[1]Pika avy amin'ny horonantsarin'ny Biraon'ny Fanabeazana ao Hong Kong.
Manomboka amin'ny fahaenintaonany ny ankizy dia efa handray fanabeazana momba ny fiarovam-pirenena ao Hong Kong, araka ny torolalana [2] naelin'ny Biraon'ny Fanabeazan'ny tanàna ao amin'ireo sekoly an-toerana tamin'ny 5 Febroary.
Takian'ny torolalana, izay mitarika ny mpitantana sy ny mpampianatra ambony amin'ny fametrahana ny fanabeazana ny fiarovam-pirenena, ny mpampianatra amin'ny ambaratonga rehetra hampianatra ireo fandikan-dalàna mivoitra amin'ny lalànan'ny fiarovam-pirenena ao Hong Kong — ary tononona amin'izany ny fisintahana, ny fanohintohinana, asa fampihorohoroana, ary ny fifandraisan-tendro amin'ny hery vahiny.
Ny Andininy faha-10 amin'ny fiarovam-pirenena, nolaniana tamin'ny Jolay 2020 ho setrin'ny hetsika fanoherana fandefasana sinambotra [3] ho any Shina naharitra herintaona, no manery ny governemantan'i Hong Kong hampiroborobo ny fanabeazana ara-piarovampirenena any amin'ny sekoly, oniversite, ary amin'ny alalan'ny vondrona sivika (fanabeazana olompirenena) sy ny seha-baovao.
Tanisan'ny torolalana nivezivezy tamin'ny 5 febroary ihany koa ireo fandaharana tsy maintsy ianarana any an-tsekoly. Ohatra, ny hampianarana ny tsipika sivy [4] [sisintany ifandirana amin'ny firenenkafa] any amin'ny Jeografia, ny politikan'i Shina amin'ny fisorohana ireo areti-mifindra any amin'ny biolojia, ary ny fomba fihira mety amin'ny fihirana ny hiram-pirenena shinoa any amin'ny taranja hira. Voararan'ny torolalana ny andraisan'ny mpampianatra fomba fiadian-kevitra [mampisy adihevitra] rehefa mampianatra lalàna mifandraika amin'ny fiarovam-pirenena.
Nomena torolalana ihany koa ny mpitantana handrara boky, vakiteny na afisy politika izay mety hanohintohina ny fiarovam-pirenena tsy hivezivezy amin'ny faritry ny sekoly. Nilazana ihany koa ry zareo hitatitra [hitory] any amin'ny polisy raha miahiahy mpiasa na mpianatra nanitsakitsaka ny lalànan'ny fiarovam-pirenena. Napetraka ho ohatra amin'ny hetsika tsy manara-dalàna notononin'ny torolalana ny “fanaovana tohivakan'olombelona” sy ny “mihiaka teny tigetra” toy ny “Revolisionan'ny androntsika [5].”
Mihatra amin'ny sekolin'ny tsy miankina sy ny sekoly iraisampirenena ao Hong Kong ihany koa ny fitsipika, na tsy voatery hametraka tatitra isa-potoana any amin'ny Biraon'ny Fanabeazana tahaka ny sekolim-panjakana.
Namoaka horonantsary natao manokana ho an'ny mpianatra ao amin'ny fanabeazana fototra mifanaraka amin'ny toromarika vaovao ny Biraon'ny Fanabeazana :
Ametahan'ny mpiserasera maro anarana ao amin'ny media sosialy ho”fanasana atidoha” ny taranja vaovao:
According to CCP logic, holding hands, forming human chain, chanting banners, wearing accessories are “endangering national security”.
CCP is imposing a “brainwashing” type education system in HK and indoctrinating “patriotism” to HK students. https://t.co/rKx9eyPkuL [6]— Nick ? Fight for Freedom (@NickDemocracy) February 5, 2021 [7]
Araka ny fanjohin-kevitry ny AKS (CCP) “mampididoza ny fiarovam-pirenena” ny mifampitantana, manao rojo olombelona, mihiaka sora-baventy, mitafy kojakoja fanampiny. Manery hametrahana karazan-drafi-panabeazana “manasa atidoha” eto HK ny AKS ary manesika ny “fitiavan-tanindrazana” ho an'ny mpianatra HK.
Ao amin'ny Facebook, esoesoin'ny mpiserasera ny fandraràna hafatra ara-politika. Misy ireo fanehoan-kevitra ao amin'ny lahatsoratry ny pejy Facebook The Stand News [8] no miteny:
舉起張白紙都係顛覆國家語句
Ankehitriny azo adika ho fanakorontanana ny fitazonana taratasy tsy misy soratra
咁多野唔講得，你不如出返本禁語字典
Maninona moa ianareo raha mamoaka rakibolan'ny voambolana voasivana?
以後落雨返學，學生著黄色雨靴擔把黃色雨傘或黃雨衣都可以係罪？可以記過或踢出校？
Rahampitso rahafakampitso, raha mitondra aroorana na elo mavo any an-tsekoly ny mpianatra, mety ho voasazy ve ry zareo? Na ho voaroka any an-tsekoly?
Tamin'ny herintaona, nesorin'ny Biraon'ny Fanabeazana tao amin'ny fanadinana hiditra oniversite ny fianarana malalaka [liberaly] ary nosivaniny [9] ny lohahevitra tahaka ny “fisarahan'ny fahefana” ao amin'ny boky. Mpampianatra maro ny niady hevitra nandresy lahatra tamin'izany fotoana izany fa mandrisika ny mpianatra ny fianarana malalaka hampivelatra ny fisaina mitsikera.
Maneho hevitra amin'ny fironana ny mpisera Twitter Tin Fong Chak:
HK Edu bureau murdered Liberal Studies which was enhancing critical thinking but replace with political indoctrination on patriotism. More emphasizing China's positive development and national security. But not rule of laws and human rights issue.#NSL [10] #HongKong [11] #education [12] pic.twitter.com/g50OeqV1rk [13]
— TIN Fong Chak (@tinfc) February 2, 2021 [14]
Vonoin'ny biraon'ny fanabeazana HK ho faty ny Fampianarana Liberaly izay manamafy ny fieritreritra mahay mitsikera saingy soloina amin'ny fanasana atidoha ara-politika momba ny fitiavantanindrazana. Manasongadina kokoa ny fivoarana tsara an'i Shina sy ny fiarovam-pirenena. Fa tsy ny resaka fampanjakana ny lalàna sy ny zon'olombelona.
Ary ny mpisera @dc4_hk matahotra fa hoporetina ny fisainana mahaleotena:
China is trying to totally dominate the education of children. We can’t even think differently.https://t.co/xChMcDh4Af [15]
— DC4HK – Washingtonians Supporting Hong Kong ? (@dc4_hk) February 6, 2021 [16]
Miezaka hanjaka tanteraka amin'ny fitaozana ny ankizy i Shina. Tsy ho afaka mieritreritra amin'ny fomba hafa akory isika.