Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Gana fingotra amin'ny hetsi-panoherana thailandey mampisy firaisankina sy sary-sy-soratra

Gana fingotra tsy mety rendrika nentin'ny mpanao fihetsiketsehana tao amin'ny barazy fihaonan-dalan'i Kiak Kai nentina nanaovana ampinga amin'ny tifitra tafondron-drano. Saripika avy amin'i Prachatai, mpiara-miombona antoka amin'ny Global Voices

Lasa zava-tandrovina vaovao ao amin'ny hetsika ho amin'ny demaokrasia thailandey indray ankehitriny ny gana fingotra raha nampiasa azy ireny ho ampinga fiarovana amin'ny tifitra tafondron-drano nalefan'ny polisy ny mpanao fihetsiketsehana tamin'ny 17 novambra. Mbola nampiasaina indray ny gana fingotra ny ampitso nandritra ny fivoriana manameloka ny herisetran'ny polisy.

Nalaza haingana dia haingana ny sarin'ireo gana fingotra voafendraka tsora miloko volomparasy avy amin'ny rano nampiasaina tamin'ny tafondro, niteraka sary-sy-soratra (memes) sy hafatra firaisankina avy amin'ny mpikatroka, artista ary mpisera aterineto ao Thailandy sy any Hong Kong sy Taiwan ihany koa.

Nomanina ny fivoriana tamin'ny 17 novambra teo akaikin'ny parlemanta hanosehana ho amin'ny fanitsiana ara-dalampanorenana, izay iray amin'ny fitakian'ny hetsika tarihan'ny tanora. Ny fitakiana roa hafa indray dia ahitana ny volavolan-kevitra hisian'ny fanitsiana amin'ny fitondram-panjaka sy ny famaranana ny fanenjehana ireo mpitsikera ny governemanta tohanan'ny miaramila.

Prachatai, tranokalam-baovao iray tsy miankina ary mpiara-miasa amin'ny Global Voices ara-botoaty, nanome fanazavana tamin'ny fomba nahatongavan'ireo ganagana ho ‘maherifo’ tamin'ny 17 Novambra

At 16.00, on Samsen Road, in front of the Boon Rawd Brewery Co, Ltd, the police fired water cannons and tear gas at the protesters again, while protesters at the Kiak Kai Intersection brought in the giant inflatable ducks, nicknamed “the navy” and previously intended as a mockery of the government, to be used as shields against the water cannon.

 Tamin'ny 16.00, teny amin'ny lalana Samsen, manoloana ny Boon Rawd Brewery Co, Ltd, notifirin'ny polisy tamin'ny tafondron-drano sy baomba mandatsa-dranomaso ireo mpanao fihetsiketsehana, raha nitondra ganagana maro abontsina, izay nantsoina hoe “tafika an-dranomasina” sy natao ho fanesoana ny governemanta, ny mpanao fihetsiketsehana tao amin'ny fihaonan-dalan'ny Kiak Kai. Nampiasaina ireo ho ampinga miaro amin'ny tafondro rano.

Nanoratra ho an'ny Thai Enquirer, nitantara ny zava-nitranga tamin'io andro io ihany koa i Jasmine Chia:

Huge, yellow, inflatable, the rubber ducks were pushed to the front and took on the brunt of the water cannons. Few knew where they came from. But all witnessed their heroism: protesters, veiled with thin green plastic rain jackets, ducked behind the ducks as wave after wave of chemicals hit the protesters. Afterward, pictures were disseminated in the press: of the rubber ducks, slightly deflated, stained purple but still smiling.

Goavana, mavo, abontsina, natosika ho any aloha ireo gana fingotra ary nanandrina tafondron-drano. Vitsy no mahalala hoe avy aiza izy ireo. Saingy nanatri-maso ny herim-pon'ireny ny rehetra: mpanao fihetsiketsehana, nisarona akanjo aro orana plastika miloko maitso, niafina tao ambadiky ny ganagana isaky ny nisy tsora simika namely ireo mpanao fihetsiketsehana. Taorian'izay dia niparitaka tamin'ny gazety ny sary:ganagana fingotra, miha-kely (vaky), nisy tasy loko volomparasy saingy mbola mitsiky ihany.

Fihetsiketsehana ao Thailandy – Ganagana fingotra maro manohitra ireo tafondron-drano

Nanoratra ny antony nitondran'ireo mpanao fihetsiketsehana ny ganagana fingotra tany amin'ny hetsi-panoherana ihany koa i Jasmine Chia:

The image of Thai authorities, armed to the teeth with riot gear and shields, facing off against…rubber ducks…highlights the sheer asymmetry of the battle between protester and state.

In many ways, the yellow duck captures what is so brave about some of today’s protesters: that they are engaging the powers that be without force.

Ny sarin'ny manampahefana Thailandey, nirongo fitaovam-piadiana sy ampinga, mifanandrina amin'ny…ganagana fingotra… manasongadina ny tsy fitoviana eo amin'ny mpanohitra sy ny fanjakana.

Amin'ny lafiny maro, ny ganagana mavo dia maneho izay tena sahy amin'ireo mpanao fihetsiketsehana sasany amin'izao fotoana: mampirotsaka ireo manana ny hery ry zareo fa tsy misy hery.

Nampiasaina indray ny ganagana nandritra ny fihetsiketseham-pahatafintohinana ny 18 Novambra:

Mila jerentsika izay anjara asan'ireto gana ireto anio. Tamin'ny fihetsiketsehana omaly dia nampiasain'ireo mpanao fihetsiketsehana lohalaharana ho ampinga hanoherana ny tafondron-drano sy ireo toraka ataon'ireo mpanandratra ny mpanjaka manohitra ny mpanao fihetsiketsehana ireo. # ม็อบ 18 พ ฤ ศ จิ กา #Thailand #KE #WhatsHappeninglnThailand pic.twitter.com/7FCXEr2iCI

Mailaka ny artista sy ny mpisera aterineto hankalaza ny fisandratan'ny gana fingotra ho zava-tandrovin'ny hetsi-panoherana:

Miangavy modia am-pilaminana. Ho lava ny tolona ary tsy hihemotra isika.

Indro ny fanazavana ny gana fingotra ho aro ho an'ny tanora mpikatroka:

Olombelona izahay

Asongadin'ity endrika tantara an-tsary Star Wars politika ity ny fihaikàn'ny gana fingotra ny “ampiran'ny miaramila”:

Firaisankina avy amin'ny #MilkTeaAlliance

Misy ireo paositra firaisankina ifampizaran'ireo mpanohana ny Fiarahana Ronono Dite (Milk Tea Alliance), tambajotran'ny mpikatroka ho amin'ny demaokrasia avy ao Thailandy, Hong Kong ary Taiwan tsy ara-drafitra.

Midera ny fahasahian'ireo Thailandey mpikatroka sy ny fahaiza-mamorona nampiasa ny gana fingotra ilay tanora mpikatroka manana ny lazany avy ao Hong Kong antsoina hoe Joshua Wong:

Ankoatra ny herisetran'ny polisy, tokony itodihan'izao tontolo izao ihany koa ny fahaiza-mamorona ananan'ireo Thailandey mpanao fihetsiketsehana. Ity angamba ny toerana voalohany ampiasan'ireo olom-pirenena tsy manana ny hery sy tanjaka ny gana fingotra hiadiana amin'ny tsirefesimandidy.
Mandresy ny fahaiza-mamorona.
Ho ela velona ny gana fingotra.

Mpikatroka iray hafa avy ao Hong Kong nanao ity zavakanto nakana aingam-panahy avy amin'i Hokusai ity, izay manasongadina ireo gana fingotra misosa amin'ny ‘onja goavana':

Apetrako eto ity ho fanomezam-boninahitra ireo namana Thailandey noho ny adin-dry zareo hisian'ny fahafahana sy ny demaokrasia.

Artista shinoa sady mpikatroka monina ao Aostralia antsoina hoe Badiucao namoaka ireto sioka ireto ho fanohanana ny Thailandey mpanao fihetsiketsehana:

Amin'ny gana fingotra, matoky izahay!
Fahaiza-manohana ny fiarahana amin'ny demaokrasia
Tandrovy ny ady tsara ary mba tsy hisy haninona ny rehetra.

1 ) Fahaiza-manohana ny hetsika fanohanana ny demaokrasia ao Thailandy.
Nampiasain'ny tanora mpianatra manao fihetsiketsehana ireo gana fingotra goavana hiarovan-dry zareo ny tenan-dry zareo amin'ny fanafihan'ny polisy amin'ny tafondron-drano. Izany no mahatonga ny kisoritsoritra.

Ary farany, misy laonam-piraisankina notontosain'ny mpikatroka ao Taiwan:

Mitranga ao Taiwan amin'izao fotoana izao, eo anoloan'ny Ôfisin'ny Varotra sy Toekarena Thailandy, ny lanonam-piraisankina ho fanohanana ny Thailandey.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.