Tontolo Arabo: “Tsy miteny hoe Israely intsony izahay…”

(Lahatsoratra nivoaka tamin'ny volana Janoary 2009)

Tsy misy farany ny resabe momba ny ady ao Gaza. Nanjary lasa fampitandremana ho an'ireo tompon'andraikitra Israeliana ambony tsy handeha tany Eoropa noho ny tahotra sao hisy ny fitsarana ady heloka bevava ny fitakiana ny fanenjehana ireo tompon'andraikitra Israeliana sy ireo manamboninahitra noho ny heloka bevava tamin'ny ady. Ny hafa kosa mbola nilaza ihany fa fiarovan-tena no zava-nitranga nandritra ny herisetra nataon'ny Israeliana. Ny vondrom-piarahamonina an-tserasera Arabo, kivy sy sosotra noho ny habibiana nitranga sy ny fifandiran'ny fampitam-baovao izay mbola mitohy an-tserasera sy ivelan'ny Aterineto dia nanao fanentanana izay natombok'ity sioka manaraka ity (hafatra tao amin'ny sehatra famahanam-bilaogy madinika twitter):

Manazava ny hevitra ao ambadiky ny fanentanana hampiasa ny teny hoe Israhell i Alloush [ar] avy any Syria:

الواقع يقول أن إسرائيل في احتلالها للعرب ارتكبت أفظع المجازر وأقذر الأفعال التي شكلت معاناة انسانية حقيقية لهويتنا العربية، الواقعية تقول أنها Israhell وليس Israel، ما هي الترجمة الأصح لهذا المصطلح الجديد، هل نقول إسراحيم [إسرائيل+جحيم]، أم إسرارير [إسرائيل+شرير]، أم نلتزم بـ إسراهل، ربما كيان الجحيم أفضل ترجمة.

Milaza ny zava-misy fa nanao heloka bevava mampivarahontsana sy fihetsika mahatsiravina indrindra i Isiraely tamin'ny fibodoana ny tany Arabo, ary tena nampihozongozona ny mari-panondroana anay Arabo izany. Milaza ny zava-misy fa Israhell io fa tsy Israely. Inona no fandikan-teny tsara indrindra amin'ity teny vaovao ity? Tokony hiteny ve isika hoe Israhell (Israel+Hell na afobe) sa Isravil (Israel+Evil na devoly) ? Angamba ny Fikambanan'ny Afobe no dikanteny tsara indrindra ho amin'izany.

Avy amin'ilay tranonkalan'ny zavakanto malaza DeviantArt nataon'ilay mpamorona modely Alzeriana Hamoud ny sarin'ny fanentanana .

Nahasarika fanehoankevitra marobe avy amin'ny olona amin'ny ankolafy roa ilay sary modely. Ilay mpisera tao amin'ny DeviantArt ~Arkangel-Wulf niaro ny ankolafy Israeliana nilaza hoe:

Your thoughts and opinions are your own. But this is not an appropriate place to voice these opinions. Freedom of speech is only just until it's used to hurt others. Not all of Israel is behind their militarist's decisions. Don't scorn an entire country for the actions of a few.

Manana ny eritreritrao sy ny hevitrao ianao. Saingy tsy toerana natao hampielezana ireo hevitra ireo eto. Tsara ny fahalalahana maneho hevitra rehefa tsy mandratra ny hafa. Tsy ny Isiraely rehetra no ao ambadiky ny fanapaha-kevitr'ireo miaramila. Aza maniratsira ny firenena iray manontolo noho ny fihetsiky ny olom-bitsy.

Nisy hetsika iray hafa ihany koa hita an-tserasera – Rakipahalalana momba ny Fanimbazimbana ny maha-olombelona nataon'i Israely [ar / en] – izay ezaka fiaraha-miasa teo amin'ny bilaogera Syriana, Egyptiana ary Saodiana nandrakitra ny fahombiazan'ny fanentanana:

we got IsraHell about 40.000 result 6 days ago

2 days ago we were about 102.00

now we are about 117.000

40.000 teo no vokatry ny fikarohana ny teny IsraHell 6 andro lasa izay

102.00[0] teo ho eo 2 andro lasa izay

117.000 izany ankehitriny

Tamin'ny 15 Janoary 2009 no nanoratana ny lahatsoratra. Nahitana vokatra fikarohana miisa 127 000 tamin'ny fotoana nanoratana ity lahatsoratra ity.

Raha naato ny fanafihan'ny tafika dia tsy mbola misy mahalala hoe hafiriana ny faharetan'ny fampiatoana ny fifandonana sy ny hoe rahoviana indray no hanomboka ny afobe.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.