Sary avy amin'ny fonon'ny tatitra GISWatch 2019 izay navoaka indray araka ny lisansa CC BY 4.0
Naotin'ny Rising Voices: Manolotra ny fehin'ny lahatsoratray am-bilaogy miresaka ny endrika rehetra amin'ny fampiatiana nomerika sy ny fandraisana fitaovana nomerika ary ireo fomba sy hirika ho an'ny vondrom-piarahamonina handray anjara feno an-tserasera ny taratasim-baovaonay mivoaka indroa isa-kerinandro. Vakio ato [1] raha hijery ireo edisiona teo aloha amin'ity taratasim-baovao ity.
Eto amin'ny kihon'ny taona izao, efa nitondra ho antsika sahady ny edisiona hafa amin'ny tatitra fanaony isa-taona ny Global Information Society Watch (GISWatch). Ity edisiona taona 2019 ity no mizara amintsika ireo zava-niainana ara-paritra avy any atsimo ankapobeny sy ny fomba ampiharana ny halalintsaina voatrolombelona [artificial intelligence (AI)] amin'ny fiainantsika andavanandro sy izay mety ho fiantraikany eo amin'ny zon'olombelona, rariny ara-tsosialy ary ny fampandrosoana.
Ao anatin'ny volana vitsivitsy ho avy, ho avoakan'ny Rising Voices indray ny sasantsasany amin'ireo tantara avy amin'ny tatitry ny GISWatch taona 2019, miorina amin'ny fiarahanay miombona antoka amin'ny Association for Progressive Communications (APC) [2]. Koa aza miala. Mazava loatra fa azonao atao koa ny mikomandy ny kopia vita printy ato [3] na mitroka ny ebook avy amin'ny tranonkalan-dry zareo [4] amin'ny tatitra iray manontolo tsy an-kiandry.
Mirary taombaovao sambatra ho anareo sahady izahay sy aterineto misokatra kokoa sy mampiaty ny rehetra.
BEBE KOKOA AVY AMIN'NY BILAOGIN'NY RISING VOICES
Koa satria tonga any amin'ny fikatonany ny taona iraisampirenena ho an'ny fiteny indizeny 2019 (#IYIL19 [5]) dia tahaka izay ihany koa ilay fanentanana ifandimbiasana nandeha tao amin'ny Twitter ka niezahan'ny Rising Voices niaraka tamin'ny mpiara-miombona antoka hafa narindra. Nanampy tamin'ny fanasongadinana ny asan'ireo mpikatroky ny fiteny indizeny manerana ny tany ireo fanentanana Twitter miisa efatra ireo. Miaraka amin'ireo nampiatrano tamin'ny herintaona, hanao fanombanana amin'ny fanentanana izahay hamaritana izay azonay tohizana amin'ny taona vaovao. Koa aza miala azafady.
Mandritra izany fotoana izany, miangavy vakio eto raha hianatra bebe kokoa momba ireo mpampiatrano tamin'ny volana farany tamin'ny taona:
@ActLenguas [6] (Amerika Latina)
- Ignacio Tomichá Chuvé [7] [es] momba ny Besɨro (aka Chiquitano), fiteny indizeny mitoka-monina iresahana ao Santa Cruz afovoany, Bolivia
- Miguel Angel Oxlaj Cúmez [8] [es] momba ny Kaqchikel, fiteny Mayana iray iresahan'ny vahoaka indizeny Kaqchikel ao Guatemala afovoany
- Bertha Maribel Pech Polanco [9] [es] momba ny Maaya’ t'aan, fiteny Mayana iray iresahana ao amin'ny saikanosin'i Yucatán (Meksika) sy avaratr'i Belize, ary ny zavaniainany amin'ny maha-vehivavy mpikatroky ny fiteny indizeny azy ao Meksika
@AsiaLangsOnline [10] (Azia)
- Jerome Herrera [11] momba ny Chabacano, fiteny kiriolona mifototra amin'ny teny espainola tokana misy ao Azia, iresahana ao Filipina sy eo amin'ny zanany ampielezana
- Sev Pach sy Khouy Nherm [12] avy ao amin'ny @ConservePeople [13], FTMF iray miorina ao Kambodza, miresaka ny fampahafantarana amin'ny vahoaka ny fahalalàn'ny vondrompiarahamonina indizeny ao amin'ny faritra sy ny asan-dry zareo amin'ny fikajiana ireo fiteny ao an-toerana ireo
Ny loka Abie 2020, karakarain'ny AnitaB.org ho fankalazana ireo vehivavy miavaka amin'ny teknolojia no antsoina hotendrena (nominations). Miangavy jereo ato [14] raha hijery ireo karazana loka dimy misokatra ho amin'izany fanendrena izany sy ny fomba ahafahanao mampiditra ny fanendrena anao. fampidirana anarana hatramin'ny 8 janoary 2020
LANONANA SY KAOFERANSA HO AVY
Ho avy tsy ho ela ny Andron'ny Azon'ny rehetra ampiasaina (Public Domain Day) 2020! Amin'ity indray mitoraka ity dia hotontosaina ao Washington, D.C. ny lanonana ary ny Creative Commons no manasa anao hanatevin-daharana azy ireo ho amin'izany fankalazana izany. Azonao atao ny manao fisoratana anarana maimaimpiana ato [15] ary mijery ato [16] raha te-hamantatra ny andinindininy amin'ny lanonana. Daty: 30 Janoary 2020
VAKINTENY, FIHAINOANA ary FIJERENA FANAMPINY
- Indigenous Community Launches First Community Broadband Network in Hawai'i – Community Broadband Bits Podcast 385 [17] via MuniNetworks
- Manohy amin'ny fandraketana an-tsary ireo fanitsakitsahana ny zon'olombelona ireo Shiliana mpakasary [18] via Global Voices teny malagasy
- Sakizaya added to Wikipedia as a language option [19] via Taipei Times
- [From our archives] An Unashamed Inuk, Rising Indigenous Pop Star [20] via Rising Voices
- From #FeesMustFall to #BlueforSudan: OkayAfrica's Guide to a Decade of African Hashtag Activism [21] via okayafrica
Misorata anarana andefasana taratasim-baovao Rising Voices [22]