izay lazain'ny tsikalakalam-pieritreretako atao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.