Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Ekoatora: Vehivavy manandrana mivarotra ny maha-virjiny azy ho an'izay sahy ambony indrindra tany Espaina

(Fanamarihana: lahatsoratra anglisy nivoaka tamin'ny Jolay 2009 .  Amin'ny fiteny Espaniôla ny rohy rehetra raha tsy asiana fanamarihana manokana)

Niteraka resabe tany Ekoatora ny fanapahankevitry ny tovovavy iray mpifindramonina mipetraka ao Valence, Espaina, hivarotra amin'izay mahasahy lafo indrindra ny maha-virjiny azy. Izao no ataony dia mba hahafahany manampy ny fikarakaràna ara-pahasalamàna ny reniny izay mbola mipetraka any Ekoatora. Ny 10 May 2009, namoaka filazàna tao aminà tranonkala 2 fanaovana lavanty i Evelyn Dueñas: Quebarato.com sy Milanuncios.com, tamin'ny fametrahany fanamarinana hoe noho ny filàna manangona vola ho fanampiana ny fandoavana saram-pitsaboana ny reniny, izay tratry ny aretina Alzheimer any amin'ny tanàna nahaterahany ao Bahía de Caráquez , faritanin'i Manabí. Avy eo nofafàna tsy ho hita tao amin'ireo tranonkala ireo filazàna nataony, saingy nanamafy i Evelyn Dueñas fa mbola hitohy ny lavanty.

Namoaka fanambaràna iray ny sekreteram-panjakana ekoatoriàna misahana ny mpifindramonina, ny  SENAMI, fa tsy vonona mihitsy ny handray anjara amin'ity “fihetsiketsehana an-gazety” ity ny Sekretarià, no sady tsy misy andraikitry ny Fanjakàna Ekoatoriàna mihitsy ny raharahan'olontsotra. Nampahafantariny an'i Evelyn Dueñas ny momba ireo tolotra omen'ny fanjakàna ho an'ireo ekoatoriàna rehetra mpila ravinahitra.

Niteraka fanehoankevitra nivaivay teny anaty bilaogy sy ireo falmpitambaovao mahazatra ity raharaha ity, avy amin'ireo nanakiana an'i Evelyn Dueñas, ary nahasarika ihany koa ny saina ho amin'ny toedraharaha tsy ahitam-panàfany manjo ireo mpifindramonina sy mpila ravinahitra ao Espaina. Ny sasany manontany tena momba ny anjara andraikitra tokony ho raisin'ny governemanta ekoatoriàna ao anatin'ity raharaha ity.

bahia-de-caraquez

Masoandro mody tao Bahía de Caraquez – Manabí/Ekoatora -Sary nampiasàna ny lisansa Creative Commons, an'i Jorgelloor http://www.flickr.com/photos/jorgeloor/

Any anatin'ireo bilaogy vitsivitsy, mandeha ny resaka hoe tsy maintsy hirotsaka an-tsehatra ihany ny governemanta ekoatoriàna ka hanome ny vola ilaina amin'ny fitsaboana mba tsy ho voatery hiditra amin'ny tetikady tahaka izao i Evelyn Dueñas. Misy bilaogera vitsivitsy manombana hoe tsy tokony nomena fifantohantsaina miavaka tahaka izao i Evelyn Dueñas, ary dia nitefotefoka azy ilay mpamakafaka Kojudo Mayor, tao anaty lahatsoratry ny bilaogy Guayaquil Insumiso navoakan'i Yitux.

Ankoatra ny fanakianana ny fahafahana mampiasa ny volambahoaka “hanavotana” ramatoa iray, nampitroatra an'i Yitux koa ireo mitsara ny fanapahankevitr'i Evelyn Dueñas hivarotra ny tenany :

De nuevo el ridículo moralismo interviene. Esa mujer optó por vender algo que es suyo, su cuerpo, su virginidad. ¿Dónde está lo malo? Es una noticia llamativa, es verdad, las miles de prostitutas que venden sus cuerpos día tras día ya no nos llaman la atención; en cambio esta chica vende a sus 28 años, su virginidad, y lo hace en subasta por Internet. ¡Claro que llama la atención! Pero es su cuerpo, es su desición, es su vida.

Lastimosamente como vivimos en la sociedad del qué dirán, ahora todo el mundo opina, piensa, juzga, analiza, etc.

Io indray fa mitsabaka ny resaka maoraly kidaladala. Nandray fanapahankevitra ny hivarotra zavatra iray izay azy manokana io vehivavy io, ny vatany, ny maha-virjiny azy. Inona no maharatsy an'izay? Vaovao mahasarika ny saina izany saingy tsoriko, tsy mahasarika ny saintsika akory ny vaovao momba ireo an'alinaliny mpampanofa vatana misera ny tenany isanandro vaky, nefa ny an'ity vehivavy 28 taona mivarotra ny maha-virjiny azy ity, ary nanao izany tao amin'ny aterineto, eny. Mazava loatra, misarika ny saina izany! Saingy vatany io, fanapahankeviny, fiainany manokana.

Indrisy, anaty fiarahamonina iray “dia inona no ho ambara amin'izany?” no iainantsika ary ankehitriny dia ny firenena iray manontolo no maneho hevitra, misaintsaina, mitsara ary mandalina, sns.

Mampahatsiahy be ny toedraharaha mahakivy iainan'ireo mpifindramonina sy mpila ravinahitra any ivelany io vaovao io. Rafael Mendez miteny hoe, raha tsy maintsy hivarotra ny maha-virjiny azy ho an'izay sahy mividy lafo indrindra ao Espaina ny vehivavy iray mpifindramonina, ireo mpampahalàla vaovao ekoatoriàna kosa mahazo vola amin'ny fivarotana ny tantara tahaka ireny, fa tsy izay vaovao sy torohay momba ireo mpifindramonina sy mpila ravinahitra any ivelany. Hoy ny nosoratany : “Ireo media ve, farafaharatsiny ireo media eto amin'ny firenena, tsy mba afaka ny hanoratra, eny an-tsefantsefany eny, tantara tsara sy miabo momba ireo mpifindramonina sy mpila ravinahitra ?”

Namoaka tsonga iray avy amin'ny bokiny ihany koa izy, boky mitondra lohateny hoe “Que mi alma se la lleve el diablo” (Aleo ho lasan'ny devoly any ny fanahiko)  no sady mamerina tsonga iray avy amin'ny “Sudacas“, ilay tononkalony momba ireo Ekoatoriàna mandao ny fireneny:

Nada bueno hacen por allá/salvo morir trágicamente/andar en pandillas/puterías/conciertos de tecnocumbia/y ya que estamos hablando del asunto/aportar con el nosecuánto por ciento del PIB

Tsy mba manao zavatra tsara akory ry zareo any / afa-tsy ny ho faty amin'ny fomba mampihoron-koditra / mivenjivenjy anaty andian-jiolahy / fampanofàna vatana – kaonseritra tecnocumbia / ary satria efa resahana ilay olana / ampio isanjato tsy fantampantatra ao anatin'ny Harinkarena Faobe

Tsy vao sambany izao ry zareo Ekoatoriàna no manao zavatra tafahoatra tahaka izany. Efa nisy tranga hafa niseho izay nivarotan'ireo Ekoatoriana ny taovany, toy ny voa, havokavoka ary ny tsokandamosina noho izy ireo nisedra olana ara-bola henjana tany Espaina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.