Minisitry ny Serasera sy ny Haino Aman-jery Marolafy Saifuddin Abdullah vao haingana nampanantena ny hamerina hijery ny fampiharana ny Lalàna mifehy ny Serasera sy ny Haino Aman-jery Marolafy izay nampiasaina hiampangana ny mpanao gazety, ny mpitarika ny fiarahamonim-pirenena ary ny mpitsikera ny governemanta. Loharano: Flickr / Sarin'ny Departemantam-panjakana Amerikana / Ho an'ny daholobe

Maneho ny ahiahiny momba ny firongatry ny tranga hanenjehana ireo mpanao gazety, bilaogera, mpitarika ny fiarahamonim-pirenena ary ny mpitsikera ny governemanta vaovaon'i Malezia ny vondron'ny fampahalalam-baovao sy ny zon'olombelona.

Eo ambanin'ny andininy faha 233 (1) (a) amin'ny Lalànan'ny Serasera sy ny Haino Aman-jery Marolafy (CMA) ny ankabeazan'ny fiampangana izay mandrara ny rehetra “hampiasa ny fitaovan'ny tambajotra ka minia manao na mamorona na mangataka na manangana fifandraisana izay mamoafady, tsy mendrika, tsy marina, mandrahona na manafintohina amin'ny finiavana hanorisory, hanararaotana, handrahonana na hanasotasota olon-kafa.”

Voasazy handoa vola hatramin'ny RM50,000 (11,700 dolara amerikana) na sazy an-tranomaizina herintaona raha meloka amin'ity fiampangana ity.

Vondrona maro no nanao fanentanana ny amin'ny tokony hijerena indray na hanafoanana ity lalàna ity izay nampiasain'ny manampahefana handrahonana ny fampahalalam-baovao, hampitahorana ny mpanohitra ary hampanginana ny mpitsikera an-tserasera.

Diso fiainga

Tsy nahomby tamin'ny fanitsiana ny lalàna henjana hatreto ny vondrona mpanohitra Pakatan Harapan izay nandray ny fahefana tamin'ny taona 2018 na dia teo aza ny fampanantenana nataony tamin'ny fahalalahana maneho hevitra.

Ankoatra izany, niteraka ahiahy ny fahatongavan'i Muhyiddin Yassin tamin'ny volana Martsa ho Praiminisitra vaovaon'ny firenena taorian'ny fampifandanjana ny fitondrana fiaraha-mitantana fa hitarika ho amin'ny famohazana indray ny fanjakazakan'ny antoko Fikambanana Nasionaly ho an'ny Malays Mikambana (United Malays National Organisation-UMNO) izay nolavin'ny mpifidy tamin'ny taona 2018 izany.

Nilaza i Muhyiddin fa vonona hiara-hiasa amin'ny UMNO- antoko lehibe ao amin'ny fiaraha-mitantana nasioanly Barisan izay nitondra an'i Malezia nandritra ny am-polony taonany maro hatramin'ny fahareseny tamin'ny taona 2018- ny antoko politikany Bersatu.

Nandany lalàna maromaro ny governemanta notarihan'ny UMNO, ao anatin'izany ny CMA, izay nolazain'ny mpitsikera fa natao hikendrena hanafoanana ny fahalalaham-pitenenana.

Tao anatin'ny telo volana izay, voampanga ho nohamafisin'ny governemantan'i Muhyiddin ny famoretany ny feon'ny mpanohitra, miaraka amin'ny CMA izay natao manokana hanenjehana ireo mpitsikera.

Nahitana ilay bilaogera Dian Abdullah ny tranga farany, izay voampanga tamin'ireo bilaogy roa izay voalaza fa nandika ny andininy faha 233 (1) (a) ao amin'ny CMA.

Natolotra ny fitsarana tao Kuala Lumpur ilay bilaogera tamin'ny 9 Jona ary nahazo fahafana vonjimaika rehefa nandoa onitra.

Nanakiana ny fitantanan'i Muhyiddin sy ny tsy fetezan'ny fanampiana nomen'ny governemanta hamindrana monina ireo mpiasa sy mponina nandritra ny valan'aretina COVID-19 ny bilaogin-dahatsorany roa navoaka tamin'ny 21 sy 23 Martsa.

Blogger Dian Abdullah was charged in court today under Section 233 of the Communications and Multimedia Act after she voiced dissent against the State.

It's time we reject these actions that silence dissenting voices. Freedom of expression must flourish! @saifuddinabd pic.twitter.com/9SlOzMkWp0

— CIJ Malaysia (@CIJ_Malaysia) June 9, 2020

Nomelohin'ny fitsarana ilay bilaogera Dian Abdullah androany teo ambanin'ny lalàna andininy faha 233 amin'ny Lalàna mifehy ny Serasera sy Haino Aman-jery Marolafy taorian'ny nanambarany ny fanoherany ny Fanjakana.

Fotoana izao handavantsika ireo fihetsika ireo izay mampangina ny feon'ny mpanohitra. Tsy maintsy miroborobo ny fahalalahana maneho hevitra!

Nampahafantatra ny mpikambana sasany ao amin'ny mpanohitra sy ny fiarahamonim-pirenena ihany koa ny manampahefana fa eo am-panaovana famotorana izy ireo noho ny famoahana fanambarana an-tserasera izay voalaza fa nandika ny lalàna.

Ny mpanorina ny Foibe miady amin'ny Kolikoly sy ny Kiantranoantrano Cynthia Gabriel ny iray amin'ireo miatrika fanadihadiana.

Namoaka fanambarana tamin'ny volana Martsa ny vondron'i Gabriel nanameloka ny “governemantan'i Muhyiddin tsy voafidy”.

Our founding director Cynthia Gabriel has been called for questioning under section 4 of the Sedition Act and section 233 of the Communications and Multimedia Act. This investigation is in relation to the statement issued by C4 Center on 14 March titled (https://t.co/abVX0fXUC3)

— C4 Center (@C4Center) June 5, 2020

Nampanantsoina atao fanadihadiana eo ambanin'ny lalàna andininy faha 4 amin'ny Lalànan'ny Fiokoana sy ny andininy faha 233 amin'ny Lalàna mifehy ny Serasera sy ny Haino Aman-jery Marolafy ny tale mpanorina anay, Cynthia Gabriel. Mifandray amin'ny fanambarana navoakan'ny Foibe C4 tamin'ny 14 Martsa mitondra ny lohateny (https://t.co/abVX0fXUC3) ity fanadihadiana ity.

Nampanantsoin'ny polisy tamin'ny 3 Mey noho ny tatitra nataony, izay voalaza fa nandika ny lalàna CMA ilay mpanao gazety Tashny Sukumaran, mpitati-baovaon'ny South China Morning Post any Hong Kong, nandritra izany fotoana izany.

Momba ny famoretana nataon'ny polisy tamin'ireo mpitsoa-ponenana Rohingya ny tatitra voaresaka.

Saingy nanazava ny Minisitry ny Serasera sy ny Haino Aman-jery Marolafy Saifuddin Abdullah fa efa nanome toromarika ny polisy hampiato ny fanadihadiana ny biraony. Nampanantena ihany koa izy fa hamerina hijery ny lalàna niteraka resabe.

Manohy ny fampiasana amin'ny fomba henjana ny CMA ny governemanta hanenjehana ireo mpitsikera an-tserasera ka nahatonga ny vondrona maromaro hitaraina fa niha-ratsy ny fahalalahana maneho hevitra teo ambany fitondran'ny governemanta vaovao.

Nanamafy ny fangatahany hanafoana ilay lalàna henjana mifehy ny fampitam-baovao ny Biraon'ny Asa Fanaovan-gazety Mahaleo Tena.

The government must stop charging and investigating individuals under regressive laws such as this section for voicing dissent against the State and public authorities.

Criminalising content that could potentially challenge and attempt to hold the State to account is grossly disproportionate to any legitimate aim of protecting public order. We need an enabling environment that promotes critical thinking and healthy debates that would uphold democracy and good governance.

Tokony hajanon'ny governemanta ny fanamelohana sy ny famotopotorana ireo olona eo ambanin'ny lalàna henjana toy ity andininy ity noho ny tsy fitovian-kevitr'izy ireo amin'ny fanjakana sy ny manampahefana.

Tena tsy mifanaraka amin'ny tanjona ara-dalàna amin'ny fiarovana ny filaminam-bahoaka ny fiampangana votoaty izay mety hiteraka olana sy mitana ny Fanjakana ho tompon'andraikitra. Mila tontolo mampiroborobo ny fisainana mitsikera sy ny adihevitra madio isika izay manohana ny demokrasia sy ny fahaiza-mitantana.

Nanazava ny antony maha-ratsy ny lalànan'ny CMA andininy faha 233 i Bernice Chauly ao amin'ny Pen Malaysia:

Rule of law is vital, but rule of bad law is not welcome. Section 233 is ‘bad law’ because it is so broad that any Malaysian can make a police report because they are ‘annoyed’, regardless of whether they are the intended recipient or target of a communication.

Zava-dehibe ny fampanjakana ny lalàna saingy tsy ekena ny fampanjakana lalàna ratsy. ‘Lalàna ratsy’ ny andininy faha 233 satria midadasika be loatra ka afaka mitory any amin'ny polisy avokoa ny Maleziana rehetra satria ‘sorena’ izy ireo, na izy ireo ilay lazaina fa naharay na lasibatra tamin'ilay serasera.

Nandritra izany fotoana izany, dia nihantsy nanoloana ny mety hampanginana ny tatitra ataony i Tashny Sukumaran:

What I CAN tell you is that I promise all of you – those who like my reporting *and* those who hate it and call me racist slurs online – that I am not stopping. All of you deserve access to the truth. I am here to speak truth to power, without fear or favour.

— Tashny Sukumaran (@tashny) May 3, 2020

Ny tiako HAMBARA aminareo dia izao: mampanantena anareo rehetra aho – ireo izay tia ny tatitra ataoko *sy* ireo mankahala izany ary miantso ahy ho manala-baraka amin'ny fanavakavaham-bolonkoditra amin'ny Aterineto- fa tsy hijanona aho. Mendrika ny hahalala ny marina daholo ianareo rehetra. Eto aho hilaza ny marina amin'ny fitondrana, tsy matahotra na mila sitraka.