Niteraka resabe momba ny zo ara-pananahana manerana an'i Amerika Latina ny fanaovana ho ara-dalàna ny fanalan-jaza [1] nanan-tantara tany Arzantina tamin'ny volana Desambra 2020. Hanenika iny faritra iny ve ny “onja maitso” any Arzantina, ary hitondra fanovana araka ny lalàna sy fihetsika manoloana ny fanalan-jaza ve izany?
Tamin'ny 9 Martsa no nandeha mivantana ity dinidinika mafana niresahana momba ity lohahevitra ity tamin'ny teny espaniola ary ilay toniandahatsoratra ao amin'ny Global Voices Amerika Latina Melissa Vida [2] no nandrindra izany ka ireto avy no nandray anjara:
- Anette Eklund, mpandika teny sady mpanangana votoaty, mpanao gazety, mpampianatra, mpikatroka ary mpisolo vava ho an'ny demokrasian'ny fiteny sy ny zon'olombelona; mpandray anjara ato amin'ny Global Voices [3] ihany koa .
- Vienna Herrera, mpanangom-baovao amin'ny haino vaky jery marolafy ho an'ny fampahalalam-baovao Contracorriente any Honduras, nifantoka amin'ny olana momba ny miralenta, ny zon'ny lahy sy ny vavy ary ny zo ara-pananahana, ny fitrandrahana ala, ny tontolo iainana ary ny rafi-pahefana; mpikambana ao amin'ny ekipan'ilay tetikasa “Land of Resistants” [Tanin'ny mpifandàna] ihany koa, tafakatra famaranana ho an'ny Premio Gabo 2020.
- Gabriela Mesones Rojo, Venezuelan journalist specializing in gender and human rights, editorial coordinator of Caracas Chronicles and Cinco8; also a contributor and researcher [4] on Global Voices’ Civic Media Observatory [5].
- Gabriela Mesones Rojo, mpanao gazety Venezoeliana manampahaizana manokana momba ny miralenta sy ny zon'olombelona, mpandrindra ny famoahan-dahatsoratra ao amin'ny Caracas Chronicles sy Cinco8; mpandray anjara sady mpikaroka [4] ao amin'ny Civic Media Observatory [5] an'ny Global Voices ihany koa.
- Giselle Carino, mpahay siansa ara-politika Arzantinianina sady mpikatroka, Tale Jeneralin'ny IPPFRHO (Federasiona Iraisampirenena ho an'ny Fandrindrana Ara-piterahana, Faritra Ilabolantany Andrefana), izay rafi-piainana ara-boajanahary feminista sy liam-pandrosoana ahitana fikambanana mpiara-miasa miisa 26 eo an-toerana, avy any atsimo ny ankamaroany. Ny iraka ataon'i Giselle dia ny hitondra fanovana sady ho mpitarika mahay mitaona hitondra fiovana mankany amin'ny fitovian'ny miralenta manerana ny Atsimo manontolo.