(Lahatsoratra tamin'ny volana Martsa 2020)

Sary avy amin'ny Diabe Aurat tany Lahore. Nahazoana alàlana.

Fanintelony nanomboka tamin'ny taona 2018, ny vondron'ny fikambanana feminista Pakistaney antsoina hoe Hum Aurtein (Vehivavy Izahay) no nikarakara ny Diabe Aurat (Diaben'ny vehivavy) mba hanamarihana ny Andro Iraisam-pirenena ho an'ny Vehivavy ny Alahady 8 Martsa 2020. Na dia teo aza ny fandrahonana nataon'ny vondrona hiringiriny mpandala fivavahana mba hanakorontanana ny hetsika dia tontosa tao anatin'ny fiarovana henjana ny diabe tamin'ity taona ity tao an-tanàndehiben'i Lahore, Karachi, Islamabad, Multan, Quetta, Peshawar ary Sukkur.

Vehivavy an'arivony maro, olona niova fananahana, ankizy ary lehilahy no nandray anjara  naneho ny fanohanany ary nanasongadina ny toe-javatra iainan'ny vehivavy, izay iharan'ny fampijaliana sy ny tsy rariny ary tsy manan-jo sosialy-politika sy ara-toekarena. Nitondra sora-baventy misy teny filamatra mitaky ny zo fototra nolavina tamin'izy ireo efa hatry ny ela ireo mpandray anjara.

Nisioka ny iray amin'ireo mpikarakara ny Diabe Aurat , Leena Ghani:

I am in awe and still unable to take it all in. Thank you Lahore for making @auratmarchlahore herstorical! This is what happens when womxn come together! You can’t stop us!!
It’s time you join us, as we march into a brave new world! Upwards and onwards! ❤✊?#AuratMarch2020 pic.twitter.com/cNsfkaCkos

— Leena #AuratMarch2020 (@Leena_Ghani) March 8, 2020

Gaga aho ary tena mbola tsy azoko mihitsy. Misaotra an'i Lahore tamin'ny nanaovana ny diabe aurat ho manan-tantara! Izany no mitranga rehefa miray hina ny vehivavy! Tsy azonareo sakanana izahay !!
Tonga ny fotoana hiarahanao aminay, rehefa miroso amin'ny tontolo vaovao feno fahasahiana isika! Mandroso miakatra hatrany!

Nizara ny sarin'ny rainy nandray anjara tao Islamabad nilanja sora-baventy manao hoe: “Ny zanako vavy, ny safidiny” i Sahar Tariq:

That’s my dad! #AuratMarch2020 #AuratAzadiMarch https://t.co/U3GoojZ6sW

— Sehar Tariq (@sehartariq) March 8, 2020

Izy no dadako !

Fiarahamonina anjakazakan'ny ray-lehilahy izay tsy amelana ny vehivavy hiteny amin'ny ankapobeny i Pakistan. Ho an'ny maro, ny Diabe Aurat no toerana azo antoka ahafahan'izy ireo maneho ny ahiahiny; na ny vondrom-piarahamonina niova fananahana aza dia mahatsapa fa afaka mizara ny zavatra niainany sy mitaky ny fiainana mendrika ho azy ireo.

Today I marched for all the victims of sexual violence and abuse. I stand with you. I remember you.

This shirt is handmade with markers to highlight the age range of the victims. #AuratMarch2020 #AuratMarchLahore pic.twitter.com/WS0uC4yiTr

— Javaria (@JavariaWaseem) March 8, 2020

Nanao diabe ho an'ireo niharan'ny herisetra ara-nofo sy ny fanararaotana aho androany. Mijoro miaraka aminareo aho. Tsaroako ianareo.

Nosoratana marker hanasongadinana ny vanintaonan'ny niharam-boina ity t-shirt ity.

Tamin'ity taona ity, niezaka mafy ireo antokom-pivavahana nanakorontana ny diabe ary nandrara izany mba tsy hisy intsony. Natao ny fanangonan-tsonia tao amin'ny Fitsarana Avo ao Lahore, Sindh ary Islamabad nanaovana fangatahana baiko hanoherana ny diabe sy ireo hetsika mifandraika amin'izany. Tsy nisy na iray aza tamin'ny fangatahana no neken'ny fitsarana. Tonga hatrany amin'ny fandrahonana mba hanafoanana ny diabe an-keriny i Maulana Fazl ur Rehman, filohan'ny ankolafy mpanohitra Jamiat Ulema-e-Islam (Filankevitry ny Manam-pahaizana Islamika).

Islamabad sy Karachi

Nisioka i Tooba Syed, mpikarakara ny hetsika ao Islamabad, hoe:

I have protested and demonstrated countless times in this city but never have I seen so many people from the city coming out for a cause. The women of Islamabad you were wonderful yesterday. Anyone who wants to continue building & organising. Get in touch! pic.twitter.com/kzKymnRiz8

— Tooba Syed AWP ☭ (@Tooba_Sd) March 9, 2020

Nanao fihetsiketsehana sy nilahatra imbetsaka teto amin'ity tanàndehibe ity aho fa mbola tsy nahita olona maro nivoaka handray anjara toy izany. Nahafinaritra ianareo vehivavy tao Islamabad omaly. Izay te hanohy hanangana sy hikarakara. Mifandraisa aminay!

Nitatitra ny fanafihana ny filaharana tao Islamabad nataon'ny mpikambana avy ao amin'ny antokom-pivavahana elatra ankavanana ihany koa i Syed:

This is how the attacked us. Before this point they were sending “laanat” on us and then made signs of wanting to inflict sexual violence on us. They already had stones & lathis on them! pic.twitter.com/mfQAy4tGEK

— Tooba Syed AWP ☭ (@Tooba_Sd) March 8, 2020

Izany no nanafihan'izy ireo anay. Nandefa “laanat” taminay izy ireo talohan'io fotoana io ary avy eo nikasa hanao herisetra ara-nofo aminay. Efa nisy vato sy kibay teny amin'izy ireo !

Nanohy i Syed:

Tell us again how Aurat March is a threat to this country. The threat comes from these rabid mullahs who are willing to injure and kill those who stand up peacefully for their rights. The attack on the Aurat March today in Islamabad is an affirmation of that threat. https://t.co/TcAGLyI6U9

— Imaan Zainab Mazari-Hazir (@ImaanZHazir) March 8, 2020

Lazao anay indray hoe nahoana no matahotra ny diabe Aurat ity firenena ity. Avy amin'ireo mullahs romotra izay nikasa handratra sy hamono ireo izay mijoro am-pilaminana hiaro ny zony ny fandrahonana. Manamafy izany fandrahonana izany ny fanafihana ny diabe Aurat androany tao Islamabad.

Nanatrika ny diabe tao Karachi i Dua Mangi, mpianatra lalàna 20 taona izay nalaina ankeriny tamin'ny volana Novambra 2020. Voatifitra ary naratra i Haris Fatah Soomro, ilay lehilahy namany niaraka tamin'i Mangi tamin'ny fotoana nitrangan'ilay tranga ary nalaina baraka noho ny fiarahany tamin'ity lehilahy namany ity i Mangi avy eo.

I was so happy! #DuaMangi and #Harris at #AuratAzadiMarch pic.twitter.com/4UJg7nSgJf

— Pooja what is this behavior? (@Obaid_Atique) March 8, 2020

Tena faly aho ! Tany amin'ny diabe Aurat tany Azadi i Dua Mangi sy Harris.

Sukkur

Diabe Aurat tao Sukkur. Sary avy amin'ny diabe Aurat tao Lahore. Nahazoana alàlana.

Nikarakara fivoriana ny vehivavy tao Sukkur andro iray talohan'izay ho fanoherana ny fandrahonana ataon'ny antoko ara-pivavahana, ary avy eo nanao ny diabe Aurat voalohany tao an-tanàndehibe tamin'ny 8 Martsa 2020.

Ao avaratr'i Sindh no misy an'i Sukkur, izay mazàna voataonan'ireo vondrom-pinoana mpandala ny nentin-drazana. Ny vehivavy ao amin'ity faritra ity dia mitafy burkas sy chaddars mba hanaronana ny vatany. Ny Diabe Aurat no karazany voalohany notontosaina tao Sukkur, izay ahitana ny herisetra mihatra amin'ny vehivavy betsaka.

Niresaka tamin'i Arfana Mallah, profesora sady mpikatroka avy any Sindh ny Global Voices, izay nilaza fa “nandrahona ny vehivavy tao Sukkur ny ankolafy ara-pinoana, ka maro no tsy nety nandray anjara tamin'ity fivoriana ity. Saingy nandray anjara tamin'ny Diabe Aurat ihany ireo vehivavy taorian'ny fanomezan-toky avy amin'ny polisy sy ny mpitantana. Voageja sy iharan'ny vono noho ny fanjakazakan'ny lehilahy hatry ny ela ka mila mivoaka ankehitriny hitaky ny zony ny vehivavy ao amin'ity faritra ity.”

Aurat March Sukkur giving us life with their joy ?????@g5UtON7MKYcxgBU pic.twitter.com/vNJUwTgQZa

— Aurat March – عورت مارچ (@AuratMarchKHI) March 7, 2020

Manome antsika fiainana ao anaty hafaliana ny Diabe Aurat tao Sukkur

Multan

Nanao ny Diabe Aurat voalohany ihany koa i Multan, tanàna manan-tantara ao Punjab atsimo. Na eo aza ny maha-tanàna mpandala ny nentin-drazana sy mitodika amin'ny fivavahana azy dia vehivavy marobe no nandray anjara tamin'ilay diabe ary nankalaza ny andro tamim-pahavitrihana, nilanja sora-baventy mba hanehoana ny fihetseham-po izay tsy nohenoina hatry ny ela. Nisy ny fifandonana madinidinika rehefa nisy lehilahy iray nanao teny mahery tamin'ny mpandray anjara, ka niafara tamin'ny fifamaliana izay nalamin'ny mpitandro ny filaminana.

So we were enjoying our march, didn’t abuse anyone, respected and followed all the rules devised by administration of multan but this man had the audacity to come and say that these women are “bayghairat” andhttps://t.co/KAh16OOTNa

— Laiba Jobless (@Laiba_Zainab) March 8, 2020

Nankafizinay ny diabenay noho izany, tsy nanararaotra na iza na iza, nanaja ary nanaraka ny lalàna rehetra napetraky ny mpitondra ao multan izahay saingy nanana fahasahiana nanantona ary niteny ity lehilahy ity fa “bayghairat” ireo vehivavy ireo

Fanoherana ny diabe

Mba hanoherana ny Diabe Aurat dia nisy vondrom-pivavahana sasany nikarakara ny Famoriam-bahoaka Haya (Fanetren-tena) tany Lahore, Gujranwala, Faisalabad ary Islamabad, mba hampandrosoana ny hevitra fa efa nanome hery ny vehivavy ny Islamo ary nilaza ny diabe Aurat ho hetsika vatsian'ny vahiny vola natao hanaratsiana an'i Pakistan sy hanasana ati-doha ny vehivavy.

Nisy ny vondron'olona nikarakara ny Diabe Mard (Diaben'ny Lehilahy), ary nikasa hiditra tao amin'ny kianjan'ny Diabe Aurat nilanja sora-baventy ho fanohanana ny mpanoratra tantara an-tsehatra Khalil ur Rehman Qamar, izay nifanasa vangy tamin'ilay vehivavy feminista mpamakafaka fanta-daza, Marvi Simid tao amin'ny fahitalavitra tamin'ny voalohandohan'ny volana Martsa.

Na izany aza, nanakana ireo lehilahy tsy hanakorontana ilay fivoriana ny mpitandro ny filaminana. Nisy ihany koa ny fikasana hanao Diabe Mard tamin'ny taona 2019, saingy tsy tanteraka izany.

After Aurat March, Mard March happened in Karachi.#Pakistan #AuratMarch #MardMarch #Karachi pic.twitter.com/tYc9Va9onI

— News99 (@News99P) March 12, 2019

Nisy ny Diabe Mard tao Karachi taorian'ny Diabe Aurat.