Fetiben'ny jiro hanomezam-boninahitra ireo olona novonoin'ny borigadin'ny polisy SARS, Lagos, Nizeria, 17 Oktobra 2020. Sary nozaraina betsaka tao amin'ny Twitter niaraka tamin'ny hetsika #EndSARS (Ravao ny SARS).

Raha mbola nitohy nanerana an'i Nizeria ny fihetsiketsehana #EndSARS (Ravao ny SARS) dia nitohy toy izany koa ny herisetra ataon'ny polisy.

Nanomboka tao amin'ny Twitter ny hetsika #EndSARS ho fitarainana manohitra ny Borigady Manokana Miady amin'ny Fandrobana an'ny Polisy Nizeriana (SARS), izay nivadika ho fidinana an-dalambe taty aoriana rehefa nitarika hetsi-panoherana ny tanora Nizeriana efa ho 10 andro izao.

Nanapa-kevitra hikarakara ny fetiben'ny jiro ireo mpanao fihetsiketsehana ho fanomezam-boninahitra ireo maherifo namoy ny ainy noho ny herisetra ataon'ny polisy. Olona maherin'ny 100 no voalaza fa novonoin'ny SARS tao anatin'ny efatra ka hatramin'ny dimy taona, hoy ny Amnesty International.

Candle light vigil by #EndSARS protesters for those killed. pic.twitter.com/SDYes2Kdnt

— Ōkwóchè (@okwoche) October 16, 2020

Fiaretan-tory mandrehitra labozia nataon'ny mpanao fihetsiketsehana #EndSARS ho an'ireo novonoina.

Niaina fotoana nampihetsi-po tokoa ny firenena tamin'ny 7 ora hariva tany Nizeria ny zoma 17 Oktobra lasa teo, satria maro ny mpanao fihetsiketsehana nivory tamin'ny fetiben'ny jiro tao an-drenivohitra federalin'ny firenena, Abuja, sy tany Port-Harcourt, renivohitry ny fanjakan'ny River ihany koa ary tany amin'ireo tanàn-dehibe hafa manerana ny firenena.

Tao amin'ny vavahadin'ny Lekki any Lagos, ohatra dia tsy tambo isaina ny isan'ireo mpanao fihetsiketsehana.

Lekki Toll Gate last night. This is REALLY HAPPENING. We must join the #EndSARS movement and support however we can!!!! pic.twitter.com/MZscqzT4Zv

— No Signal (@theresnosignall) October 17, 2020

Ny vavahadin'ny Lekki omaly alina. TENA NITRANGA izany. Tokony hamonjy ny hetsika #EndSARS isika ary hanohana araka izay azo atao.

#EndSARS #EndPoliceBrutalityinNigeria #FestivalOfLights #Abuja pic.twitter.com/kpfE0528LC

— Don Blazito Fischeti (@blazeotokpa) October 17, 2020

Ravao ny SARS-Farano ny Herisetran'ny Polisy ao Nizeria-Fetiben'ny Jiro-Abuja

Notantaraina tao amin'ny fetiben'ny jiro tao Abuja ny tantaran'ny iray tamin'ireo namoy ny ainy noho ny herisetra nataon'ny polisy – tanora iray antsoina hoe Chijoke Iloanya, 20 taona. Nahavaky fo ny fijoroana vavolombelona tamin'ny fijaliana nahazo azy ary nahatonga fahanginana naharitra. Nanohina ny fon'ny mpanao fihetsiketsehana izany amin'ny maha-olombelona.

Listen to Chijioke’s story. Feom Festival of Lights, Abuja: held in honour of the ones we’ve lost.?#EndSARS
PART 1 pic.twitter.com/ROqGeOIvDb

— Salem ♕♕ (@salemkinging) October 16, 2020

Henoy ny tantaran'i Chijioke. Mivantana avy any amin'ny Fetiben'ny Jiro, Abuja: natao ho fanomezam-boninahitra ireo izay nandao antsika.

Voalaza fa novonoin'ny Lehiben'ny Borigadin'ny Polisy James Nwofor tamin'ny 2012 i Iloanya. Voalaza fa nilaza tamin'ny renin'ity niharan-doza ity i Nwofor fa hamono ny zanany lahy izy ary tsy hisy na inona na inona hitranga amin'izany.

Mitaky ny rariny ho an'i Iloanya ireo mpanao fihetsiketsehana izay mbola tsy nanaovana famotopotorana na notsaraina ny famonoana azy.

Nanokatra kaonty Twitter ireo mpanao fihetsiketsehana mba hanarahana ny fetin'ny jiro manerana ny firenena:

We were Happy That Our Dream is coming to reality, we worked hard for this, we Will not Stop the fight. We Lost Innocent Lives to The Hands of Brutal Men. Justice Will Be served. We Keep The Change Alive ✊??…#SARSMUSTEND #EndSARS #EndSWAT https://t.co/y2vgPO9AlI

— Festival Of Lights (#EndSARS) (@FOL_EndSars) October 17, 2020

Faly izahay fa tanteraka ny nofinay, niasa mafy izahay tamin'izany, tsy hatsahatray ny tolona. Namoy aina tsy manan-tsiny izahay teo ampelan-tànan'ny lehilahy mahery setra. Ho hampiharina ny fitsarana. Ataonay izay hampaharitra ny fanovana.

Alimbe taorian'ny lahateny nataon'ny Talen'ny Kabinetra tao amin'ny Fanjakan'ny Lagos, nandohalika ny mpanao fihetsiketsehana rehefa nandeha ny hiram-pirenena tao Lagos, Nizeria, 8 Oktobra 2020. Saripikan'i TobiJamesCandids tao amin'ny Wikimedia CC.BY.4.0.

Fanavaozana haingana ny rafitry ny polisy

Mitaky fandraisana andraikitra avy amin'ny governemanta ny mpanao fihetsiketsehana amin'ny ankapobeny fa tsy teny sy fampanantenana fotsiny. Nivoady izy ireo fa tsy hiala eny an'arabe raha tsy mivaly ny hetahetany dimy lehibe, antsoina hoe  #5for5 [5hoan'ny5]:

The demands #EndSARS #EndSarsNow pic.twitter.com/SHEYENsTZR

— Asa (@Asa_official) October 11, 2020

Ireo fitakiana Ravao ny SARS-Ravao haingana ny SARS

Vokatr'izany, nanangana vaomieran'ny filoham-pirenena ny governemanta federaly hanavao ny rafitry ny polisy, ary namoaka fanapahan-kevitra maro hamaliana ny fitakian'ny mpanao fihetsiketsehana tao anatin'ny andro vitsivitsy.

Nanamafy tao amin'ny Twitter ny fankatoavan'ny filoha sy ny fanekeny ny vaomiera ary ny fahavononany hamaly ny fitakian'ireo mpanao fihetsiketsehana i Bashir Ahmad, ilay mpanampy manokana ao amin'ny media vaovaon'ny filoha Buhari:

JUST IN: The Presidential Panel on Police reforms swings into action, okays #5for5 demand of #EndSARS protesters.

Read details blow and kindly share. pic.twitter.com/QTxnxX5WVt

— Bashir Ahmad (@BashirAhmaad) October 13, 2020

VAOVAO FARANY: Nihetsika ny vaomieran'ny filoham-pirenena misahana ny fanavaozana ny rafitry ny polisy, nekena ny fangatahan'ny mpanao fihetsiketsehana 5 ho an'ny 5.

Vakio ny antsipiriany etsy ambany ary miangavy mba zarao

Nilaza ihany koa ny vaomieran'ny filoham-pirenena fa horoahina ny mpikambana miisa 37 ao amin'ny Borigady Manokana Miady amin'ny Fandrobana noho ny fitondran-tena tsy mendrika sy ny olona miisa 24 hafa izay henjehina noho ny fanitsakitsahana ny zon'olombelona isankarazany.

Nandritra ny fivorian'ny filankevi-pirenena mpanatanteraka ny Alakamisy izay notarihin'ny filoha lefitra Yemi Osinbajo dia nanolo-kevitra fa tokony hametraka ny Vaomiera misahana ny Fanadihadiana Ara-pitsarana ny governoran'ny fanjakana tsirairay avy mba hanao fanadihadiana momba ny herisetran'ny polisy ao amin'ny fanjakàn'izy ireo.

Na izany aza, tsy nanaiky izany sosokevitra izany ny governoran'ny Fanjakana River, Nyesom Wike, tamin'ny filazana fa nanjavona fotsiny tsotra izao ireo ezaka teo aloha izay tsy nampiharina mihitsy kanefa nampiasana ny volan'ny mpandoa hetra tamin'ny fanaovana fanadihadiana.