Ampahany avy amin'ny “Moët syChandon“, (1899) nataon'i Alphone Mucha. Sary niparitaka an-tserasera .
Samy nilaza avokoa ireo mpamorona manga, ny sarimiaina ary eny fa na dia ny mpanoratra” tantara an-tsoratra Japoney” ao Japana aza fa nanome aingam-panahy azy ireo ilay Tseky mpanao kantovao sady mpamorona sarimiaina tany ampiandohan'ny Taonjato faha-20, araka ny bilaogin'ny kolontsaina pop Japoney Ichi-Up.
100年前に活躍した海外のイラストレーターが、近代の日本のクリエイター界に多大な影響を与えています。 その名はアルフォンス・ミュシャ。
Ilay vahiny mpandravaka izay niasa zato taona lasa izay no nanome aingam-panahy ny mpamorona Japoney tamin'ny fomba isankarazany. Alphonse Mucha no anarany.
Araka ny Ichi-Up, samy nahazo aingam-panahy avy amin'i Alfons Mucha (1860-1939, fantatra amin'ny teny Anglisy ho Alphonse Mucha) avokoa ireo famoronana Japoney malaza anisan'izany ny Fandraketana ny adin'i Lodoss (ロードス島戦記), Video Sipa Ai (電影少女), GOSICK ary ny Gundam . Mipoitra matetika any amin'ny kolontsaina pop Japoney rehetra any ny aingam-panahy nomeny.
『#ロトの紋章』@kamuif
ドラゴンクエスト列伝[ロトの紋章]〜紋章を継ぐ者達へ〜33巻は2019年08月24日の発売予定です。アルフォンス・ミュシャ風ルビス様が目印！24巻のクインゾルマと対のイメージで描きました。紙は今回パール紙を使う予定です。 pic.twitter.com/xGq2qR4RtD— 藤原カムイ (@kamuif) July 27, 2019
[…] Hivoaka tsy ho ela ny andiany vaovao amin'ny Dragonquest. Zahao ny tantara an-tsary ahitana ny sarin'i Rubisu amin'ny endrika Alphonse Mucha! […]
Manazava ny antony nahatonga an'i Mucha nanome aingam-panahy ny kolontsaina Japoney amin'izao fotoana izao ny hetsika Art Nouveau [Kanto vao], izay ahitana an'i Mucha, hetsika izay voataonan'ny Japonisma nandravarava ny tontolon'ny zavakanto Eorôpeana tany amin'ny faramparan'ny taompolo 1800 ihany koa:
アール・ヌーヴォーという言葉は、フランスのとある美術商が開いたお店の名前「アール・ヌーヴォーの店」に由来しています。この美術商が大の日本芸術ファンで、主に取り扱っていたのが日本の浮世絵版画や工芸品、それに影響を受けた美術家たちの作品だったのです。
Avy amin'ny anaran'ny trano fampirantiana zavakanto any Frantsa no nangalana ny hoe ‘Art Nouveau’ [kantovao]. Nanohana ny zavakanto Japoney ny trano fampirantiana zavakanto Art Nouveau, indrindra fa ny printy sy ny sokitra ukiyo-e Japoney, ary eo ihany koa ny asakanton'ireo mpanakanto (Eoropeana) voataonan'i Japana.
Nanamarika [fr] i Markéta Hanova, ilay Tseky Talen'ny Trano Fampirantiana Zavakanto Nasionaly Rakitry ny Zavakanto Tatsinanana :
Du fait d’avoir vécu à Paris, Mucha était aussi influencé par le style d’art japonais. Sur ses affiches, nous pouvons voir le motif de l’iris qu’il faisait en très grand. On peut voir à travers ces iris comme à travers une grille un autre objet à l’horizon, c’est une composition très typique des estampes japonaises.
Voataonan'ny endrin-javakanto Japoney ihany koa i Mucha raha nonina tao Paris. Hitantsika ao amin'ny sariny fa nataony lehibe ny maodelin'ny tiolipa ( ato amin'ity fandravahana ity). Tazantsika amin'ny alàlan'ireo tiolipa ireo tahaka amin'ny alàlan'ny makarakara ny zavatra iray hafa eny amin'ny faravodilanitra- famoronanana mampiavaka manokana hita amin'ny pirinty Japoney.
Ankoatra ny sarimiaina sy ny manga ary ny tantara an-tsoratra Japoney, mipoitra any amin'ny kolontsaina Japoney hafa ihany koa i Mucha :
ちりめん黒羽織 羽裏はアルフォンス・ミュシャ 黄道十二宮柄 ご予約受付中 https://t.co/3CNvDnjHGJ pic.twitter.com/4T4g4Pnfss
— ゴフクヤサン：デジタル捺染のオリジナル生地を使用した浴衣や帯を販売しています。 (@gofukuyasan) October 23, 2018
Manasongadina ny famoronan'i Alphonse Mucha ny lamba mainty manify ‘haori’ (palitao nentim-paharazana Japoney miendrika kimono lava) izay misy ny ‘haora’ (maodely miafina ao anaty akanjo). […]
Any amin'ny Repoblika Tseky, mbola tsaroana sy ankalazaina hatrany ny aingam-panahy nentin'i Mucha sy ny Art Nouveau tamin'ny kolontsaina famoronana Japoney. Tamin'ny taona 2014 , nisy fampirantiana lehibe tao amin'io firenena io momba ny Japonisma nataon'ireo mpanakanto ara-maso Tseky, anisan'izany i Mucha.
Ankoatra ny aingam-panahy nentiny izay mbola mitohy amin'izao fotoana izao amin'ny kolontsaina pop Japoney dia fonenan'ny iray amin'ireo angondrakitra lehibe indrindra manerantany amin'ny asakanto nataon'i Mucha ihany koa i Japana izay tafiditra ao anatin'ny angondrakitra Ogata sy Doi ao amin'ny Mozean'ny tanàndehiben'i Sakai, akaikin'i Osaka any andrefan'ny Japana.
Aseho ao Tokyo ao Bunkamura amin'izao fotoana izao ny asakanton'i Mucha ary mandra-pahatapitra ny faran'ny volana Septambra 2019 izany. Tsy manasongadina fotsiny ireo fandravahana maro nataon'i Mucha ity fampirantiana “Timeless Mucha: The Mucha to Manga — The Magic of Line” [Mucha tsy voafetran'ny fotoana: Mucha mankany amin'ny Manga — ny majikan'ny tsipika] ity fa misy ihany koa ireo asakanto isankarazany avy amin'ireo mpanakanto izay nahazo aingam-panahy avy amin'i Mucha. Hitety ireo tanàndehibe maro manerana an'i Japana amin'ny taona 2020 ity fampirantiana karakarain'ny Orina Mpanasoa Mucha ity .
