‘Hira tsy misy tahotra': Manohitra ny herisetra atao amin'ny vehivavy amin'ny alàlan'ny mozika ny vehivavy Goatemalteka

Sary avy amin'ny mpanoratra María Jossé España.

Tamin'ny 10 Oktobra, vehivavy an-jatony no nidina am-pilaminana teny an-dalambe tany amin'ny tanàndehibe Goatemalteka maromaro, niaraka tamin'ny zava-maneno, mosara, afisy ary sarontava mba hanehoana ny fandavan'izy ireo ny herisetra atao amin'ny vehivavy.

Nifanindry tamin'ny faran'ny herinandro natokana ho an'ny Andro Iraisam-pirenena ho an'ny Zazavavy Kely ny fihetsiketsehana kanefa sady valin'ny fanjavonana sy ny fahafatesan'ilay mpianatra Litzy Cordón Guardado ihany koa no nanaovan'izy ireo izany ary ny famonoana ilay mpampianatra 22 taona Laura Hernández Guevara, izay samy any amin'ny departemanta atsimo atsinanan'i Zacapa. Tototry ny hafatra sy hira manohana ny hetsi-panoherana, niaraka tamin'ny tenirohy #NiUnaMenos, #JusticiaParaLitzy, ary #JusticiaParaLaura tao amin'ny Twitter.

Araka ny filazan'ny Fanaraha-maso momba ny Vehivavy ao amin'ny Biraon'ny Mpampanoa Lalàna, manodidina ny 200 eo ho eo ny isan'ireo fitarainana momba ny herisetra atao amin'ny vehivavy isan'andro ao Goatemalà ary roa amin'izany no famonoana vehivavy ho faty. Nanomboka tamin'ny volana Janoary ka hatramin'ny Septambra 2020, miisa 350 ny fahafatesan'ny vehivavy noho ny herisetra araka ny Ivontoerana Nasionaly ho an'ny Siansan'ny Diam-bono.

Nihira ny «Canción sin miedo» (Hira tsy misy tahotra), hiran'ilay mpihira Meksikana sady mpamoron-kira Vivir Quintana ireo vehivavy, ny tononkira moa dia manoritsoritra ny tsy rariny, ny alahelo ary ny tahotra tsapan'ny vehivavy ao anatin'ny herisetra:

Every minute of every week; They steal our friends, they kill our sisters […] We sing without fear, we ask for justice; We shout for every disappeared woman. […] Let it be loud: We want ourselves to be alive! Let the murderer fall hard!

Isa-minitra isan-kerinandro; Alain'izy ireo ny namanay, vonoiny ny rahavavinay […] Mihira tsy amin-tahotra izahay, mitaky ny rariny izahay; Miantsoantso ho an'ny vehivavy nanjavona rehetra izahay. […] Avelao ho re mafy izany: Te-ho velona izahay! Avelao ho lavo ny mpamono olona!

?Tamin'ity faran'ny herinandro ity tao an-tanànan'i Goatemala, Huehuetenango, Xela, Comalapa, Cobán, Escuintla, Petén, Chiquimula ary manerana an'i Goatemala, niray hina tamin'ny feo iray ny rehetra mba hitaky ny rariny ho an'ireo tsy hita.

Ireto misy ny sarin'ny fihetsiketsehana nokarakaraina tao amin'ny Plaza de la Constitución ao Goatemala renivohitra:

Sary avy amin'ny mpanoratra María Jossé España.

Sary avy amin'ny mpanoratra María Jossé España.

Sary avy amin'ny mpanoratra María Jossé España.

Sary avy amin'ny mpanoratra María Jossé España.

Sary avy amin'ny mpanoratra María Jossé España.

Sary avy amin'ny mpanoratra María Jossé España.

Sary avy amin'ny mpanoratra María Jossé España.

 

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.