Ao Krimea, tsy lanin'ny vavonin'ny hafa ny fisian-dramatoa Liza Bogoutskaïa sy ny fombàny an'i Okraina

La blogueuse Liza Bogoutskaïa pose devant sa voiture en minijupe, débardeur et lunettes de soleil.

Ramatoa Liza Bogoutskaïa, bilaogera mankahàtra ny làlana mankany Krimea miaraka amin'ny fiarany mitondra ny loko Okrainiàna. Saripika notsongaina tao amin'ny Facebook.

Ity lahatsoratra ity dia ampahany amin'ny fandalinana lalina nataon'ny RuNet Echo teo amin'ny tontolon'ny bilaogy miteny rosiàna ao Okraina atsinanana.  Mba hahitànao ny andiany feno amin'ireo antsafa, tsidiho ny pejy Eastern Ukraine Unfiltered (Okraina atsinanana tsy misy sivana). 

Raha tsy asiana fanamarihana manokana, mankany amin'ny lahatsoratra amin'ny fiteny anglisy ny rohy rehetra ato anaty lahatsoratra.

Manana mpajohy mihoatra ny 20.000 ao amin'ny pejiny Facebook. Na dia habaka iray niompana betsaka tamin'ny fampihavanana tsy misy tanjona pôlitika aza tany ampiandohany io pejy tantanan'ity vehivavy bilaogera avy ao Simfeorpol ity, ny fombany tsy mitsitsy teny manohitra izay heveriny ho toy ny fibodoana tsy ara-dalàna ataon'i Rosia ao Krimea toerana nahaterahany dia nahatonga azy ho olona iray ankafizin'ireo mpomba an'i Okraina ety anaty tambajotra. Fa izany koa anefa dia nahatonga azy ho fahavalon'ny fanjakana rosiàna, izay mitantana hatreto ny ao Krimea.

Ny Alatsinany 8 Septambra, feo tsy fantany no nanaitra an'i Liza Bogoutskaïa vao maraina be tao an-tranony, talohan'ny nandrenesany feom-basy.

Когда я еще спала, я услышала голоса у себя во дворе. У меня частный дом, и приватный дом. Моя собака отреагировала. И ествественно выскочила на улицу. Я тогда услышала выстрелы. Стреляли в мою собаку. Они не убили собаку, но они прострелили щеку моей собаке.

Raha izaho ilay mbola natory iny, nandre feo tao anoloan'ny tranoko aho. Mipetraka amina trano mitokana aho, fa tsy amin'irony tranobe iraisana ireno. Taitra ny alikako. Mazava ho azy, nihazakazaka nankany amin'ny làlana izy. Tamin'izay fotoana izay indrindra aho no nandre feom-basy. Ilay alikavaviko no notifirin-dry zareo. Tsy nahafaty azy ry zareo, fa na izany aza voasafon'ny balan'izy ireo ny tavany.

Fantatra avy eo fa ireo olona nanoloana ny tranony ireo dia iraky ny governemanta rosiàna tonga hisava ny tranony.

Моя дочь успела схватить мой телефон и убежала быстро в другую комнату. Зашла в телефоне на мою страничку Фейсбука и написала что у нас дома обыск.

Vitan'ny zanakovavy ny naka haingana ny finday iray ary nandeha niafina tany amin'ny efitrano iray. Avy eo izy nandeha tao amin'ny pejiko Facebook tao amin'ny findaiko ka nanoratra hoe iharan'ny fisavàna ny tranonay amin'izao fotoana izao.

Fitaovam-piadiana, zavamahadomelina ary “asa soratra voarara”  no nokarohan'ireo lehilahy nisava ny tranon'i Liza Bogoutskaïa. Toy izao no fanoritsoritan'ilay bilaogera ireo mpanadihady ireo:

Четыре человека в масках… автоматчики крупного телосложения такого… человек в штатском… и два свидетеля, которых они привезли со собой… Это их лица, это не независимые лица.

Misarona ny tavan'ny efatra… lehilahy tena vaventy sy maronjana milanja basy marovava… olona iray manao fitafin'olontsotra, ary roa “vavolombelona” nentin'izy ireo niaraka taminy… Saingy azy ireo daholo ireny olona ireny, tsy olontsotra tsy miandany.

Na “tsy nahita velively ” zavatra nafenina tsy ara-dalàna tao an-tranon'i Liza Bogoutskaïa aza ireo mpanao fanadihadiana, nogiazan-dry zareo daholo ihany ireo fitaovana elektrônika rehetra nanànany tao.

Они изъяли у меня компьютеры. Изъяли другие носители информаций, флеш-карты изъяли… и естественно все телефоны изъяли.

Nogiazan-dry zareo daholo ny solosaiko finday. Nogiazany ireo fitaovana hafa fampahalalam-baovao, ireo USB ary mazava loatra fa ny telefaona findaiko rehetra.

Nandritra ny antsafa ho an'ny RuNet Echo, mba hamantarana raha toa ka mety misy ifandraisany amin'izay zavatra soratany ety an-tambajotra ny nisavàna ny tranony, entitra ilay bilaogera namaly fa « Tsy isalasalàna fa misy ifandraisany ».

After her house was searched, Liza Bogutskaya pendant son arrestation. On distingue une voiture de police et un homme en treillis, de dos.

Taorian'ny fisavàna ny tranony, notazonina sy nalaina am-bavany naharitra ora maro i Liza Bogoutskaïa. Sary an'i Shevket Namatullaev tao amin'ny Facebook.

Rtoa Bogoutskaïa mihevitra hoe ilay fisavàna dia nisy nifandraisany tamin'ireo fifidianana natao tao an-toerana tao Krimea izay natao tamin'ny Alahady 14 Septambra, ary ny fandavantenany hanoratra momba ny toedraharaha mampalahelo iainan'ireo Tartares ao Krimea, izay niharan'ny fanafihana ny trano sy ny maoskea tao anatin'ny herinandro maromaro, ary noroahana tsy ho ao Krimea ireo mpitarika. Mihevitra ihany koa izy fa misy ifandraisany amin'ny fahitàna be azy tao Sebastopol io fisavàna io (mamily fiara iray mitondra ireo loko nentindrazan'ny Okrainiàna izy ary matetika mitafy akanjo miloko mavo sy manga).

Ну естественно это я все пишу, об этом я говорю… и всегда говорила достаточно смело и достаточно жестко. И разумеется что нынешним властям не нравится мое поведение и не нравится то, что я пишу обо всем и очень свободно передвигаюсь по городам, очень свободно себя чувствую.

Mandeha ho azy ho ahy ny manoratra momba ny lohahevitra rehetra… ary misikina herimpo hatrany aho no sady somary henjakenjana ihany amin'ny fomba fiteniko. Hay kay tsy tian'ireo manampahefana amin'izao fotoana izao ny fitondrantenako sy ny hanoratako momba ny zavatra rehetra, ny handehanako mivezivezy malalaka miainga amin'ny tanàna iray mankany amin'ny iray hafa, sy ny fahatsapako ny tenako ho malalaka kokoa.

Rehefa avy nalaina am-bavany nandritra ny ora maro, amin'ny toerana maha « vavolombelona » azy, navotsotra i  Liza Bogoutskaïa. Satria tsy mahatsapa tena intsony ho malalaka amin'ny fanoratana sy amin'ny fitenenana ny zavatra mitranga amin'izao fotoana izao ao Krimea, nilaozany ilay faritany ary ankehitriny dia any Kiev izy no monina.  Ho azy dia mazava be ny fialàny:

Нужно уехать, потому, что мне не дадут возможность больше писать там. Я уеду. Смогу дальше писать. Смогу дальше говорить и я смогу доносить свои мысли до моих читателей.

Tsy maintsy nanainga aho, satria tsy homena ahy mihitsy ny fahalalahana hanohy ny fanoratana raha mbola tany. Noho izany dia nandeha aho. Ho afaka ny hanoratra misimisy kokoa aho. Ho afaka ny hiteny misimisy kokoa ary ho afaka hampita misimisy kokoa ny eritreritro ho an'ireo mpamaky ahy.

Liza Bogoutskaïa mihevitra fa ireo fanavaozana alefany ao amin'ny Facebook, izay mazàna mahazo “Tia” an'arivony maro, dia misarika ireo mpamaky, indrindra fa noho ny fiakony ara-pihetsehampo, tsy mba toy ireo fandalinana na fanadihadiana efa nahazatra sy manorisory fotsiny.

Я пишу свои статьи сердцем. Я стараюсь повлиять на эмоции людей, я стараюсь взывать к их эмоциям. Надо действовать так, чтобы люди могли оценить все, что происходит… Я думаю что, из-за того что я пишу сердцем… очень много рассказываю о своей семье, очень много рассказываю о своем прошлом, люди мне сочувствуют и понимают, что я не абстракт.

Amin'ny fo no manoratra aho. Miezaka ny hanohina ny fon'ny olona aho. Raha lazaina tsotra dia miezaka aho ny mandona azy ireo ara-pihetsehampo. Tsy maintsy mihetsika araka izay fomba izay mba tena hahatsapan'ny olona ny tena zavamitranga… Heveriko fa noho izaho manoratra amin'ny fo…fa noho izaho miresaka be amin'ny fianakaviako, fa noho izao miresaka be ny lasa niainako, fa noho ireo olona mitsetra ahy sy mahatakatra fa tsy olona saro-takarina aho.

Nanao be loha nanoloana an'i Krimea sy ireo rosiàna manampahefana i Liza Bogoutskaïa, fa ny tranga manjo azy dia mampiseho mazava tsara fa tsy holeferina mihitsy ny fanehoana mibaribary ny fahasamihafam-pijery. Na nampiditra izao kazarana lalàna rehetra izao aza i Rosia mba hifehezana ny tontolon'ny bilaogy, Avandravandran'io raharaha io ny zavamisy hoe, raha efa loharanon'ny fahasahiranantsain'ny olona ireo lalàna manery ny bilaogera hisoratra anarana sy ireo fepetra naroso ho fanakatonana ny aterineto, rehefa tambatra, mety mbola ahitàna vokany koa ireo fomba trainainy fandrahonana.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.