[1]Fanentanana tanaty gazety iray nankalaza ilay famonoana. Fandikàna: Efatra izay no lasa. Firy sisa tavela? Hamaly rariny ny firenena. Saripika nozaraina be tao amin'ny pejy Facebook “Indians of Late Capitalism”
Ny famonoana tsy nandalo fitsaràna an'ireo efatra nanolana tao India dia nitarika ho aminà adihevitra mivaivay teo amin'ireo nitehaka ny fanaovana fitsarambahoaka nandingànana ny fihisaran'ny fitsaràna, sy ireo hafa izay mahatsapa fa ho lasa ohatra ratsy io tantara io.
Ny 27 Novambra 2019, niharan'ny fanolànana tambabe tamin-kerisetra i Dr. Priyanka Reddy [2], ary novonoina [3] tao Hyderabad. Tokotokony ho tamin'io fotoana io ihany, olona iray hafa sisampaty taminà fanolànana no nisy nandoro [4] raha teny an-dàlany handeha hamonjy fakàna am-bavany teny amin'ny fitsaràna, ary dia maty noho ny fitsaharan'ny fony taorian'izay.
Miaraka amin'ny fitomboan'ny isan'ny trangam-panolànana manerana ny firenena [5], mafy sy nipatrapatraka ny hatezerana, ary marobe ireo nitaky fandraisana andraikitra haingana, [6] ka isan'izany ny fanaovana lalàna henjana kokoa sy hetsika hanoherana ireo mpanolana. Tao anatin'ny kabariny ho an'ny antenimeran-doholona aza, ilay mpikambana ao amin'ny antenimiera, Jaya Bachchan, dia niteny fa tokony ho darohana ho faty ireo mpanolana [7].
Andro vitsy taorian'ny nahitàna [8] ny Dr. Priyanka Reddy, mba hamerenana ny fizotry ny zava-nitranga dia nentin'ny polisy tao Hyderabad niverina teny amin'ny toerana nisehoan'ilay heloka bevava ireo lehilahy efatra voampanga. Araka ny voalazan'ny polisy dia nanandrana nandositra teny amin'ny toerana nanaovana ilay famerenana ireo lehilahy ireo ka dia maty voatifitra. Taorian'io vaovao io, naneho ny heviny [8] teny anaty media sôsialy ireo mpisera anaty aterineto, nanasongadina ny fizarazaràna be hita tamin'ny fanehoankevitry ny vahoaka. [9]
“Mifanena amin'ny fahafatesana”
Ny encounter killing, [10]ho adikantsika tsotsotra amin'ny hoe ‘mifanena amin'ny fahafatesana’ dia fomba fiteny iray ao Azia Atsimo (indrindra fa ao India sy Pakistàna) entina hamaritana ireo vono olona ataon'ny polisy na ny tafika, nefa tsy mandalo fitsarana. Araka ireo tatitra [11], manana tantara lavabe amin'ny resaka famonoana tsy mandalo fitsaràna i Hyderabad , ary efa im-betsaka ny olona no nanakiana ny fandraisan'ny polisy ny toeran'ny mpitsara na mpanapa-doha. Ambaran'ny Lalampanorenana Indiàna ny fiarovana ny olompirenena tsirairay manoloana ny hetsika atao ivelan'ny voalazan'ny lalàna.
Raha tsy mifanaraka amin'ny dingana voalazan'ny lalàna, tsy misy olona azo alàna aina na tsy omena fahalalahana . – Andininy faha- 21 [12] ao amin'ny Lalampanorenana Indiàna
Amin'ny raharahan'ireo efatra voampanga ho mpanolana, manoratra ao amin'ny The Economics i T K Arun fa mibaribary be ny fanitsakitsaha [13]n'ny fanjakan'i Hyderabad ny zo fototra ananan'ireo voampanga.
Nisy mpisera hafa ao amin'ny aterineto nandray ny media sôsialy mba hitakiana ny hisian'ny hetsika sahaza sy araka ny lalàna, mifanaraka amin'ny tranga tsirairay miseho.
Shocking. What have we become? What proof was there that these were real culprits? Do we have information on investigation and evidence which prove crime beyond doubt? They perhaps didn't even have a lawyer, didn't get a hearing. Killed in #Encounter [14] and we are celebrating?
— Sanjukta Basu (@sanjukta) December 6, 2019 [15]
Manafintohina. Fa lasa inona isika ity e? Inona no porofo milaza fa tena ireo tokoa no tena nahavanon-doza? Ananantsika ve ny vaovao momba ny fanadihadiana na ny porofo manamarina tsy azo isalasalàna an'ilay heloka? Mety tsy nananan-dry zareo akory aza na dia ny mpisolovava, tsy nohenoina nalaina am-bavany akory. Fa dia novonoina noho ny #Fifanenàna, [14] dia mankalaza ery isika?
— Sanjukta Basu (@sanjukta) 6 Desambra 2019 [15]
Modi’s done a brilliant job at planting the vision of India as a Great Power where use of violence is an evidence of its strength.
But reminder: Bypassing your own justice system and using state violence against your own citizens proves nothing but weakness. #hyderabadpolice [16]
— Gurmehar Kaur (@mehartweets) December 6, 2019 [17]
Nahavita asa tsara i Modi tamin'ny fametrahana ny vinan'i India ho lasa hery goavana izay ny herisetra no entiny manaporofo ny tanjany.
Saingy fampahatsiahivana: ny fanitsakitsahana ny rafitry ny fitsaràna ao aminao ihany sy ny fampiasàna herisetram-panjakana amin'ny vahoakanao dia tsy manaporofo afa-tsy ny halemena. #polisyaohyderabad [16]
— Gurmehar Kaur (@mehartweets) 6 Desambra 2019 [17]
Na izany aza, nisy fanohanana nipatrapatraka [9] ho an'ireo polisy ka nilaza ilay famonoana ireo lehilahy efatra ho hetsika famaizana ‘ara-drariny’.
Finally yes , Let this day be the beginning of new era where children and women feel safe and secure to live in India.
Quick Justice like this will inculcate fear into the Dirty minds ,
Our sincere prayers have been answered #hyderabadpolice [16]
Hats off #Encounter [14] pic.twitter.com/0QbqJGDHBT [18]— Yogita Bhayana (@yogitabhayana) December 6, 2019 [19]
Eny, ela ny ela, aoka ity andro ity ho fanombohan'ny vanimpotoana iray vaovao hahatsapàn'ireo ankizintsika sy ny vehivavy hoe afaka ny ho tony sy hiaina am-pilaminana izy ireo eto India.
Ny rariny malaky be toa io no hametraka tahotra any anatin'ireo ratsy saina,
Nivaly ny vavaka tamin'ny fo nataonay #polisyaohyderabad [16]
Mipao-tsatroka #Encounter [14] pic.twitter.com/0QbqJGDHBT [18]
— Yogita Bhayana (@yogitabhayana) 6 Desambra 2019 [19]
A strong message from the Konidela’s ! ??
Proud to be a woman! #JusticeForDisha [20] #justiceforpriyanakareddy [21] #justiceserved [22] #hyderabadpolice [16] #TelanganaPolice [23] #ramcharan [24] #Chiranjeevi [25] pic.twitter.com/EuXVBh2OkZ [26]— Upasana Konidela (@upasanakonidela) December 6, 2019 [27]
Hafatra iray mahery avy amin'ny Konidela ! ??
Mirehareha fa vehivavy! #RarinyHoAniDisha [20] #rarinyhoanipriyanakareddy [21] #tanterakanyrariny [22] #hyderabadpolice [16] #TelanganaPolice [23] #ramcharan [24] #Chiranjeevi [25] pic.twitter.com/EuXVBh2OkZ [26]
— Upasana Konidela (@upasanakonidela) 6 Desambra 2019 [27]
I applaud the #hyderabadpolice [16] who in no time took strong steps & gave befitting punishment to the perpetrators of crime. We shouldn't demoralize police. Cases of fake encounter demoralized Gujarat Police in past. Dr Priyanka Reddy. #justicedelivered [28] #HyderabadEncounter [29] pic.twitter.com/e2m8UvG5Uu [30]
— Parimal Nathwani (@mpparimal) December 7, 2019 [31]
Tehafako ny #polisyaohyderabad [16] izay nanao dingana mavitrika tao anaty fotoana fohy & nanome ny famaizana sahaza ho an'ireo mpanao heloka. Tsy tokony hanakivy ny polisy isika. Mahakivy ny polisy tao Gujarat ireo tranga tsy tena izy miresaka famonoana tsy nandalo fitsaràna. Dr Priyanka Reddy. #tanterakanyrariny [28] #HyderabadEncounter [29] pic.twitter.com/e2m8UvG5Uu [30]
— Parimal Nathwani (@mpparimal) 7 Desambra 2019 [31]
#WATCH [32] Hyderabad: Reaction of girl students when news of encounter of the accused in murder and rape of woman veterinarian broke out pic.twitter.com/z238VVDsiC [33]
— ANI (@ANI) December 6, 2019 [34]
#WATCH [32] Hyderabad: Fanehoankevitr'ireo tovovavy mpianatra rehefa nandre ny vaovao momba ireo voaheloka tamin'ilay famonoana tsy araka ny lalàna sy ilay fanolànana vehivavy mpitsabo biby pic.twitter.com/z238VVDsiC [33]
— ANI (@ANI) 6 Desambra 2019 [34]
I think every father, every parent, every brother in the country today stands behind the #hyderabadpolice [16]. My best wishes to them.
— Ashish Khetan (@AashishKhetan) December 6, 2019 [35]
Mihevitra aho fa anio dia mijoro eo an-damosin'ny #polisyaohyderabad [16] ny raimpianakaviana tsirairay, ny ray aman-dreny tsirairay, ny anadahy tsirairay eto amin'ny firenena. Mirary soa ho azy rehetra aho.
— Ashish Khetan (@AashishKhetan) 6 Desambra 2019 [35]
A father in Kerala had to kill the rapist and murderer of his 13 year old daughter, coz a Kerala court let the rapist out on bail. The ‘juvenile’ in the #Nirbhaya [36] case is a free man with a sewing machine. In such a situation, how can one NOT be happy with the #encounter [37]?
— Shefali Vaidya (@ShefVaidya) December 6, 2019 [38]
Raimpianakaviana iray ao Kerala no voatery namono ilay nanolana sy namono ny zanany vavy 13 taona, satria nafahan'ny fitsaràna tao Kerala tamin'ny alàlan'ny fandoavana onitra ilay mpanolana. Mpitovo manana milina fanjairana ilay ‘tsy ampy taona’ tao anatin'ny raharaha tao #Nirbhaya [36]. Anatin'ny toedraharaha tahaka izany, ahoana ianao no TSY HO faly amin'ny #fifanenàna [37]?
— Shefali Vaidya (@ShefVaidya) 6 Desambra 2019 [38]
Araka ny lazain'ny Times Now News, [39] nilaza ny rain'ny niharan-doza fa:
Andro folo izao no lasa hatramin'ny nahafatesan'ny zanakovavy. Mankasitraka ny polisy sy ny governemanta aho ny amin'izany. Mandry am-piadanana ankehitriny ny fanahin'ny zanako.
Hatramin'izao, mikatso ny fifanakalozankevitra [40] momba ny valinkafatra malaky sy ny rafi-pitsaràna mihisatra.