Vann Rachana narahin'ny polisy taorian'ny fisamborana azy. Notakonan'ny Global Voices ny sarin'ilay olona ahiahiana. Loharano: pejy Facebook-n'ny Polisy Monisipaly ao Phnom Penh.
Tamin'ny 17 Febroary 2020, nanatrika ny fivoriana fanao isan-taona tamin'ny Filankevitra Nasionaly Kambodziana ho an'ny Vehivavy ny Praiminisitra Hun Sen izay niresahany fa mila hadihadiana ary sakanana ny vehivavy mba tsy hivarotra entana ao amin'ny Facebook sady manao akanjo mifanohitra amin'ny fomba fisainan'ny fiarahamonina na ny ‘soatoavin'ny vehivavy Khmer sy ny kolontsaina Khmer’.
Roa andro taty aoriana, navoakan'ny polisy tao amin'ny tambajotra sosialy fa nampanantsoina i Vann Rachana (antsoina hoe Thai Srey Neang ao amin'ny Facebook) mba hanontaniana sy hampianarina momba ny pejiny Facebook izay nampiseho ny entana toy ny atin'akanjo ho an'ny vehivavy sy ny kojakojam-behivavy. Niseho tao anaty lahatsary izay nangatahany ny famelan-keloka ampahibemaso izy ary nivoady ny tsy hanao «akanjo miboridandridana» ao amin'ny pejiny Facebook intsony.
I am sorry. I hope the leader and public forgive me.
Please, other online sellers, take note of my case. It has caused the public to hate me and affected the honour and morality of women.
Mifona aho. Manantena aho fa hamela ahy ny mpitondra sy ny vahoaka.
Miangavy ireo mpivarotra amin'ny aterineto hafa mba hijery ny nahazo ahy. Nahatonga ny vahoaka hankahala ahy izany ary nisy fiantraikany tamin'ny haja sy ny fomba fisainan'ny vehivavy.
Tamin'ny 21 Febroary, nilaza ny polisy fa nanitsakitsaka ny toky nomeny i Rachana tamin'ny fandefasana sary ‘manaitaitra ‘ iray hafa tao amin'ny pejiny Facebook. Nosamborina izy ary voampanga ho mamoaka sary mamoafady noho ny fanitsakitsahana ny lalàna ao Kambodza mifehy ny fanondranana olona sy ny fivarotana ara-nofo. Mety higadra 15 volana an-tranomaizina izy raha meloka.
Tao amin'ny fanambarana iraisana, vondrom-behivavy maromaro tao Kambodza no nanakiana ny fanamarihan'ny Praiminisitra sy ny fihetsiky ny polisy. Nampahatsiahy ny manampahefana izy ireo fa tsy misy antontan-taratasy ara-dalàna mamaritra ny “lanjan'ny vehivavy sy ny soatoavina ara-tsosialy/kolontsaina Khmer” ao amin'ny firenena. Nampian'izy ireo fa “anisan'ny antony fototra amin'ny herisetra ary tsy manafoana izany ka tokony holavina ny fanasaziana ny vehivavy amin'ny safidiny amin'ny fitafiany.” Nanampy izy ireo hoe:
There is much evidence-based research showing that violence against women stems from discriminatory gender stereotypes and a victim-blaming culture – both of which are deeply rooted in Cambodian society – as well as weak law enforcement resulting in a culture of impunity, and is not based on women’s dress, physical appearance or actions.
Betsaka ny porofo miseho avy amin'ny fikarohana fa avy amin'ny fanavakavahana ara-pananahana sy ny kolontsain'ny fanomezan-tsiny ny niharam-boina no mahatonga ny herisetra atao amin'ny vehivavy – izay samy miorim-paka lalina ao amin'ny fiarahamonina Kambodziana – ary ny tsy fampiharana ny lalàna ihany koa izay miteraka ny kolontsain'ny tsimatimanota, fa tsy avy amin'ny fiakanjon'ny vehivavy na ny bika aman'endrika na ny fihetsika ataony akory.
Nitaraina momba ireo fenitra roa mifehy ny fampiharana ny lalàna i Eng Chandy, mpisolovava sady mpitantana ny fandaharan'asan'ny tambajotra ho an'ny Miralenta sy ny Fampandrosoana ao Kambodza:
What about men selling products online? And many popular singers also wear sexy clothing when they perform. Didn’t they create feelings of sexual arousal? Did anyone file complaints against them? Did anyone say that they damaged Cambodian culture?
This law was written by men and interpreted by men and adopted by men, and men are enforcing the law.
Ahoana ny amin'ireo lehilahy mpivarotra entana an-tserasera? Ary maro ihany koa ireo mpihira malaza mitafy akanjo manaitaitra rehefa manao fampisehoana. Moa ve izy ireo tsy misarika ara-nofo ? Nisy olona ve nametraka fitarainana tamin'izy ireo ? Nisy nilaza ve fa nanimba ny kolontsaina Kambodziana izy ireo ?
Nosoratan'ny lehilahy ity lalàna ity ary nadikan'ny lehilahy sy nankatoavin'ny lehilahy ary ny lehilahy no mampihatra ny lalàna.
Namoaka fanambarana mitsipaka ny fiampangana an'i Rachana ho mamoaka sary mamoafady ny Amnesty International:
These charges rest on the abusive misapplication of a law which was supposedly intended to combat human trafficking, but instead is being used to oppress women.
Miankina amin'ny fanararaotana ny fampiharana ny lalàna izay noheverina fa natao hiadiana amin'ny fanondranana olona ireo fiampangana ireo anefa natao hampahoriana ny vehivavy indray.
Nandrisika ny governemanta mba hiroso amin'ny fanavaozana ny lalàna izay tena manome ny vehivavy ny fahaleovantenany fa tsy natao ahafahana mampihatra herisetra amin'izy ireo i Bunn Rachana, tale mpanatanteraka ao amin'ny fikambanana fampandrosoana ny vehivavy Klahaan:
It’s almost like [officials] are empowering perpetrators to take actions that violate women and girls.
It’s possible to fix [a male-dominated society] if the leadership of the country promotes human rights standards…and takes all necessary steps to correct unfair social norms.
Saika ohatra ny hoe mandrisika ireo mpanao heloka bevava hanolana ny vehivavy sy ny tovovavy ny [manampahefana] .
Azo atao ny manitsy ny [fiaraha-monina anjakazakan'ny lehilahy] raha toa ka mampiroborobo ny fenitry ny zon'olombelona ny mpitondra ao amin'ny firenena… ary mandray ny fepetra rehetra ilaina amin'ny fanitsiana ny fitsipika tsy rariny ara-tsosialy.
Lahatsoratra notsongain-ny GV Mpisolovava, tetikasa iray miaraka amin-ny Global Voices, miaro ny fahalalahana miteny sy miady amin-ny sivana antserasera ity. · Lahatsoratra rehetra
