Pikantsary avy amin'ity sioka [1] mampiseho fihetsiketsehana ao Bahrain ity izay mitaky famotsorana ireo gadra.
Folo taona hetsi-panoherana naka aingam-panahy Lohataona Arabo nipoaka tao Bahrain saingy tsy nahavita nitondra fiovana tsara, mbola mijaly ireo voafonja ara-politika noho ny fiharatsian'ny fepetra any am-ponja sy ny fiparitahan'ny COVID-19 eo amin'ireo voafonja.
Tamin'ny 8 aprily tao amin'ny Twitter, mpikatroka Bahrainita malaza Maryam Al-Khawaja nitantara ny antsipiriany nahatsiravina tamin'ny fisamborana ny rainy, mpitarika mpanohitra malaza Abdulhadi Al-Khawaja, folo taona katroka lasa izay. Mbola any am-ponja izy hatramin'izao.
It’s 2 am in #Bahrain [2]:
JUST CAME! They took my dad, my dads blood is still on the stairs! They hit my dad so much! They beat him and he cudnt breath
— Maryam Alkhawaja (@MARYAMALKHAWAJA) April 8, 2021 [3]
Amin'ny 2 maraina any #Bahrain:
TONGA FOTSINY! Nentin'izy ireo ny raiko, mbola eo amin'ny tohatra ny ràn'ny dadako! Tena nokapohin'izy ireo mafy ny raiko! Nokapohin'izy ireo izy ary tsy afa-niaina
Tao anatin'izay herinandro vitsivitsy izay, nanao fihetsiketsehana am-pilaminana nanerana ity fanjakana bitika ity ny fianakavian'ireo gadra, miantso ny manampahefana Bahrainita mba hampihena ny olona ao amin'ny fonja manoloana ny aretina COVID-19 mielipatrana ao amin'ireo toerana ireo.
Protests have spiked in #Bahrain [2] over the #COVID19 [4] outbreak in Jaw Prison, which holds hundreds of political prisoners. More demonstrations were reported last week than during any other week in over a year, according to @ACLEDINFO [5] data. https://t.co/o9esGkpiFq [6] pic.twitter.com/H7WoPr0t35 [7]
— Sam Jones (@SamuelAJones_) April 8, 2021 [8]
Nitombo ny fihetsiketsehana tany #Bahrain [2] manoloana ny valan'aretina #COVID19 [4] tao amin'ny fonjan'i Jaw, izay ahitana gadra politika an-jatony. Nisy ireo fihetsiketsehana marobe notaterina tamin'ny herinandro mihoatra ny herinandro hafa tao anatin'ny herintaona mahery, araka ny angon-drakitra @ACLEDINFO [5]
Nijoro ireo vehivavy havan'ireo gadra politika, nitaky ny famotsorana ireo havany, izay efa nigadra nandritra ny folo taona ny sasany.
?إنه لأمر مشجع للغاية أن نرى الأمهات والأخوات والبنات والزوجات وحتى الجدات البحرينيات يترأسن هذه الاحتجاجات السلمية اليوم. لطالما كان للمرأة البحرينية صوت قيادي وما زال لها صوتاً قيادياً في المطالبة بالعدالة وحقوق الإنسان في #البحرين [9]#أنقذوا_سجناء_البحرين [10]@ealsaegh [11] @Najahyusuf4 [12] pic.twitter.com/cRJkvaM52r [13]
— ADHRB (@ADHRB) April 2, 2021 [14]
Mampahery tokoa ny mahita reny, rahavavy, zanakavavy, vady ary koa renibe Bahrainita mitarika ireo fihetsiketsehana milamina ireo ankehitriny. Manana feo mitarika hatrany ny vehivavy Bahrainita ary mbola manana feo mahery amin'ny fitakiana ny fahamarinana sy ny zon'olombelona ao #Bahrain.
Nahazo vahana ny fihetsiketsehana taorian'ny vaovao nilaza fa nahitana fitomboana mararin'ny aretina COVID-19 ny fonja feno gadra ao Bahrain.
A fresh wave of protests is taking off in #Bahrain [2], centred around the outbreak of Covid in Jau Prison. Prisoners’ families are taking to the streets to voice their anger. Now’s a good time for the govt to release prisoners from the overcrowded, unsafe jail @jongambrellAP [15] https://t.co/awcewD0oU6 [16]
— Brian Dooley (@dooley_dooley) April 2, 2021 [17]
Misy hetsi-panoherana vaovao miainga any #Bahrain [2], mifototra manodidina ny fiparitahan'ny Covid ao amin'ny fonjan'i Jau. Nidina an-dalambe ny fianakavian'ireo voafonja haneho ny hatezerany. Fotoana mety izao hamotsaran'ny governemanta ireo gadra avy ao amin'ny fonja feno olona tsy azo antoka
Nanampy trotraka ny fihetsiketsehana ny fahafatesan'ilay mpikatroka iray nogadraina, maty noho ny tsi-firaharahiana ara-pahasalamana:
#Bahrain [2] : Funeral of activist Abbas Malallah who died in prison – with accusations from his supporters of medical negligence – his death has further fuelled recent protests calling for prisoners to be released because of #COVID19 [4] – #عباس_مال_الله [18] pic.twitter.com/cmNxJqQoff [19]
— sebastian usher (@sebusher) April 7, 2021 [20]
#Bahrain [2] : Fandevenana ilay mpikatroka Abbas Malallah izay maty tany am-ponja – ampangain'ny mpanohana azy fa noho ny tsy fitandremana ara-pahasalamana – vao mainka niteraka hetsi-panoherana vao haingana mitaky ny famotsorana ireo gadra noho ny #COVID19 [4] ny fahafatesany
Nilaza tamin'ny fanambarana [21] ny Ivon-toerana Bahrain ho an'ny Zo sy ny Demaokrasia (BIRD-ang) any Londra tamin'ny 28 Marsa, izay nitatitra momba ny fiparitahan'ny aretina COVID-19 ao amin'ny fonjan'i Bahrain fa ny vaovao naparitaky ny fianakavian'ireo voafonja tao amin'ny WhatsApp dia nilaza fa farafaharatsiny olona 55 avy ao amin'ny tranobe miisa 21 ao amin'ny Fonjan'i Jau no voaporofo fa tratran'ny COVID-19. Afaka nanamarina ny 30 tamin'ireo tranga ireo hatreto ny BIRD.
Amid a major COVID-19 outbreak at Jaw prison in Bahrain, authorities have failed to take sufficient protective measures they have not distributed face masks or hand sanitizer or offered regular testing to prisoners violating their rights to health https://t.co/VWMOrNdF4e [22]
— amnestypress (@amnestypress) April 9, 2021 [23]
Ao anatin'ny valan'aretina goavana COVID-19 ao amin'ny fonjan'i Jaw any Bahrain, tsy nahavita nandray fepetra fiarovana ampy ny manam-pahefana, tsy nizara aro-vava na fanadiovan-tanana na nanolotra fitsapana matetika ho an'ireo gadra, ka manitsakitsaka ny zon'izy ireo hanana fahasalamana
Hitan'i Bahrain fa niharatsy laharana izy amin'ny zon'olombelona satria sazin'ny fitondrana ireo mpiaro ny demaokrasia sy ny mpanohitra, nanagadra azy ireo any am-ponja feno olona, nanafoana ny zom-pirenenan'izy ireo, nandràra azy ireo tsy handray anjara ara-politika, ary nanidy ny sehatra misy azy ireo.
Vao tsy ela akory izay, sy ho fanoherana ny fihanaky ny areti-mandringana, mitombo hatrany ao amin'ny fanjakana Bahrainita ny tsindry iraisam-pirenena ho fanatsarana ny toerana momba ny zon'olombelona sy ho famotsorana ireo gadra politika, izay efa nigadra nandritra ny folo taona mahery ny sasany tamin'izy ireo .
Today I’m asking the #Bahrain [2] authorities to release Human Rights Defender Abdulhadi Al Khawaja from prison before his 60th birthday next week. He has been in jail for 10 years @bahdiplomatic [24] pic.twitter.com/rpWJ9BvCyH [25]
— Mary Lawlor UN Special Rapporteur HRDs (@MaryLawlorhrds) April 2, 2021 [26]
Androany aho dia mangataka amin'ny manampahefana ao #Bahrain [2] mba hamotsotra ilay mpiaro ny zon'olombelona Abdulhadi Al Khawaja any am-ponja alohan'ny tsingerin-taona faha-60 taonany amin'ny herinandro ambony. Nigadra nandritra ny 10 taona izy
Tamin'ny volana lasa, mpikambana 14 ao amin'ny Parlemanta Britanika no nitsikera ny governemantan'izy ireo noho ny fanohizany ny fanohanana ny fitondrana Bahrainita ary nanentana [27] ny minisitry ny raharaham-bahiny Dominic Raab mba hanao tsindry an'i Manama hamotsotra ireo gadra politika notazonina nandritra ny folo taona.
Nandray [28] fanapahan-kevitra ihany koa ny Parlemanta Eoropeana tamin'ny volana marsa nitaky ny famotsorana tsy misy hatak'andro sy fepetra an'i Abdulhadi Al-Khawaja, sy “ireo rehetra nigadra noho ny fampiharana am-pilaminana ny zon'izy ireo maneho hevitra, mivory am-pilaminana ary miditra mpikambana amina fikambanana.”
Tao anatin'ny toa valin'ity tsindry ity, ny 2 aprily, raha ny filazan'ny [29] masoivohom-baovao ofisialy, nahita ny manampahefana Bahrainita fa gadra 126 no afaka mahazo tombony amin'ny Dingan-dalàna sy Solom-panasaziana solony. Nanonona ny Lehiben'ny mpisolovava Chancellor Wael Boallay, nilaza ny tatitra fa tafakatra 3224 ny isan'ireo voaheloka hisitraka ny lalàna.
Manome safidy hafa amin'ny faharetan'ny sazy an-tranomaizina toy ny fanaraha-maso elektronika, ny famerana ny baiko ary ny fandraràna ny voaheloka tsy hiditra amin'ny toerana manokana ny lalàna, izay nolaniana tamin'ny taona 2018.
Tamin'ny tatitra [30] tamin'ny volana Janoary, nilaza ny Human Rights Watch fa “tena mampatahotra tanteraka ny fepetra ara-pahasalamana sy ara-pahadiovana tsy azo antoka ao amin'ireo fonja be olona ao Bahrain”, ary nampiany koa fa tsy mahazo fitsaboana sahaza [31] ireo gadra. Nanamarika ihany koa ny orina mpanaramaso fa ireo gadra 1 486 [32] navoakan'ny governemantan'i Bahrain tamin'ny volana martsa 2020 noho ny areti-mandringana dia tsy nahitana mpitarika mpanohitra, mpikatroka, mpanao gazety ary mpiaro ny zon'olombelona, ” izay maro amin'izy ireo no efa antitra sy/na mijaly noho ny aretina.”
Nitondra fahombiazana ho an'ny sasany ny fanerena anatiny sy manerantany.
Bahrain's oldest political prisoner, human rights activist Mohammed Hassan Jawad, has been released today after spending 10 years of his life behind bars.
Fantastic news for Jawad and his family (and hopefully a sign that more releases could be on the way). pic.twitter.com/JqNWTXYmgS [33]
— Daniel Wickham (@DanielWickham93) April 9, 2021 [34]
Navoaka androany ilay gadra politika tranainy indrindra tany Bahrain, mpikatroka ny zon'olombelona Mohammed Hassan Jawad, rehefa nandany ny fiainany tany am-ponja nandritra ny 10 taona.
Vaovao mahafinaritra ho an'i Jawad sy ny fianakaviany (ary antenaina ho fambara fa hisy famotsorana bebe kokoa ho avy).
Ho an'ny sasany, toa an'i Abdulhadi Al-Khawaja, mitohy ny ady.
Mpikambana roa ao amin'ny Parlemanta Eoropeana, Maria Arena sy Hannah Neumann, namoaka fanambarana iombonana [35] tamin'ny 8 aprily. Hoy ny vakin'ny fanambarana:
As Muslims around the world prepare to celebrate the holy month of Ramadan with family and with loved ones, we can but call on the authorities of Bahrain to show mercy to Mr Al-Khawaja by allowing him to reunite with his family.
Satria miomana hankalaza ny volana masina Ramadany miaraka amin'ny ankohonany sy ny havany ny Silamo manerantany, dia afaka miantso ny manampahefana ao Bahrain isika mba hamindra fo amin'Atoa Al-Khawaja amin'ny famelana azy hiaraka amin'ny fianakaviany.