(Lahatsoratra nivoaka tamin'ny volana Martsa 2016)

Tondro mampiseho ny Fandeferana aty Afrika. Sary nahazoana alàlana.

Natao tao an-tanàndehiben'i Maputo, nandritra ny Andro Lavitra Fanavakavahana (01.03), nanomboka tamin'ny fakan-kevitra nataon'ny Afrobarometatra mampiseho ny “Fahaleferana aty Afrika” ny famoahana ireo firaketana mampiseho ny tondrom-pandeferana aty Afrika. Toy izany koa no natao tany amin'ny firenena Afrikana miisa 33, ho an'ny olona miisa 2.400 ananana taham-pitokisana 95%.

Mifototra amin'ny tondro izay mametraka ny fanabeazana, ny fahakaikezana ary ny fiharihariana ao amin'ny media sosialy ho mpamelona ny fampiroboroboana ny fandeferana bebe kokoa aty amin'ny kaontinanta Afrikana ity firaketana ity.

Amin'ireo firenena miisa 33, asehon'ny Afrikana mpiserasera ny fahaleferana be amin'ireo olona avy avy amin'ny foko samihafa (91%), olona samihafa finoana (87%), mpifindra monina (81%) ary olona mitondra ny tsimokaretina VIH / SIDA. (68%). Tsy hita ao anaty lisitra ireo Firenena miteny Paortiogey, Angola, Guinea-Bissau ary Guinea Ekoatorialy:

Cape Verde, S. Africa & Mozambique express the high tolerance to homosexuals https://t.co/ELrXh8j5xE #VoicesAfrica pic.twitter.com/i0ZEeHNMIx

— Afrobarometer (@afrobarometer) 1 de março de 2016

Mampiseho ny fandeferany lehibe amin'ny fahapelahana i Cap Vert, Afrika Atsimo ary Mozambika.

Inona ny Afrobarometatra ?

Tambajotra-pikarohana Pan-Afrikana tsy mitanila izay manao fikarohana momba ny fomba fijerin'ny vahoaka mikasika ny demokrasia, ny fitantanam-panjakana, ny raharaha ara-toekarena sy ny olana mifandraika amin'izany ao amin'ny firenena miisa 30 mahery aty Afrika ny Afrobarometatra. Misy amin'ny teny Anglisy, Frantsay ary Portiogey ny tatitra mitondra ny lohateny hoe “Mpifanila vodirindrina mahafinaritra? Maneho fandeferana ambony ho an'ny maro, fa tsy ho an'ny rehetra ny Afrikana”.

Moçambique é parte de 4 países onde a maioria diz que gostaria ou não se importaria de ter vizinhos homossexuais. #VoicesAfrica

— Lambda Moçambique (@lambdaMoz) 1 de março de 2016

I Mozambika dia ao anatin'ny firenena 4 izay ahitana olona maro milaza fa tian'izy ireo na tsy mampaninona azy ireo raha manana pelaka mpiray vodirindrina aminy izy ireo.