Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fantaro i Kaisanan Ahuan, hampiantrano ny kaonty Twitter e @AsiaLangsOnline ny 3-9 Desambra 2019

Sary natolotr'i Kaisanan Ahuan

Ao anatin'ny fanentanana media sosialy hankalazana ny fahamaroam-piteny an-tserasera manerana an'i Azia, isankerinandro dia hisy hifandimby hitantana ny kaonty Twitter @AsiaLangsOnline ireo mpikatroka sy mpanandrateny samihafa ho an'ny fiteny, hizara ny zava-niainany tamin'ny famelomana aina indray sy fampahafantarana ireo fiteny teratany any amin-dry zareo. Ity fanentanana ity dia fiarahana miasa eo amin'ny Rising Voices, ny Digital Empowerment Foundation, ary ny O Foundation.

Isankerinandro, ireo vahiny mpampiantrano ho avy eo dia hamaly fanontaniana maromaro momba ny làlana nodiaviny sy hanome topimaso fohy momba ny fitenin-dry zareo. Ity ny Fanontaniana sy Valiny niarahana tamin'i Kaisanan Ahuan (@AhuanKaisanan) izay hanome topimaso momba izay horesahany mandritra ny herinandro maha-mpampiantrano azy

Rising Voices: lazalazao anay ny momba anao azafady.

Kaisanan no anarako, 26  taona, ao Taiwan afovoany no fiaviako. Avy amin'ny vahoaka Taokas ary ny waroaral no foko misy ahy ao Nantou Puli. Mitolona ho an'ny zon'ireo vazimba teratany (indizeny) no asa ataoko amin'izao fotoana izao.

RV: Ahoana ny toerana misy ny fiteninareo ety anaty sy ivelan'ny aterineto?

Satria ny firenena Taokas tsy mbola nomena ny sata maha-indizeny azy araka ny lalàna, izahay ihany no mifampianatra ny fiteninay. Tsy ela akory izay, navoakanay tamin'ity 2019 ity ny rakibolana Taokas.

RV: Mikasika lohahevitra inona no kasainao hifantohana mandritra ny herinandro izay hitantananao ny kaonty Twitter @AsiaLangsOnline?

Hifantoka amin'ireto lohahevitra ireto aho, ireo kolontsain'ny lanonana nentindrazana sy ny kolontsain'ny sakafo nentindrazana.

RV: Inona no tena antony manosika anao ho amin'ny fikatrohana an-tserasera ho an'ny fiteninao? Inona no fanantenanao sy nofinofinao ho an'ny fiteninao?

Antenaiko mba ho fantatry ny olona misimisy kokoa ny fireneko, ny kolontsaina sy ny fomba ahafahana mianatra ny fiteny Taokas any an-tsekoly.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.