(Fanamarihana avy amin'ny mpandika: Lahatsoratra fandrakofana manokana ny valanaretina Ebôlà tamin'ny 2014 izy ity. Ny rohy tsy nasiana fanamarihana dia mitondra mankamina lahatsoratra amin'ny teny Anglisy)

Fiparitahan'ny fanaviana nentin'ny Ebôlà tany Ginea, Liberià, ary Sierra Leone hatramin'ny 18 Jona 2014, avy amin'ny CDC – Sehatra ho an'ny daholobe

Ny 16 Jona, 49 ireo tranga vaovao tamin'ny Ebôlà navoakan'ny tatitry ny OMS, ka 12 tamin'izany no namoizana aina. Bart Janssens, tale mpanatanteraky ny fikambanana iraisampirenena tsy miankna amin'y fanjakana MSF(Medecins Sans Frontieres) dia namoaka fanambaràna iray nilaza fa :

Tsy voafehy ilay valanaretina, taorian'ny nahitàna toerana vaovao tao Ginean Sierra Leone ary Liberià, tena misy ny risika hiparitahan'izy io any amin'ny faritra hafa. Tsy voafetra ho olana ara-pahasalamàna atrehan'ny fanjakana ao Ginea irery intsony ny Ebôlà: efa mamely an'i Afrika Andrefana manontolo izy io ankehitriny.

Hatramin'ny nanombohan'ilay vlanaretina tamin'ny Febroary 2014, 567 ireo tranga voatily, 369 ireo tranga noahiahiana sy voamarina tao Ginea, 97 tao Sierra Leone ary 33 tao Liberià. Tsy misy ny fitsaboana manokana natao ho an'ny viriosy Ebôlà izay mitarika taham-pahafatesana avo be tokoa.

Ny ady ataon'i Afrika Andrefana hanakànana ny Ebôlà (#StopEbola)