- Global Voices teny Malagasy - https://mg.globalvoices.org -

Fantaro i Wong Cin Wun, hitantana ny kaonty Twitter @AsiaLangsOnline ny 10 ka hatramin'ny 16 Septambra 2019

Sokajy: Antsafa, Mediam-bahoaka, Rising Voices

sarin'i Wong Cin Wun

Ao anatin'ny fanentanana media sosialy hankalazana ny fimaroam-piteny an-tserasera manerana an'i Azia, hifandimby ireo mpikatroky ny teny sy mpanandrateny hitantana ny kaonty Twitter @AsiaLangsOnline [1] isa-kerinandro hizara ny zava-niainany tamin'ny famelomana aina indray sy fampahafantarana ireo fitenin-drazany. Niarahan'ny Rising Voices [2], ny Digital Empowerment Foundation [3], ary ny O Foundation [4] niasa ny fanentanana.

Isa-kerinandro dia hamaly fanontaniana maromaro momba azy ny mpampiantrano tsirairay ary hanome fomba fijery fohy momba ny fiteniny. Miaraka amin'i Wong Cin Wun (@Kaxabu2019 [5]) ny fanontaniana sy valiny etoana izay manolotra ny zavatra horesahiny mandritra ny herinandro amin'ny maha-mpampiantrano azy.

Rising Voices: lazalazao anay ny momba anao azafady.

yaku ka Tatawan a tapulu a saw, uzay monosu mini daxe. ohoni a kawat ka dusa isit iu xasep. yaku ka hapet bizubizu daxe, iu hapet Kaxabu a axaxay. ohoni ka kaidi Lisa takaat kukusa ki aku, yaku monosu ka ha:pet mubaza Kaxabu a ahan, ka maubabaza e.

Vehivavy 25 taona Taiwan fihaviana aho. Tsy tompotany aho anefa tena tiako ny fiteny Kaxabu ary tiako ny kolontsain'izy ireo. Mpiasa mpanampy an'i Profesora Elizabeth Zeitoun tapak'andro aho izao. Tsy maintsy mitsidika tsy tapaka ny vondrom-piarahamonina Kaxabu aho ao anatin'izany asa izany ary miara-miasa indrindra amin'ireo zokiolona. Tsy ela dia nianatra ny teny Kaxabu ihany koa aho.

RV: Manao ahoana ny fiteninareo ao amin'ny aterineto sy ivelan'ny aterineto?

yaku ka mubaza kalu Kaxabu a ahan saysay a mukawats. mukusa nita Suanlukus (adang a eten ni Kaxabu) liaka kalu Kaxabu a ahan maki apu padudu ohoza a axaxay. yaku ka mayaw muba’aza haki padudu Kaxabu a ahan, kuila ka iak a sanu mubizu naki a ma:azaw a da:li.

Afa-miteny Kaxabu aho. Mifampiresaka miaraka amin'ireo zokiolona amin'ny fiteny Kaxabu aho isaky ny mitsidika an'i Shou-chen (iray amin'ireo tanànakely efatra any Kaxabu). Tsy dia tena hoe mahay be ny teny Kaxabu aho kanefa mahavita miresaka hatramin'ny fetra sasany.

RV: Lohahevitra manao ahoana avy no kasainao ifantohana mandritra ny herinandro hitantananao ny kaonty Twitter @AsiaLangsOnline?

yaku ka mausay pakahadas nita Kaxabu a pasukuan, nita Kaxabu a arway iu yaku bizubizu a daxe sanu imu dadua mikita.

yaku ka nahaza mubizu a babizu ka”azem pasaken lia!” sen, imini a babizu ka ukuan ni Kaxabu ohoza a azem. ni babizu a bizu iu pauxut ka pauzah di nita apu Phuann-Tik-Hin kalu Kaxabu a ahan padudu a pasukuan, yaku tumala liaka mubizu ki. aubin iu hapet pakahadas sanu imu mikita.

Tiako ny hizara amin'ny olona rehetra ny tantaran'ny kolontsaina Kaxabu, ny hirany ary ny soritsoritra sary nataoko momba azy ireo. Nanoratra boky an-tsary mitondra ny lohateny hoe: “azem pasaken lia!” (Ho avy ny taombaovao!) aho. Tantara momba ny Taombaovao Kaxabu notantarain'i Phuann-Tik-Hin amin'ny fiteny Kaxabu ny ao anatiny. Mifototra amin'ity tantara ity ihany koa ny sary nataoko ary manantena hizara izany amin'ny rehetra aho.

RV: Inona no tena antony manosika anao amin'ny fikatrohana antserasera amin'ny fiteninao? Inona no fanantenanao sy ny nofinofinao ho an'ny fiteninao?

pialay ka Benson Fang mu’i’iak aku alo malamat, yaku mikita imini a maisia axaxay liaka xaxakela “imini ka uzay sanu Tatawan a saw mikita ezaw, yaw nahaza langu a saw alo mikita, sinay ki mausay masaket lia ki aku!”

yaku ka mausay mubizu a babizu, kalu Kaxabu a ahan padudu a pasukuan sanu nita saw saw maubabaza Kaxabu a axaxay.

I Benson Fang no nanasa ahy ho anisan'ity hetsika ity. Fantatro rehefa nahita io fanentanana io aho fa tsy ho an'ny Taiwaney (Tatawan) ihany izany fa na dia ny vahiny aza dia hamaky izany. Tamin'izay aho no nanapa-kevitra ny handray anjara amin'izany!

Maniry ny hanoratra boky an-tsary aho, ary hametraka tantara amin'ny fiteny Kaxabu mba hahafahantsika mianatra bebe kokoa momba ny fiteny sy ny kolontsaina Kaxabu.