Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Fantaro i Marisol Mena Antezana, mpampiantrano ny kaonty Twitter @ActLenguas ny 13 ka hatramin'ny 19 Mey

Foto proporcionado por Marisol Mena Antezana

Ho an'ny taona 2019, nanasa olona maromaro mba hampiantrano ny kaonty Twitter  @ActLenguas izahay, mba hizara ny zavatra niainan-dry zareo ho fanomezana aina vao sy ho fampiroboroboana ny tenin-drazany. Ao anatin'ity lahatsoratra fanolorana ity, fantaro bebe kokoa ny momba an'i Marisol Mena Antezana (@chaskakanchariq) sy izay vinavinany horesahana mandritra ny herinandro maha-mpampiantrano azy.

RV: Lazalazao anay ny momba anao:

Marisol Mena Antezana no anarako, teratany ao Pampallacta, avy ao Aymaraes, Apurimac, ao Però aho. Izaho dia:

  • mpanabe mampiray kolontsaina ary mampiasa teny roa
  • mpampifandray mampiasa teny roa dia ny Quechua – Espaniola
  • mpikatroka mafana fo ho an'ny teny Quechua amin'ny alàlan'ny Quechua memes sy ny Sentimiento Quechua

Mifantoka amin'ny fanamafisana ny teny Quechua amin'ny sehatra maro samy hafa ny asa fampifandraisako kolontsaina, miaraka amin'ireo asa soratra sy ny hatsikana, ireo fandinihana ary ireo tononkalo, manohana ireo ezaka hanaparitahana ilay teny ao amin'ny media.

RV: Ny toerana misy ny fiteninareo amin'izao fotoana izao, ao anaty sy ivelan'ny aterineto?

Amin'izao, miaraka amin'ny fanohanan'ny media, nisy fifantohana nasionaly sy iraisam-pirenena tamin'ny teniko, ary maro ireo mpikatroka mafana fo miresaka momba ireo olana samy hafa mifandray amin'io teny io. Fa ivelan'ny aterineto, mbola maro ny asa tsy maintsy hatao, mampianatra ny taranaka aty aoriana ny momba io lova io, na dia mbola marefo aza izany. Ilaina izany ho anà ezaka mivaingana mba hahazoana antoka fa tsy ho fatin'ny taona mandeha io teny io

RV: Ny lohahevitra kasainao hifantohana mandritra ny herinandro itantananao ny kaonty @ActLenguas?

Mikendry ny hifantoka amin'ny fampahafantarana ny teny aho, miainga amin'ny zavatra tena niainan'ireo mpampiasa azy.

  • mizara ny traikefa ananan'ny tsirairay amin'ny maha mpikatroka mafana fo azy ao amin'ny media toy ny onjampeo sy ny fahitalavitra.
  • fandinihana sy fijoroana vavolombelona avy amin'ireo mpiteny sy ny ahafahana mampifandray izany amin'ny fikatrohana mafana fo.
  • ny fampiasàna ilay teny amin'izao fotoana

RV: Inona no tena nandrisika anao ho lasa mpikatroka nomerika ho an'ny fiteninao? Inona no nofinofinao ho an'ny fiteninao?

Ny hery manosika ahy dia ny hahafahan'ireo taranaka aty aoriana hobeazina amin'ny kolontsainy manokana, mba hahatakarany ny toeran'io eo anivon'ireo kolontsaina hafa. Atosiky ny tenin-dreniko sy ireo mpampiasa azy aho, ary manantena aho fa afaka hisokatra ny masony amin'ny lanjan'ny kolontsainy. Ny nofinofiko dia ny mba hampianarana ny teniko anatin'ireo toeram-panabeazana, ary ny hanangana fantsona TV sy onjampeo amin'ny tenin-dreniko.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.