Sehatra an-tserasera manasongadina ny fameperana ataon'ireo mpanome tolotra aterineto any Tanzania, 27 Oktobra 2020. Sary tao amin'ny NetBlocks.org.

Tamin'ny volana Aogositra lasa teo, nahita ireo mpikatroka ny zo nomerika fa mety hametra ny tolotra aterineto i Tanzania – indrindra ireo sehatra media sosialy malaza – mialoha ny fifidianana ankapobeny fantatra fa atao amin'ny 28 Oktobra.

Azo antoka, fa tao anatin'ny 24 ora monja mialoha ny androm-pifidianana, nitatitra  ireo mpiserasera ao Tanzania sy ireo nosy mizaka tena ampahany ao Zanzibar fa voafetra ny fidirana amin'ny tolotra aterineto, anisan'izany ireo sehatra media sosialy toa ny WhatsApp, Facebook ary Twitter.

VAKIO BEBE KOKOA: Manoratra ho amin'ny fahalalahana: Zo politika sy nomerika any Afrika

Tamin'ny alin'ny fifidianana, nanamafy ny fihenana niniana natao tamin'ny aterineto fantatra amin'ny anarana hoe “throttling” ny Netblocks:

Confirmed: Widespread disruption to social media registered across #Tanzania on eve of elections; high impact to Twitter, WhatsApp, Instagram and Google services on Vodacom, Airtel, Tigo, Halotel and Zantel; incident ongoing ? #TanzaniaElections2020

? https://t.co/LEIpXAlEhf pic.twitter.com/2WRsPSZ2VU

— NetBlocks.org (@netblocks) October 27, 2020

Voamarina:Hita manerana an'i #Tanzania tamin'ny alin'ny fifidianana ny fanakorontanana mielipatrana tao amin'ny media sosialy; misy akony lehibe tamin'ny tolotra Twitter, WhatsApp, Instagram ary Google sy tao ao amin'ny Vodacom, Airtel, Tigo, Halotel ary Zantel; mitohy ny tranga

Nahatonga ny olona an-tapitrisany tsy nanana aterineto azo antoka hifandraisana amin'ireo namana sy fianakaviana ny tolotra voafetra, ary miezaka mafy hahazoana tambajotra tsy miankina virtoaly (VPN) hidirana amin'ny aterineto:

Internet restrictions in #ZanzibarLivesMatter #ZanzibarLivesMatters #ZanzibarLivesMatter #ZanzibarLivesMatters are real. Numerous friends, colleagues, contacts currently unable to reply to my messages and finding alternatives through people with functioning vpns to communicate. #ZanzibarLivesMatter #ZanzibarLivesMatters

— Franziska Fay (@Franziska_Fay) October 27, 2020

Tena misy ny famerana ny aterineto ao #ZanzibarLivesMatter #ZanzibarLivesMatters. Namana, mpiara-miasa, olom-pantatra marobe ankehitriny no tsy afaka mamaly ny hafatro ary mitady fomba hafa amin'ny alàlan'ny olona manana vpns miasa mba hifandraisana. #ZanzibarLivesMatter #ZanzibarLivesMatters

Nangataka tamin'ny TCRA i Tuno Nassoro mba tsy hamono ny aterineto:

Internet imeanza kusumbua karibu wiki sasa please @TCRA_Tz tunaomba msituzimie tuna mawasiliano mengi muhimu na kuna maisha mengine yanafuata baada ya kesho. @ZainaFoundation.#KeepItOnTz

— Tunu Nassoro (@tunu_nassoro) October 27, 2020

Nanomboka nikorontana ny aterineto nandritra ny herinandro iray lasa izay. Azafady @TCRA_TZ miangavy anao izahay, aza vonoina ny aterineto. Manana fifandraisana manan-danja maro isika ary misy fiainana hafa manaraka aorian'ny rahampitso.

Nisioka ny fanambarany momba ny zava-nitranga ny Twitter Public Policy

Ahead of tomorrow's election in #Tanzania, we're seeing some blocking and throttling of Twitter. #TanzaniaDecides2020

Internet shutdowns are hugely harmful, and violate basic human rights and the principles of the #OpenInternet #KeepItOn https://t.co/Q2SJfsFUiD

— Twitter Public Policy (@Policy) October 27, 2020

Mialoha ny fifidianana rahampitso ao #Tanzania, mahita ny fanakanana sy fangejana ny Twitter izahay

Mampidi-doza tanteraka ny fanakatonana ny aterineto ary manitsakitsaka ny zon'olombelona fototra sy ny fitsipiky ny #OpenInternet #KeepItOn

Araka ny filazan'ny Paradigm Initiative, tsy manana fahefana hanidy tanteraka ny aterineto ny governemanta Tanzaniana. Saingy manome fahefana ny Fahefana Mpanara-maso ny Fifandraisana Tanzania (TCRA) ny Lalànan'ny Fifandraisana Elektronika sy Paositra (Votoaty Antserasera) 2020 mba hanome baiko ireo mpamatsy tolotra hanakana na hanivana votoaty raha heverin'ny TCRA fa voaràra ilay votoaty, hoy ny mpiaro ny zon'olombelona,” araka ny filazan'ilay mpisolovava Daniel Marari.

Tamin'ny 21 Oktobra, nanome toromarika ireo orinasam-pifandraisan-davitra ny TCRA mba “hampiato ny SMS faobe sy ny antso an-tariby faobe” mandritra ny roa herinandro izay mifanandrify amin'ny fifidianana ankapobeny, voalaza fa manivana ireo teny faneva sy ny anaran'ireo kandidà mpanohitra sasany:

#Tanzania orders telecoms to temporarily suspend bulk SMS and bulk voice calls from Oct 24 to Nov 11, 2020 ahead of Oct 28 general elections. There are reports that names of opposition leaders; Tundu Lissu, Maalim Saif can't go through. #TanzaniaElections2020 #TanzaniaDecides pic.twitter.com/NoVoISi1dt

— The Observer (@observerug) October 26, 2020

Mandidy ny fifandraisan-davitra hampiato vonjimaika ny SMS faobe sy ny antso an-tariby faobe manomboka ny 24 Oktobra hatramin'ny 11 Nov 2020 mialoha ny fifidianana amin'ny 28 Okt i #Tanzania. Misy ny tatitra milaza fa tsy hita ny anaran'ireo mpitarika mpanohitra; Tundu Lissu, Maalim Saif.

Nilaza ny taratasy nosoniavin'i Eng Jame Kilaba, tale jeneralin'ny TCRA, fa “mety hanohintohina ny filaminana sy ny fiarovam-pirenena ny fitohizan'ny tolotra mandritra ny fotoam-pifidianana”, hoy ny The Observer.

Access Now niantso izany ho “fanitsakitsahana henjana ny zon'olombelona”:

BREAKING: Tanzania's government has ordered telcos to block bulk SMS messages and filter particular content relating to the presidential election.

The election is this Wednesday.

People will not be able to communicate. This is a severe breach of human rights. #KeepitOn

— Access Now (@accessnow) October 24, 2020

VAOVAO MAFANA: Nandidy ny telcos ny governemantan'i Tanzania mba hanakana ny hafatra SMS faobe sy hanivana votoaty manokana mifandraika amin'ny fifidianana filoham-pirenena.

Ny alarobia izao ny fifidianana.

Tsy ho afaka hifampiresaka ny olona. Fanitsakitsahana mafy ny zon'olombelona ity.#KeepitOn

Mialoha ny fifidianana ankapobeny rahampitso, nanara-maso ny mety ho fanakatonana aterineto any Tanzania nanomboka ny volana aprily ny Zaina Foundation, ary nanomboka fanentanana Twitter antsoina hoe #KeepItOnTz.

Ampahany amin'ny fironana lehibe kokoa manerana an'i Afrika izay safidian'ny governemanta mba hitsabahana ny zon'ny mpiserasera ho an'ny fahalalahana maneho hevitra ny hetsika famerana ny tolotra aterineto ao Tanzania — indrindra mandritra ireo hetsika misy dikany ara-politika lehibe.