Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Sambany tany Nepal no nahitana bibilava kukri mitsipitsipika manan-doha roa 

Bibilava roa loha mahazatra. Sary avy amin'ny Hopitaly Kaligandaki sy Kamal Devkota. Nahazoana alàlana.

Efa tsy fahita firy ny dicephaly, ilay mahatonga ny bibilava ho teraka manan-doha roa. Saingy rehefa nahazo bibilava kukri mitsipitsipika manan-doha roa  (Oligodon arnenis) ny mponina tao an-tanànakelin'ny distrikan'i Nawalpur any afovoan'i Nepal, tamin'ny volana Oktobra 2018 dia tsy nahafantatra izy ireo fa mbola tsy fahita mihitsy izany amin'io karazany io. Nanamarina ilay fahitana ny tatitra vao haingana navoaka tao amin'ny IRCF Journal tamin'ny volana Aprily 2020 .

Kukri mitsipitsipika manandoha roa. Sary nomen'i Kasara, Valan-javaboarin'i Chitwan, Nepal, tao amin'ny Kamal Devkota. Nahazoana alàlana.

Nalain'ny mpitandro ny filaminana tamin'ny mponina ilay bibilava raha nentin'izy ireo tao Kathmandu renivohitra ary nomeny ny mpiambina ny valan-javaboarim-pirenena ao Chitwan izay nandefa ilay biby ho ao any amin'ny fonenany voajanahary.

Tsy fahatomombanam-piterahana antsoina hoe dicephaly

Nomena anarana araka ny nifiny maranitra sy fisaka ary miforitra izay ampiasain'izy ireo hanapahana ny atodin'ny biby mandady ny bibilava kukri mitsipitsipika. Hita any Sri Lanka, India, Bangladesh, Pakistan, Bhutan ary Nepal izy ireo.

Teraka noho ny antony maro toy ny fizaran'ny tsimoka tsy feno, ny fitambaran'ny tsimoka roa, ny maripana, ny antony ara-tontolo iainana sy ny maro hafa ny bibilava roa loha. Mitranga amin'ny tranga iray isaky ny bibilava miisa 100.000 any an'ala ilay tsy fahatomombanana ary amin'ny iray amin'ireo bibilava miisa 10.000 izay nogiazana.

Samy manana ny atidohany ity bibilava ity noho ny fananany loha roa samihafa ary manana toetra manokana roa samihafa ihany koa fa ny lohan'ny iray no tena mitarika amin'ny ankapobeny. Kely dia kely ny taham-pahaveloman'ny bibilava “dicephalic” any an'ala satria mety hiady sakafo ireo loha roa ireo. Ary mahatonga azy tsy dia kinga loatra ny loha roa  rehefa misambotra sakafo sy mora lasibatra ho an'ny biby mpihaza .

Bibilava roa loha
Antsoina hoe dicephaly
mitranga izany rehefa misaraka amin'ny dingana voalohany amin'ny fivoarana ny tsimoka, vokatry ny fiovan'ny hafanana tampoka,
ny fandotoana ny tontolo iainana, na ny fivadian'ny mitovy karazana.
Na inona na inona antony
tsy miaina ela ity zavaboary sampona ity.

Na dia hita matetika mandravaka ireo tempoly sy ny rano mikoriana ao amin'ny Lohasahan'i Kathmandu aza ny sary sy ny sary sokitra bibilava dia tranga tsy fahita firy ny bibilava roa loha. Ny kukri mitsipitsipika miraikitra misy loha roa no hany bibilava fahatelo manana loha kambana voarakitra tany Nepal. Mishra sy Shah no nitatitra ny fisian'ny bibilava dicephalic voalohany – maramara tanora (Fowlea piscator) tamin'ny 1983, raha bibilava iray mahazatra (Bungarus caeruleus) ny tranga faharoa – hita tamin'ny volana Mey 2018 tao amin'ny kaominin'i Munoti ao amin'ny Distrikan'i Nawalpur any afovoan'i Nepal. Io no nahitana ny dicephalisma voalohany tamin'ny bibilava tany Nepal ary nanaovan'ny Birao Mpikambana ao amin'ny Fikambanana Toxinology ao Nepal sy ny mpitantana ny Tetikasa “Save the Snakes” Kamal Devkota sy ny ekipany fanadihadiana.

Bibilava roa loha mahazatra. Sary nomen'ny hopitaly Kaligandaki sy Kamal Devkota. Nahazoana alàlana.

Niresaka tamin'ny Global Voices i Devkota momba ny tsy fahitana firy ny bibilava roa loha:

Herping [searching for snakes] is not an easy task. In my decade-long career, I have found other interesting cases of snakes but you always don't get what you want. Likewise, these dicephalic snakes are found opportunistically while surveying snakes rather than following any specific methods.

Tsy mora ny herping [mitady bibilava]. Nandritra ny ampolo taonany niasako no nahitako trangana bibilava mahaliana hafa kanefa tsy mahita izay tadiavinao mihitsy ianao matetika. Tahaka izany koa, hita tampoka ireo bibilava dicephalic ireo rehefa harahi-maso ny bibilava fa tsy amin'ny fanarahana ny fomba manokana.

Araka ny nolazain'i Devkota, karazana bibilava hatramin'ny 90 no hitan'ireo mpanoratra isan-karazany tao Nepal, ka ny 18 tamin'izany no heverina fa misy poizina. Na dia maro aza ny olona, ​​indrindra any amin'ny faritra iva any Nepal no matin'ny kaikitra bibilava isan-taona dia manana ny anjara toerany ao amin'ny tontolo iainana ny bibilava hoy hatrany i Devkota izay efa niasa tamin'ny fampitoniana ny adin'olombelona sy ny bibilava.

[A snake] plays a vital role to maintain the food web in nature. It also helps to increase the farmer's productivity in the field by eating mice, frogs and other harmful insects. From snake venom, we can produce many different types of medicine, including anti-venom.

Manana anjara toerana lehibe amin'ny fitazonana ny rojon-tsakafo [fitohizan-tsakafo] eo amin'ny natiora ny [bibilava]. Manampy amin'ny fampitomboana ny famokaran'ny tantsaha eny an-tsaha amin'ny fihinanana voalavo, sahona ary ny bibikely mpanimba voly hafa izy. Avy amin'ny poizina bibilava no ahafahantsika mamokatra fanafody maro isankarazany, anisan'izany ny hiadiana amin'ny kaikitry ny biby misy poizina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.