(Lahatsoratra teny anglisy tamin'ny 2014)
Tao anatin'ny iray tamin'ireo lahatsoratra nosoratako teto, nanoratra momba ny ahiahiko aho raha nangatahin'i Eddie [1] mba hikarakara fihaonana GV any Beirota. Zava-manahirana, nampiahiahy … na izay tianao iantsoana azy. Ny zava-misy dia natahotra ny zavatra rehetra aho …
Tsy te-handray andraikitra manokana na fanoloran-tena aho kanefa avy eo tsy hahomby …
Tao anatin'ny 7 taona no nahavitako ny boky tohankevitra Master ary nalaza ho mpangataka andro aho
Tsy te handiso fanantenana an'i Eddy na iza na iza ao amin'ny fianakaviana GV aho … noho izany dia nanapa-kevitra ny hiala amin'ny fahasahiranana aho ary nilaza hoe TSIA tamin'ny voalohany.
Saingy tsy handray valinteny TSIA i Eddie ary nanohy nandrisika hatrany … koa nihiakiaka aho
Afaka milaza ny fitarainako sy ny tabatabako noho ny tsy fahalalako izay tokony hatao sy izaho tsy te-hanao izany i Claire [2] sy Gohary [3]ary Afef [4]…
Na dia niova in-5 aza ny daty.. isaky ny manontany i Eddie, dia milaza aho hoe “Miova daty izahay ary ity no farany”
Ary tamin'ny farany, noho ilay Libaney hafa mpikambana GV, nifandray tamin'ny namana tena mahafinaritra izay tena “ao tsara”, ao amin'ny tontolon'ny media sosialy Libaney aho.
Mafana fo amin'ilay hevitra ilay lehilahy ary nilaza izy fa afaka manampy antsika hahazo toerana any amin'ny Oniversite Libaney sy ny sisa ..
Ary toy ny mahazatra dia nifanaiky tamin'ny daty iray izahay… izay nifanindry tamin'ny “Herinandron'ny Fandraharahana Manerantany [5]” tamin'ny tapaky ny volana Novambra, izay mety hiantoka ny fanatrehan'ny olona marobe …
Ary mazava ho azy, fa nandefa fango sy fandaharana amin'ny antsipirihany aho …
Ary noho izany dia niezaka nanao izany aho, saingy tsy tamin'ny fo … ary somary malemilemy ny fandaharana tamin'ny hevitro ary tsy nahafa-po ahy
ary niverina tanteraka indray ny fangatahana andro mampalaza ahy…
ary nanohy nanemotra hatrany aho… mandra-pahatongan'ny herinandro iray monja sisa alohan'ny fotoana fantatra fa hanaovana ny fihaonana …
tsy nisy fanasana nalefa, tsy nisy programa nalefa …. tsy nisy na inona na inona….
Tampoka teo “Eureka” … noho ny antony sasany dia tanteraka ny fihaonana
Niresaka tamin'i Gohary, nilaza izy fa ho avy any Libanona
Hafatra avy amin'i Claire: Thalia … ho any Libanona aho
ary tsy i Claire sy Gohary ihany, fa i Amira, Afef ary olona maro hafa ho avy any Beirota koa hanatrika ny Forum momba ny Fitantanana ny Aterineto Arabo na IGF Arabo [6] sy hetsika hafa.
Tsy mampino ! Tsara lavitra noho ny fahatongavan'i Dadabe noely tao an-tanàna izany 🙂
Ka nangataka indray mba hanemotra ny fihaonana aho mba hifanindry amin'ny fahatongavan'ny olona ao amin'ny tanàna malalako!
Ary nanana ity hevitra mahafinaritra hafa ity aho … nitafatafa tamin'ny olon'ny March Lebanon [7] momba ny Mozea vortoalin'ny Sivan'izy ireo [8] aho …
Fa maninona moa aho no tsy mba nieritreritra ny hangataka azy ireo mba hiara-hampiantrano ny fihaonana ??
Tonga haingana ny valin-tenin'izy ireo 🙂 ENY
Hanomboka manodidina ny sivana sy ny fahalalahana maneho hevitra ny fivoriana.
[9]Tapaka ihany ny daty ho an'ity nandrasana ela “Fifanakalozana Tsy Voasivana” ity: 26 Novambra [10]. Azo jerena ato [11] ny antontan-kevitra lehibe.
Fa nisy ampahany mahafinaritra koa. Natao tao an-tranon'ny mpanomponao ny resadresaka mahasoa naharitra adiny 2, teo ambanin'ny “Orana tsy voasivana” … sy ny “Sakafo hariva tsy voasivana”.
Avelako hilaza izany ny sary
Saingy tsy izany ihany fa nisy koa fifandrifian-javatra mahafinaritra iray hafa nahatonga ahy hihaona tany Berlin, andro vitsy monja taorian'i Raphael [12], Pernille [13] ary koa Solana [14] sy Awadallah [15]
Koa andalana farany, ary aoka izay ny Blabla (lava ny resako) (misaotra an'i Eddie ary Misaotra anao GV noho ny fahatokisana ahy mihoatra noho ny nitokisako ny tenako ..
Anisan'ny zavatra tsara indrindra nitranga tamiko hatramin'izay ny fidirana tato amin'ny GV 4 taona lasa izay
Tratry ny tsingerintaona faha-10 ny fiarahamonina na fianakaviana tsara indrindra hatrizay:)
Am-pitiavana be,
Thaly